استشارة هل اشتري 2009 أو 2010

**أبوعثمان** · 07-01-2010, 01:47 PM

بسم الله الرحمن الرحيم
الأعضاء الكرام
نويت أن أشتري سيارة جديدة ومريحة وبسعر معقول، وكنت متحيراً بين الكامري والأكورد والألتيما والفورد، وفي الحقيقة بعد المقارنة والبحث والتحري اتضح لي أن الأكورد أفضلهن، واستخرت الله وارتاحت النفس لها.
السؤال: أريد أن آخذ نص فل (جنوط وفتحة) والأسعار هي:
2009= 83400 ريال
2010=91400 ريال
و2009 لا توجد منها جميع الألوان..
وتعلمون أنه ليس هناك فرق إلا فتحة المكيف.
فماذا تنصحوني؟؟
هل يستاهل أن آخذ موديل 2010 وأدفع الفرق 8000 ريال؟!
وشكراً على تعاونكم مسبقاً..

**مجنونك يا اكورد** · 07-01-2010, 01:57 PM

خذ فل كامل اوبشن احسن 2009 دور تلقى بالمعارض بـ 92000 الف
والفروق بسيطة الحساسات تقدر تركبها اما المكيف الخلفي مو مهم

والأكورد حلاوتها الفل كامل

**ابو علي12** · 07-01-2010, 02:44 PM

والله ياخوي اذا كان ميزانيتك تسمح ... خذ 2010 افضل لك ... علشان الحساسات والمكيف الخلفي ... وترتاح من الفك والتركيب ..

اما اذا كان مافي .... 2009 ... مافيها فرق بينها وبين 2010 ... غير المكيف والحساسات ...

والقرار الاول والاخير لك عزيزي

**اكوِرد** · 07-01-2010, 03:34 PM

نصيحتي خذ فل كامل حتى لو مستعمل .

**ksakiller** · 07-01-2010, 04:43 PM

خذلك فل كامل 2009 وتوكل على الله انا مثلك كنت محتار بس يوم شريت اقتنعت ان 2010 خسارة فلوس بس

**متكرود** · 07-01-2010, 04:56 PM

فل اوبشن 2009 بـ92000ريال

فرق 8000ريال

ماتستاهل الحساسات تقدر تركبهم اذا تبيهم..اما التكييف الخلفي ,,السياره سيدان مو كبيره مره عشان يكون فيها تكييف خلفي زي باقي السيارات العائليه الكبيره فئة الصالون...
^^^وجهة نظري والقرار الاول والاخير راجع لك

الله يعطيك خيرها ويكفيك شرها وتتهنا فيها.
نقبل مروري...

**أبوعثمان** · 07-01-2010, 04:58 PM

نعم رأيت الفل كامل موجود عندهم جلد 2009
لكن المشكلة أنه لا يوجد لديهم إلا حبة واحدة واللون أسود
وأنا أصلا هارب من اللون الأسود لأن سيارتي سوداء:d

**مجنونك يا اكورد** · 07-01-2010, 05:01 PM

المشاركة الأصلية كتبت بواسطة أبوعثمان

نعم رأيت الفل كامل موجود عندهم جلد 2009
لكن المشكلة أنه لا يوجد لديهم إلا حبة واحدة واللون أسود
وأنا أصلا هارب من اللون الأسود لأن سيارتي سوداء:d

طيب دور في المعارض راح تلقى لؤلؤي ولا خلهم يجيبوها طلبية

**K.H.A.L.I.D** · 07-01-2010, 05:12 PM

خذ 2008

ماشوف الفروقات تستاهل هالقيمه

والله يكتب لك اللي بوه الخير}

**أبوعثمان** · 07-01-2010, 07:47 PM

المشاركة الأصلية كتبت بواسطة مجنونك يا اكورد

طيب دور في المعارض راح تلقى لؤلؤي ولا خلهم يجيبوها طلبية

ماذا تقصد بالمعارض أخي الكريم هل المستعمل أو الجديد؟؟

**مجنونك يا اكورد** · 07-01-2010, 08:50 PM

المشاركة الأصلية كتبت بواسطة أبوعثمان

ماذا تقصد بالمعارض أخي الكريم هل المستعمل أو الجديد؟؟

اكيد راح تلقى أكورد 2009 جديد ومستعمل وأنت شوف الي يناسبك ؟

**أبوعثمان** · 07-01-2010, 11:36 PM

يا إخوان وين الردود
اللي شاهدوا ثمانين واللي ردو ثمانية!!

**احبك يالاكورد** · 08-01-2010, 03:09 AM

نصيحتي اكورد 2009 فل فل فل
افضل لك من السبيشل واكيد بتلقى الوان غير الاسود بس دور في الوكالات والمعارض

اما اذا كنت معزم على سبيشل فخذ لك 2010 لان بيكون عندك مكيف خلفي وحساسات

**نصور - HKS** · 08-01-2010, 04:13 AM

شوف اخوووووي
اذا بتاخذ سبيشل 2010 بـ 91400
اجل زيدهم 2000
و خذ لك 2009 فل
هاذي من وجهة نظري

او اخذ لك 2009 سبيشل
و وفر 8000 ريال

و المكيف اشوف ماله داعي
و الحساسات اذا بغيتهم تقدر تركبهم

و صج لا تنسى روح اسال الوكاله
عن الفل 2009
قول لهم مافي في المدن الثانيه غير الاسود
و خلهم يجيبونه لك طلبيه

و ترا حتى لو تاخذ فل مخمل
اهم شي انه فل و انت عندك فلوسها

و ان شاء الله
ما ثقلت عليك
يلا سلالالالالالالالالالالالالام

**D.H.o.O.o.M** · 08-01-2010, 05:40 AM

غير الفل لاتاخذ
بالنسبه للفل لؤلوي اكيد فيه بالوكالة بس مو بالرياض مثلا فرع المدينه المنورة يسون لكـ طلب وتجي الرياض شحن

لو كانت المقارنة على الستة سلندر قلت لكـ صح خذ 2010 لاكن اربعه سلندر مافي فرق مهم او يذكر بين 2009 و2010

وشوف المعارض وموزعين هوندا بتحصل فل لؤلؤي جديد وبسعر حلو مايتعد حاجز الـ 92000

وبالتوفيق يارب

**شرقاوي هاوي** · 08-01-2010, 08:50 AM

اختــــــــــــــــــيار موفق للهوند اكور و ياصاحبي افضــــــــــــلك 2009 فل كامل

اوايد اخواني الأعضاء في المنتدى

بس لو اني مكانك استفيد من الفرق 8000 في تضليل السيارة عازل حراري و وعوازل انوار وبدي ضد العجاج وتكيس السيارة من وايلا بتطلــــــــــع اللسيارة فري نايس

وبي التوفــــــيق اللـــــــــه يعطيك خيرها ويكفيك شرها مقدما;)

**أبوعثمان** · 08-01-2010, 04:55 PM

سألت المعرض وقالوا لا يوجد في السيستم في الفل كامل 2009 إلا لون أسود
والصراحة فل كامل 2010 غالية
إلى الآن أنا متردد!!

**henry السعودي** · 08-01-2010, 07:43 PM

اخوي اذا عجزت تحصل فل كامل لؤلؤي 2009 جديد
انصحك انك تدور على مستعمل استعمال خفيييييييييف (ماشية 2000 الى 5000) في المواقع او المعارض والله يكتب اللي فيه الخير لك

**أبوعثمان** · 09-01-2010, 12:45 PM

لكن خوّفني كثير من الشباب أن قطع الهوندا غالية جداً..
ويقولون إذا بدفع أكثر من 80 ألف أدفعها على فورد ماركيز أحسن و8سلندر وأوسع وأرسى على الخط وقطعها أرخص!
وممكن آخذ تاهو 2007 من المعارض استعمال أمريكي نفس السعر وأكشخ !
لا زلت في حيرة من أمري!!
ودي أسمع آراءكم تجاربكم..

**ღღ 3eo0oney...ღღ** · 09-01-2010, 01:17 PM

المشاركة الأصلية كتبت بواسطة أبوعثمان

لكن خوّفني كثير من الشباب أن قطع الهوندا غالية جداً..

هذا الكلام اول انها غاليه بس الحين لا رخيصه

ونت استخر وشف اللي يريحك

**أبوعثمان** · 09-01-2010, 04:51 PM

المشاركة الأصلية كتبت بواسطة ღღ 3eo0oney...ღღ

هذا الكلام اول انها غاليه بس الحين لا رخيصه

ونت استخر وشف اللي يريحك

يعني أخي الكريم انت جربت تغيير بعض القطع الرئيسية أو أحد الإخوة الأعضاء ممكن مثال لا هنتم..

**RjH** · 09-01-2010, 08:00 PM

اخوي خذ لك سبشل 2009
وبعديم السبشل 2009 ما تفرق عن 2010 بس مكيف (ما فيه حساسات)

و8000 خله في جيبك أوطقلك جنوط فل من الوكالة (وارد دبي ) بـ1500

**رايـق بطبعيـ** · 09-01-2010, 10:45 PM

واللهـْ كلام الشباب عين العقل فرق 800 مكيف وحساسات !!! مرره يعني مبالغ فيه
انصحكـ تدور زياده وبتحصل 2009 فل كامل باالمبلغ الي معك
تقبل مروري باالتـوفيقْ،،

**شلهوب سدير** · 09-01-2010, 11:22 PM

توكل على الله وخذ 2009

**kakashi-san** · 09-01-2010, 11:36 PM

السلام عليكم

حياك الله اخوي ابو عثمان ..

في البداية نحب نرحّب فيك معنا ،،

اذا بغيت نصيحتي شوف لك 2009 فل كامل سواء مخمل او جلدْ ما تفرق معك لان الموتر فل كامل ..

والاكورد يختلف فيه اختلافات كثيرة بين النص فل والفل كامل ..

يتميّز الفل كامل عن النص فل ..

الاسيات اريح بكثير
تصفيط المرايات
مكيّف لمس
مكيف خاص بالراكب ومكيف خاص بالسائق
تحكم الكتروني في كرسي السائق
مسجل ذو 6 سيديات mp3
مرايه عاكسه للنور العالي
جنوط مقاس 17"
كشافات ضباب
تخشيبه داخليه
وغيرهاْ ..

اما عن قطع هونداْ ،،

اخوياي معهم 2005 و 2007 وقطع غيارهم ناارْ ،

اما انا معي 2008 ومرتاح مع اسعار القطعْ ..

وغير كِذا صار الضمان الى 100,000 بدل 60 ألف

البواجي تغيرها في 100,000 ، اما الموديلات السابقة تتغييّر في 60 الف ..

بالنسبة للاختيارات اللي ذكرتها ..

الفورد ما عليه كلام وراحة غير طبيعيه ، لكن مشكلته بعد 160 غير راسي بالخط أبدْ من واقع تجربه ..

التاهو من أروع ما يكون ، لكن تاخذه استعمال امريكي اتوقع فيه مشاكل بعدينْ ،،

بالتوفيق لك ..