وجهة نظري الأكورد أفضل سيارة بين منافسيها أما مسألة مقارنتها بالكزس ما أدري لأني ماجربت لكزس ولكن أشوف مافيه مقارنة طبعآ
فئة es فقـــــــــــط والموديل الجديد أما القديم من 2006 وتحت يمكن أقارنها
من عدة نواحي أما الأفالون أفضل بس فيه اشياء بالأكورد تقدر تقارنها بس بالنهاية الأفالون سترجح بالميزان
واضح من ردود اغلب الشباب انهم تركوا الموضوع الاصلي
واظن انهم ما كلموا قراءته حتى
وصارا يقروا الردود ويعلقوا على اساسهاا :(
في قاعدة اتعلمنها بالمدرسة انو فهم السؤال نصف الاجابة
واللي يحب يعلق او يبدي رأيه ياليت يفهم المطلوب والغاية من الموضوع
حتى يكون رده وكلامه في محله
مع احترامي للجميع بدون استثناء
يعطيك العافية اخوي خالد عالموضوع صدقت والله
تحياتي لك
شوف حبيبي أنا اتفق معاك في كلامك
بس مانبخس الاكورد حقها رغم عيوبها ( مافيه احد كامل )
ومن ابرز عيوبها ابرزها لك في نقاط
* سعر االشراء
*قطع الغيار
*تجهيزات اكترونية لك عليها والموجود = تفوق المنافسون بمراحل على مافيها
*وكيل الله يعينا عليه
*
ولكن مميزاتها تفوق عيوبها يكفي عندما (تفر الـh ) في الدركسون
لذا لاتقارن الا بسيارات من فئتها
كامري - اوريون - زووم 6 - ليجاسي - سوناتا - لومينا 6 سلندر .... الخ
فهذه سيارات من فئة واحدة وكل واحدة تميزت عن الاخرى بميزه
وكل واحدة لها محبيها معجبيها
اما الافالون فعليك بمقارنتها بملكة هوندا ليجند التي حرمنا منها
اخوي خالد عرفت الحين ليش الموضوع يغلق ؟؟
اقراء الردود بس بهالصفحه وتشوف الناس اللي مسكت خط الدمام مع مفرق حايل :d
;)
عليكم السلام ورحمةُ الله وبركاته ..
يا هلا فيك اخوي خالد ..
تقدر تقول هالموضوع كان في بالي من فترة ..
الأكورد أنا معاك أنها سيارة ما شاء الله من أروع ما يكونْ ..
رساوة + قطع غيار مناسبه + صيانة ولا أحلى + شكل وفخامه ... ألخ
لكني استغرب من بعض الأعضاء انهم يقارن الأكورد مع اللكزس ويقول الاكورد افضل ، لان الاكورد ارخصْ ..
الشيء ما نقدر نحكم عليه على السعر ، لان اكيد المميزات اللي فيه تستاهل سعرهاْ ،،
الكل يتفق أن الأكورد موتر ما عليه كلام وأفضل من السيارات اللي في فئتهْ ..
وأنا معي أكورد 2008 ، وبصراحة مرتاح معها ، لكن لما أركب موتر خويي الأفالون أو اللكزس es350 ،
أقول لنفسي تسرعّت وأخذت أكورد ! ، لكن الحمد لله على كل حاال واالسيارة الأكورد أفضل بكثير من سيارات في فئتها ..
’’’
شيء ثاني أحب أقولهْ ،، في بعض الأعضاء يسب الاوريون الافالون ... ألخ
أتمنى ما تحتقر سيارة ثانية وأنت أصلاً ما جربتها ، وفي النهاية تبقى السيارة كومة حديد تنقلك من مكان لمكان والحمد للهْ ..
الواحد يحمد ربه على سيارتهْ ، غيرك يتمناها ومب قادر يطلّعها ،،
شكراً خــالدْ ..
مع احترامي لك خالد انا اشوف الاكورد افضل من الافلوون
بالشكل والديكور وكل شي ماعدا الدخول الذكي فقط
ولاتزعل من الحق انا اشوف الارينو تتقارن مع الاكورد وممكن تتفوق في الخارجي فقط
اما الكزس منتهين منها
وبعدين ليش ماتبيع الاكورد وتشتري لاكزس او افلون وترتاح
والاكورد ما يعرفها غير اصحابها واسال اصحاب الاكورد ويجاوبونك
واتوقع انك مامعك اكورد فقط كلام من وراء الشاشة
والاكورد افضل من الكزس 430 ولكزس es في الديكور فقط
ارجو المشرفيين قفل الموضوع لن فيه تقليل من الاكورد
واخوي خالد فيه قسم البيع بيع السيارات ورتاح هذا اذا معك
اقتباس:
المشاركة الأصلية كتبت بواسطة حبيب هنادي
كلامك صحيح
فانتاستك مان
اعجبني ردك
ابو جواد
اقتباس:
واضح من ردود اغلب الشباب انهم تركوا الموضوع الاصلي
واظن انهم ما كلموا قراءته حتى
وصارا يقروا الردود ويعلقوا على اساسهاا :(
في قاعدة اتعلمنها بالمدرسة انو فهم السؤال نصف الاجابة
واللي يحب يعلق او يبدي رأيه ياليت يفهم المطلوب والغاية من الموضوع
حتى يكون رده وكلامه في محله
مع احترامي للجميع بدون استثناء
يعطيك العافية اخوي خالد عالموضوع صدقت والله
تحياتي لك
----> يارب تقرون كلامه وتفهمون الموضوع شوي
شكرا لك عزيزي
المسافر
اقتباس:
اخوي خالد عرفت الحين ليش الموضوع يغلق ؟؟
اقراء الردود بس بهالصفحه وتشوف الناس اللي مسكت خط الدمام مع مفرق حايل :d
;)
واضح والله
بس طولوا بالكم ولحد يقفل هالموضوع
ترا يمكن اول موضوع لي
يوسف
الله يعطيك العافيه
يسعدك ربي على هالتواجد
معليش مره عاشره ابي اسحب على بعض الردود
لأن رده بوادي والموضوع بوادي
بقول لكم حاجه
السيارات تزيد سعرها على حسب مواصفاتها و جودتهاااااااا
يعني مثلا جوده القطع يزيد من سعر السياره و بعد الي يزيد سعرها الوكاله نفسها
يعني اللكزس سياره حلوه
بس الاكورد حلوه بعد
لكن العيب الوحيد الي في المقارنه هو
اكتبو كل المواصفات الموجوده في الاكورد 6 سلندر و اللكزس is300
وشوفو اي وحده ناقصه من المواصفات اوفيها عيوب
وكدا تسمى مقارنه
اما الحين هدا يسموه ابدا الراي
كل واحد يقول الي يحبه و يعجبه
مثلا ناس تحب السيارات الجيب
وناس تفضل سيارات السيدان متوسطه الحجم
وناس تحب سيارات اليوكن والسوبربان
ونالس تحب السيارات العائليه
وناس تحب السيارات السوبورت ابو بابين زي السوبرا والموستنغ والكورفيت
وناس تحب سيارت الهاتش باك زي السيفيك
وناس تحب سيارات الجولف فلك واجن
وناس تحب سيارات سوبر كار الي سعرها بالملايين
زي الفيراري والمبرغينني والبوجاتي والاودي r8 ,و البورش كريرا
يعني كل واحد يمشي بالطريق و يشوف سيارة هوندا اكورد 2007 مجنطه جنوط تختلف عن الوكاله وهو يحب هدا الشيء بيلاحضها و بينظر اليها
وبعكس الشي لو كان واحد اخر يحب سيارت الوينايت الجمس الحوض البيك اب وكان لونه حلو وفي كم حاجه زي جنوط او كفراات عريضين مرررررره
يعني الواحد يلاحظ الشيء على حسب ميوله الشخصي
وناستحب السياره تكون كلها شد بلد وكامله المواصفات بس كل شيء فيها شد بلد ويعجبه هدا النوع من السيارااااااااات
اقصد
بيلاحظ هده السياره لانه من النوع الي تعجبه ويمكن ما يلاحض الاكورد المجنط بجنوط وونازل على الارض
الأكـــورد ماعليها كلام ..
بس لو أصحابها يتركون التعصب والأنحايز القوي لها ..
هيه هيه فلة :d
مبروك ياعيال
لن يغلق الموضوع ..
يعني تناقشو بهدوء :p
لو ونيت موديل 80
اهم شيء مكيف ومسجل شغال
خلاص احمدالله على نعمته
بلا افالون بلا اكورد بلا لكزس كلها مصيرها يوم من الايام يا المعارض يالتشاليح
وكل زمن له سيارة وله جيل
تحياتي
اهم شي ان الموضوع عدا على خير ولاتقفل
اللي نبيه نبعد عن التعصب بس
وعليكم السلام
يا هلا والله فيك
وبعدين وش فيك معصب ومتحمس وكلامك كله حاذف يمين يبووو شكل الشاصي عندك ضارب :d
المووووهيم
شوف اخوي لو بتتكلم عن المقارنات راح تحصل اشياء كثير مو شرط تقارن بين سياراتين او اكثر
من ناحيه السرعه او من قوة المكينه او .... الخ
انا اعرفلك ناس يقارنون مو من هالاشياء يقارنون من الشكل والراحه اللي تكون بسياره فيه سيارات كثير مكينتها وادائها قوي بس للاسف لما تركبها تحس انك راكب بوسط صندوق مافيها اي راحه
يعني هد اعصابك وكل واحد يمدح بسيارته لانه راغبها ومهتويها لو مايبيها مادفع عليها هذاك المبلغ
واللي تحصله يسب بالاكورد يا تلقاه اهله غاصبينه عليها يا تلقاه يبي ( ..... ) :d
الموهيم محد يزعل ولا يتضايق ولا شئ
السـلام عـليكم :d
وش فيكم على الأكـورد هههههههههه << أول متعصب :p
لطفوا الجـو شـوي :d
بالنسبة لي والله مافرقت معي , ددسن ولامتنل ولاأكورد ولاآفالون ولالكزس ولابانوراما
ركبنا كل سيارة وبالنسبة لي ماتفرق معي مادام السيارة اللي أملكه شئ مريح وتتحمل ومافيها عيوب صناعية (( ميكانيكياً ))
واهم شئ هو موتر يمشي بالخط 10 ساعات متواصلة وفيه CD ومكيف , يكفيني وزيادة << لو يحطون فيه دفرنسين ودبل , كان احلا مايكـون :d
وخذوا النعمة اللي انتم فيها كـ (( وسيلة وليست غاية ))
والله يكـون بالعـون
انا مشاركاتي لو ما تنحذف اتوقع اصق 4000 مشاركه :d
مو زعلان انها تنحذف .. اهم شي اعبر عن وجهة نطري وتوصل للي ابيه
وبعدين الي يبي يحذفها يحذفها والي يبي يصور معها يصور
^^
انتظر الحذف :p
^^^^^^^^^^^^
تكلم بهدوء وعقلانيه وتزان
ولا تكبر الصغير ولا تصغر الكبير
يعني اعطي كل شي حقه ولا تبخس الناس اشيائهم
وصدقني ما راح ينحذف لك شي
يعني وش مصلحت المشرف او المراقب انه يحذف ردك
كلهم ناس ثقات ولا يفكرون انهم يغلطون على احد
ولو غلط فيهم احد رجع واعتذر
اتمنى انك فهمت الشي الي اقصده يالغالي
اقتباس:
المشاركة الأصلية كتبت بواسطة عطر الحكي
اشكرك على النصيحه .. !:cool: