الموضوع: انا كرهت الهوندا :(

شوف اخوي سالفة تاخر وتعاملهم مع الزبون في اغلب الوكالات نفس الطريقة مايعطونك ريق حلو الا تالي

فالموضوع يبيله صبر اشوي منك

وثانا سالفة اني اشتري السيارة وكالة ويصير الي صارلك والله مانام اليل لأمتحنهم امتحان اشتري سيارة من عندكم مبلغ وقدرة وفي النهاية هذا الي يصيرلي

هذا غش وماينسكت عليه

الله يعينك بس من ناحية انك تعيب السيارة اجماليا علشان مشكلتك لا

الهوندا اكورد كبير ويبقا كبير

وشـــــــــــــــــــكرا

من ناحية التعامل هذا حال كل وكلاات السيارات عندنا ماحولكـ حد وعلى قولتهم خذ وخل

ومن ناحية ان السيارة صارت لها حكة اوصدمة بالوكالة ورشوها هاذي تصير ليش لا يا بضروف التحميل (السطحة) او المستودع وضروف المواقف وشي طبيعي ماراح يقولون لكـ والله يكون بعونكـ شي يقهر مالومكـ بس كان شيكت عليها قبل ماتشتريها او وقت التسليم

با التوفيق يارب

لااااااا تسكت عليهم

والله إنه شيء يقهر والصراحه مالك داعي تفوتها عليهم

رح للمدير وكلمه وإن مانفع معه الطيب بالغصب


أما عااااااااااد يحكونها ويرشونها وانت ياغافل لك الله

والله ماادري ايش اقول بس اعذرني مقهوور حتى انا

طب ياشباب وش ممكن يطلع في ايدي لو طلع الحق عليهم وثبت فعلا انهم صابغينها ؟؟

وشكرا ياشباب على الاهتمام

روح للأمارة وافضحهم في الجرايد

ولاتسكت على الموضوع

المشاركة الأصلية كتبت بواسطة بلال العلمي

روح لمحل فحص واسأله عن رقم سماكة البوية في البودي كله تاكد من جهاز فحص البودي حقه انه فيه ارقام والكتروني وخليه يشيك على بودي السيارة

راح تلقاها ما بين 110 الى 180 كحد اقصى واذا مرشوشة فهي تلقاها من 205 الى 222 طبعا رشة بدون سمكرة .


الحل:


ازالة البوية تماما حتى ترى الصاج المعدني وبعده اصبغه مرة ثانية فرن بوية نوع سكينز وروح افحصها وراح تلقاها مثل باقي اجزاء السيارة الا في حالة واحدة اذا كان فيه ضربة في بودي الباب وفيه خشونة في المعدن هنا مشكلة ثانية

انا اليوم ومن ساعه خذت السياره لمحل متخصص في هالامور للمره الثانيه وقالي ان الباب باين عليه انخدش وصبغووه مره ثانيه لانو لو دعمه لاقدر الله كان الباب كلو تغير .. انا ياشباب مقهووور والله امس ماجاني نوم وانا افكر في الموضوع واليوم انشالله بروح للهوندا عشان اعرف وش صاير

وتسلم اخوي على التوضيح وانا بحاول اخذ بنصيحتك واشيك على سماكه البويه ونسبه الرش ومن هالامور هاذي

سامحوني ياشباب اذا ازعجناكم بس والله الموضوع مو هين وانا منقهر وشوي وبنجن لو ما طلعت اللي في بالي :(

الله يعينك يخوي
وهذا وانت معك هوندا ومصبوغ الباب

وش عاد لو كان معك لكزس واخر موديل ومطلعها من الوكاله ورايح للورشة حقتك :d
وفجأأأأأأأه يقول لك السمكري الي بالورشة السياره مصدومه من الصدام للصدام
ومسمكرة وراشينها وش راح تسوي

تدري وش سوت وكالة لكزس بعد المداولات والروحات وجيب السمكري وتقديم الاثباتات والدلائل قررت وكالة لكزس

تغيير السيارة بوحدة سليمة من الصدمات
يعني لا تسكت زي ماقالوا لك الاخوان انشب لهم وجب لهم عشرة سمكرية

يمكن بعض الناس تقول باب ماياثر او ماهو واضح
ولكن شي يقهر تشتري سيارة وكالة ومديل جديد وتحصلها مصقعه من كل جهه

وين موقعك؟؟

قلعهم الله هذولي الحراميه .. روح ياحبيبي لمدير الشركه قول والله لأفضحكم ياحراميه , يمكن يعطونك سياره جديده من القمطه ههههههه

والله العظيم أني حتى أنا مقهور