السلام عليكم ورحمة الله وبركاته
يا شباب أنا معي أكورد 2008 ماشية 75 ألف وفيها بعض المشاكل
وأنا ما عمري دخلت سيارتي لصيانه الا مره الي هي صيانة 1000 بس
ولا أدري هل يشملها الضمان!!؟
ولا بيقولون لي ليه ما تسوي صيانه كل 5000!!؟
وشكراً,,,
السلام عليكم ورحمة الله وبركاته
يا شباب أنا معي أكورد 2008 ماشية 75 ألف وفيها بعض المشاكل
وأنا ما عمري دخلت سيارتي لصيانه الا مره الي هي صيانة 1000 بس
ولا أدري هل يشملها الضمان!!؟
ولا بيقولون لي ليه ما تسوي صيانه كل 5000!!؟
وشكراً,,,
وعليكم السلام هلا فيك اخوي ..
عادي روح للضمان وراسك مرفوع مو شرط انك تستمر ع الصيانه حبيبي سيارتك مضمونه لحد ماتمشي 100 الف او 3 سنوات ايهما اولى ... ماقال لك او كتب لك انك لازم تواظب ع الصيانه كل 5000 الاف <<< عسى ماشر >> انا بعد معاك رايح لهم بعد كم يوم عندي البوري واحد شغال والثاني طافي وبيصلحونه ع الضمان ومو بالرضاء الا بالغصب
مشكووور وماقصرت
اخوي الهنادي كلامك على عيني وراسي
وكلامك صح الضمان 100000 كم او ثلاث سنوات
بس الضمان له شروط مكتوبة بكرت الضمان
وفي اشياء تسقط الضمان
انا اخذت صورة من كرت الضمان بسو مو مرة واضحة
رح اكتب الكلام اللي موجود
يقولك
يجب ان يتم تنفيذ الصيانة الدورية للسيارة موضوع الضمان في مواعيدها كما هو مبين في جداول الصيانة والموضحة في هذا الكتيب
وأي اخفاق في تنفيذ الصيانة الدورية في وقتها المحدد يفقدك حق الضمان .
هذا نظاميااا
بس الوكالة عادة تتساعد اذا كان العميل يسوي الصيانة كل 20000 كم
او كل 40000 كم
بس مثل حاله راعي الموضوع نظاميااا ما سوى الا صيانة 1000كم
ما يتحمل الضمااان
ونقول ان شالله انهم يتعاونوا معاااه ويستقبلوهااا على الضمان
تحيااااتي لكم
انا بقولك كيف بس طريقه أنآ جربتها بس مدري هي تصلح معك ولا لا
رح للوكاله وقلهم أنى فاقد كتيب الضمان وأبي أطلع بدل فاقد
راح يعطونك كتيب جديد رح لقسم الصيانه وكلم المسؤول
وقل بدخلها الصيانه الـ75 وإذآ سألك ليش الدفتر فااضي
قل الكتيب ضااع وهذا جديد ماكتب فيه شيء
يمكن يمشيها لك بعد كذآ تقدر تصلحها عن
طريق الضمان مثل مآ أنآ راح اسوي ان شاء الله
وبالتوفيق ..
اخواني الافاضل ..
لدي هوندا اكورد 2008 ـ سبشل ـ تاريخ الشراء 30.01.2008 الممشى 80313
وخربت عندي طرنبة الدركسون بقدرة قادر ، والسؤال هل يشملني الضمان في هذه الحالة ؟
مع اني متلزم بالصيانة الدورية لدى الوكالة كل 5000 كيلو
مع العلم ان طرنبة الدركسون تحتاج الى تغيير حسب افادة الفني الذي افادني بان الضمان 100.000 الف او 3 سنوات فهل كلامه صحيح مع ان هذا الشي لم يذكر في كتيب الضمان ارجو الافادة فاالمبلغ عالي 3000 ريال !!
الضمان مايروح بنظام شركه الام .. لاكن الوكيل هنا يلعب على كيفه !! ولا من متي سمعنا ان الضمان يروح !!!
انا اعلمك وش تسوي ياطويل العمر .. خصوصا اني تكلمت مع موظف سابقا عن الموضوع هذا بوكاله هوندا قالي بيني وبينك هل تعلم ان هوندا تخصص ميزانيه 7 مليار سنوياا لارضاء عملائها .. لاكن هنا الناس " ماتعرف النظام " ماتعرف تراسل شركه لام ..
اذا صار شي وقالو مافيه خذ لك واحد لغه ودق على شركه الام موقعهم في اليابان وقولهم الوكيل ماتجاوب معي هل هذا تعالم شركه هوندا مع عملائها لاني جديد في عالم هوندا .. وانا متاكد باذن الله 200% بعد ساعه بيدقون عليك ابو هاشم ويقولون لك هات موترك
واكبر دليل على اللعب الحاصل عندك من الوكيل خلال الصيانه من شركه الام تفرض انها تعطيك سياره بديله خلال فتره الصيانه ؟. وهنا الشي ذا مايطبق ليه !!..
لاتنسي لما تكلم شركه الام بالانجليزي عطهم الاسم الثلاثي ورقم الهيكل ورقم جوالك الدولي طبعا عشان يدقون عليك وقتها
لاتنسي دعواتك بالتوفيق
وانا ترا مثلك ماجيتهم بالصيانه نهائيا الا 1000 كيلو .. وموتري الحين ماشي 29 الف مشالله وفيه صوت خفيف بروح لهم صيانه 30 الف ..
حتى انا سيارتي ماراحت صيانه الا حقت الاف كيلو
ورجعت لهم بعدما مشت السياره 37000 ودخلوها عادي لكن بدال مايكتب في خانة ال35000 كتب في خانة ال20000 كيلو. فيها غيرت الكليبرات الخلفيه مع الفحمات.
مواقع النشر (المفضلة)