الموضوع: إستفسارات بخصوص زيت القير! لـ هوندا أكورد 2001 (أفدنا برأيك)

بالنسبه لزيت القير خذلك زيت هوندا تلقاه محلات قطع الغيار
وعن سعره مو متأكد
وبالنسبه للومضه: تبديل الزيت على اجزاء اذا كنت ماشي عليه كثير
بس اذا تغيره بستمرار غيره عادي

مرحباً,

عزيزي أخوي وظب قيرها ع ال 260 ألف ممكن
والآن ماشية 300666 بالظبط! ف ما أدري أغيره كله ؟
ولا أنزل مثلاً, علبة أو علبتين وأعبي بدالها ؟

منتظر إفادتكم

هلا اخوي

انت سيارتك توظبت على 260 الف واكيد تغير الزيت كامل بعد التوظيب

الحين مشيت عليها 40 الف يعني غير الزيت كامل اهم شي زيت هوندا الاصلي تلاقيه بمحلات قطع

غيار هوندا او الوكالة ...بالنسبه للفلتر سيارتك مافيها فلتر خارجي


تحياتي

متصفح,

بارك الله فيك! لكن لا هنت لو تعطيني إسم علبة الزيت أو (صورة) يكون أفضل

شاكر لك

^^^^^^^^^
صدقني مايبيلها صورة انت روح محلات قطع غيار هوندا
وقوله ابغى زيت قير هوندا وبس
اعتقد علبه لونها ابيض

متصفح , المباشر

بارك الله فيكم!
ولو اني ثقلت عليكم :$ كم علبة أحتاج ؟

ماعندي خلفيه عن كمية الزيت الي تتغير ..اسأل الوكالة او محل قطع غيار فاهم

بخصوص الفلتر هالموضوع يفيدك

http://www.hondaarabia.com/club/showthread.php?t=31295

بالنسبة لزيت القير عموما يتغير عند كل ممشى 60 الف كيلوا ياشباب

* يرفع الموضوع لأهميته بالنسبة لي

حاليا خلونا من الموضوع هذا .. بندخل بموضوع موتر ثاني!
اللي هو؟ برضوا أكورد 2001 خخخ

لكن! .. ماشيه 271 ألف + ما توضب قيرها ولله الحمد + ماشية أكثر من 100 ألف على زيت قير واحد

عموماً, واجهتني مشكلة معها .. إذا مسكت طريق دائري ( ماشي 120 مثلاً ) وقطعت مسافة بها يعني ما تقل عن 5 - 7 كيلو
وخصوصاً إذا كنا بالظهر .. القير يبدأ يفضي من حالة وهو على D4 !! ادعس له يعطيني فاضي

حتى الدعسه احسها صارت اثقل من قبل ..
يعني .. سابقا لما ادعس يبين معي بال RPM تمام ( يرتفع لـ 2 - 3 علطول )
لكن بعد ما يتحمي الموتر وتبدأ .. المشكلة هذي بالظهور ( يصير الارتفاع ثقيل )
و مره .. فضّت معي ولاحظت بالقير لمبة الـ (D4) تفلشر .. وقفت ع جنب
طففيت!! .. شغلت وإختفت خخخ
لكن لما يبرد الموتر .. يرجع تمام : ) !!

عموماً .. وديتها لورشة وقالي زيت القير ناقص!!! .. يحتاج تغيير كامل

رحت للوكالة, وقفت ع الفحص المبدئي وطفيت الموتر .. جلس ابو ربع ساعه طافي

جاني زول من الاستقبال بالصيانه و عاير الزيت وقال ناقص كثثييير .. روح غيره الحين ولا تصب زيت هوندا

خذ زيت AC Delco خخخ .. ضحكت صراحة!! وقلت له: تضمن لي القير؟
قال: شووف .. غير انت اذا مشى معك؟ حلو !! .. إذا طق؟ الله يعينك

وديورت لقطع الغيار اخذت 3 علب زيت حق هوندا
وطلعت للبنشر .. شفطت 1 لتر وعبيت لتر

السؤال هنا, أحتاج ( نصايحكم ) في الخطوات القادمة, مثل!! متى تكون التغييرة القادمة؟
أو , أمشي بسرعه معينه ؟؟ أو أروح اشفط لتر و ربع واعبي؟؟

لانه من ثاني يوم من تعبئة الزيت .. في رجفه قويه مابين التبديله الثانيه والثالثه < على كلام اخووي :D ..


زبدة الموضوع, هل اللي سويته انا صحيح ؟؟ بإنتظار نصايحكم - إفاداتكم

السلام عليكم .,


مداخلة بسيطة :

أستغرب الجميع معلق على سالفة إن النوع لازم يكون هوندا !! أنا موتري 2008 ويوم رحت أغير زيت القير أتذكر غيروا لي زيت كاسترول .. صراحة إذا زيت القير حق هوندا مثل نوعية زيت المكينة فـ معناها الزيت سيء .. لأن زيت المكينة كان من زمان كويس أما الآن صار سيء وينقص وكذا محل قالوا لي هالكلام وفعلاً طلع صحيح ..


موفقين جميعاً

اخوي انا معي اكورد 2002 سارت معاي نفس المشكله في الظهر تدعس تحس السياره فاضيه علامة دي 4 تاشر قالولي غير زيت ونفس المشكله كانت مستمره وديتها اكثر من مهندس مختص في هوندا قالو توضيب بعدها بفتره خبط الجربكس ركبت واحد ستندر كلفني 2200 ريال ونصيحه لا تعبي الا الزيت تبع الوكاله وحول لا يطول اكثر من 20000 كيلو .

موضوع شفط لتر واحد وتحط بداله مبدئياً كلام سليم
بالنسبة لوقت التغير التر الثاني مافي زمن معين او مسافة معينه بس بين كل فترة
كرر العمليه يعني كيفك شهر اسبوعين اسبوع ،،، الف كم بس المهم ماتطول كثير
،،،،،
اما المشكلة الي عندك واتمنى يكون تشخيصي غلط هذه علامات تخبيط القير
لأنها صارت لي نفسها بالضبط في سيارتي السابقة بس مو هوندا
ان شاءالله مشكلتك تكون بالزيت او حساسات بس

انتبه تحط زيت غير زيت هوندا ترى مايتجاوب صح مع السيارة

تقبل مروري

هلا فيك يالغالي

زيت الجير المفروض كل 50 الف كيلو يتغير

واذا كنت بتغيرة لا تروح للورش لان شغلهم مهب مثل شغل الوكالة بعدمون عليك الجير فالافضل تروح للوكالة مهما كان السعر لان الوكالة يفكون ويركبون ويغيرون الزيت بالشكل الصحيح

وكل الناس يلي معهم هوندا مهما كان الموديل ما يغيرون زيت الجير إلا عند الوكالة لانها الاضمن

وسلامتك ،،،

اخوي انا اغير زيت الجربكس عند بنشري لانه ماهو اختراع اروح للوكاله كلها الشغله فك الصره وحط الزيت بس لازم يكون الزيت اصلي

شاكر لكم جميعاً مداخلاتكم (: ..
ومن عنده أي إفادة بعد .. يطرح لا يكتمها

ممكن تفيدني و توفر علي : ) ,

اخوي لو تخش على رابطة ملاك الجيل السادس يكون افضل ويفيدوك اكثر لان موديلات سياراتهم من 98 -2002 اكيد مرت عليهم مشكلتك وانا واحد منهم نتشرف بمرورك على الرابطه

أخوي محال

صارت لي نفس المشكله حقت الأكورد 271الف:(
ووضبت القير
مأدري هو قرار مستعجل ولا صحيح:d

وياليت تفيدنا وش صار معك

وبخصوص زيت القير وش تستخدم