الموضوع: سؤالين سهلين؟؟

السلام عليكم

1- ليت أو لمبة البنزين لما تولع شكثر أقدر امشي واهيا شابه، او شكثر يمشيني البانزين لما تولع اللمبة؟؟
تقريبا 40 كلم
2- احتمال اسافر في الصيف واقعد شهر بعيد عن الحبيبة سيارتي، شنو أفضل حل ووضع اخلي فيها السيارة
في ناس قالولي افصل روس البطارية وتوكل على الله وبس ترجع وصلها وشغلها وخلاص
في ناس قالولي لا لازم احد يشغلها كل يوم خمس دقايق على الأقل ومرة وحده
افصل روس البطارية ولما ترجعها حتلاحظ أنه لازم تسوي برمجة لقنوات الراديو و مؤقت الساعة بس
تشغيلها خمس دقائق بسبب البطارية و لازم يسوقها بسبب الكفرات لازم تاخذ دوره ولا توقف على جهة معينة لمدة طويلة
بالنسبة لي أنا وقفت السيارة في المطار لمدة 23 يوم وشغلتها وكل شيء تمام
وسالفت البطارية اخاف افصلها والي اعرفه انه في كمبيوتر وراح يعيد البرمجة ومن هالكلام فشنو رايكم ؟؟!!
الكومبيوتر يحتوي على شريحة و فصل الكهرباء ما حيأثر بشيء على الذاكرة الرئيسية

felimbanfo

أخوي يعني رايك اخليها واقفه عادي واسافر وإن شاء الله مايصير شي ؟؟!!

السلام عليكم

إذا بتسافر أقل من شهرين, روح وأنت مطمئن

تشكر وماتقصر والله يجزاك الخير إن شاء الله

تحياتي

بالفعل مثل ماقال خوينا

بس حط على السياره شراع "طربال" او غطاء قماش يحميها من الغبار او من المطر او من احد يخرب عليكم البودي


وتطمن ياغالي .. سافر وانته مرتاااااح

محبتي

الأنس

تسلم أخوي ماتقصر

انا عن نفسي

سافرت لمدة شهر تقريبا و خليت السيارة واقفة ...

ولله الحمد ولله الحمد رديت لها وشغلتها وكل شي اوكيه كما ربي كتب لي اسوقها ف ليلة الدخلة :o ( في كلمة غيّرناها )

لكن تدري شو اللي صار

1- البترول نقص شوي لانه مادة طيّارة يسمونها في الكيمياء.
2- اتوصخت بشكل مرعب يوم شفتها وانا جاي من المطار ما صدّقت يعني الغبار اللي كان عليها فظيع مثل لو انها طالعة من تحت الانقاض .

و السبب في اتساخ السيارة هو اني ما غطيتها واتخيل انها متعرضة للهواء لمدة 30 يوم يعني مدة طويلة .. لأن ما عندي بطانية السيارة .. فإذا انته عندك هالبطانية ( مع اربع مخدّات للكفرات و دوشق للمكينة :d ) انصحك انك اتغطيها

واتوكل على الله بدون فصل بطارية و بدون فصل طالب من المدرسة

[quote=felimbanfo;34963]السلام عليكم

1- ليت أو لمبة البنزين لما تولع شكثر أقدر امشي واهيا شابه، او شكثر يمشيني البانزين لما تولع اللمبة؟؟
تقريبا 40 كلم

معليش حبيبي بصصح لك المعلومة من واقع تجربة
ولعت علي اللبة وانا على خط الرياض ومشتني
83كم تقريبا وعلى سرعة 120 وكانت قابلة للزيادة
بس حصلت محطة ;) .

شاكر لكم يا اخوان على الإفادة

الله يجزاكم الخير إن شاء الله

تحياتي

كلام الشباب كله صحيح توكل على الله

*يفضل انك تغير الزيت قبل ما تمشي مع الفلتر ..
*يفضل أنك تعبي تانكي البنزين فل
*يفضل أنك تعبي الرديتر كامل بمويه خضراء ACDelco

معليش بس في اضافه بضيفها

عندك مويه اللديتر اذا تقدر تفضيها كلها اذا مطول بالسفر لانه المويه اذا طولت بتصدي لك الكوع والسلندر وراح تسوي لك اوساخ وكربون . .

بالنسبه للزيوت حتا لو ماغيرت . . الافضل انك تزود الزيت حق المكينه فوق المعيار بشويه حتا زيت الجربوكس

بالنسبه للتوقيف تقدر ترفعها على شوكه او عفريته اذا اذا كانت السياره داخل البيت او الكراج

موفـق ان شاء الله