ساعدوني في إختيار السيارة

**saudiboy** · 11-01-2010, 02:37 PM

يعطيكم العافيه ياشباب:d
عشان ما أطول عليكم أنا ادور كوبيه 2009 شبه جديده للمبادله مع أكوردي سيدان 2009 i4

سيارتي باختصار:
الموتر ما عليه نظيييف كأنه توه طالع من الوكاله حتى الأكياس مازالت عالأسيات
طبعن فل بس مخمل(يعني جنط 17 ومسجل 6 سيديات)
اللون عنابي
تأمين شامل
السياره لها عندي 5 شهور وماشيه 12 ألف وممشاي هادي مافيه تدعيس ولا جلنطات زي بعض الشباب

كل شي بالسياره زي ماهو الإستبنه والعده وكل شي موجود
وكل الصيانه وتغيير زيت فالوكاله يعني والله ما أمدح بس الموتر توب

سبب البيع: خقييييييييت عالكوبيه وتحسفت إني ما شريتها من الأساس
المطلوب: كوبيه تكون نظيفه مرره وشرط إنها 2009 والأولويه للأربعه سلندر
اللون: أي لون ماعدا اللؤلؤي
ويفضل إنها ماتكون ماشيه أكثر من عشرين إلى خمسه وعشرين ألف
وأنا جاد أهم شي يكون فل أوبشن
ثانين لازم الموتر يكون نظيف وعلى يد صاحبه
للعلم أنا ساكن بالدمام

**وسيم الاكورد** · 11-01-2010, 03:02 PM

نصيحه دور على كوبيه 6 سلندر تخيل كوبيه و4 سلندر والله فشيله

وماراح تفرق عن 6 سلنر الى شي بسيط

**kakashi-san** · 11-01-2010, 03:47 PM

السلام عليكم ..

يا كثر ما خقينا على مواترْ ..

نصيحة لوجه الله ، دام الموتر انت مطلّعه من الوكالة وتعرف كل شيء فيهْ ،

نصيحه لك لا تغيّره ، والكوبيه شوفه بالصور ولا بالشارعْ ،،

**saudiboy** · 11-01-2010, 05:47 PM

المشاركة الأصلية كتبت بواسطة وسيم الاكورد

نصيحه دور على كوبيه 6 سلندر تخيل كوبيه و4 سلندر والله فشيله

وماراح تفرق عن 6 سلنر الى شي بسيط

والله يالغالي وجهة نظرك سليمه بس خلني بقولك شغلتين عالسريع
أولن أنا مو راعي خطوط ولا قومات واصلن أنا اعرف اداء الهوندا حتى السته سلندر مو ذاك الزود لو أبي القوه كان اخذت امريكي أنا أبي سياره شكلها حلو وعمليه وبس
وثانين مستحيل تلقى واحد معه سته كوبيه يبدلها بأربعه سيدان ولو لقيت أكيد بيكون فيه فرق بالسعر وأنا ابي مفتاح بمفتاح ما أبي ازيد فهمت؟

**saudiboy** · 11-01-2010, 05:58 PM

المشاركة الأصلية كتبت بواسطة kakashi-san

السلام عليكم ..

يا كثر ما خقينا على مواترْ ..

نصيحة لوجه الله ، دام الموتر انت مطلّعه من الوكالة وتعرف كل شيء فيهْ ،

نصيحه لك لا تغيّره ، والكوبيه شوفه بالصور ولا بالشارعْ ،،

هلا يوسف عاش من سمع هالصوت لك وحشه وربي
انا والله فكرت زيك لأن الموتر على يدي بس ياخي الكوبيه جذابه توني انتبه لها خصوصن إذا حطيت عليها شوية لمسات رياضيه تصير بطله
وأنا أكيد إذا ببدل ما ببدل إلا مع كوبيه شبه جديده ما باخذ أي شي وإذا مالقيت بقعد على سيارتي يازينها ويازين خشتها

**saudiboy** · 12-01-2010, 12:38 AM

46 مشاهد ولا واحد أفادني؟

**isaaru** · 12-01-2010, 01:11 PM

انا عندي كوبيه بيضة ..

4 سلندر بس اكلت فيها رصيف ..

بصراحة نفسي ابادل بس احس مثل ما قالو .. يعني يمكن انا اكون صادم فيها

والثاني بعد صادم بحقته وما يقول .. طبعاً مو قصدي عليك ولا شي

شوف انا معاي كوبيه ووالله السيارة توووب .. بس السيدان احلى ترى =)

ذاتس وااي .. اتوقع انو تكون على موترك احسن .. ونصيحة لا تغيييره مهما كان السبب

**saudiboy** · 12-01-2010, 03:38 PM

انت كم ماشيه سيارتك؟
لا ياخي شدعوه مانوصل إلا هالدرجه
أنا بصراحه سيارتي جاتها صدمه بسيطه فالرفرف وتصلحت فالوكاله عالتأمين يعني رفرف جديد موسمكره ولا شي
عمومن يعطيكم العافيه أشوف ما أحد مأيدني عالكوبيه الظاهر بصرف النظر عنها إلا إذا لقيت شي نظيف

**coupe 2004** · 12-01-2010, 03:56 PM

خليك سيدان وريح راسك

ولا اقولك جرب اطلع مع واحد معاه كوبيه وخليك راكب ورى معاناه بالدخول والخروج

تحياتي

**Mr-AlJoKeR** · 12-01-2010, 03:58 PM

انا عندي اكورد كوبيه 6 سلندر وابغي احرقها

كرهت الهوندا واليوم اللي فكرت اخذ فيه هالسياره الزبالة

**B Useful** · 12-01-2010, 04:02 PM

^^ سلامات ، وش فية ؟ وش صار على سيارتكـ ؟ اذكرك كنت تعشقها وكنت مهتم فيها ؟؟ ^^

**Mr-AlJoKeR** · 12-01-2010, 04:04 PM

يا ريال ,,,

حراااااااااااااااااااااااااااااااااااااااااااااااا اااااااااااااااااااام دفعت كل درهم فيها

والله حراااام

هلكتني السياره ... كل 1500 او 2000 كيلو في الوكاله....

واااايد اصوات منها ..

**saudiboy** · 12-01-2010, 04:07 PM

شدعوه احبطتوني ولا واحد عاجبته الكوبيه؟

**Mr-AlJoKeR** · 12-01-2010, 04:10 PM

لا تاخذها

الصراحه افكر ابيعها

لاني كرهت الهوندا بكبرها ...
ولا احد يقول لي ان ما فيها مشاكل ...
لان مستعد اييب تقارير عن السياره ..

وناوي اكتب كل شيء واطرشه حق هوندا الشرق الاوسط

**King** · 12-01-2010, 04:20 PM

إذا تبي الصراحه خليك على سيارتك

والسيدان مره حلوه وشبابيه ووسيعه من داخل صحيح ان حجمها كبير شوي وثقلها

لكن هذه تعتبر ميزه للأكورد وتبين رساوتها وتمساكها بالخط ..

**isaaru** · 13-01-2010, 12:57 AM

مثل ما قلت لك السيدان وبس ..

انا بعد الحادث وديتها الوكالة وكل القطع من الوكالة والتصليح عند الوكاله بعد ..

بس برضه .. ياخي مافي مثل السيارة الي تجي على يدك وانت تعرف كل شي صار فيها ..

الكوبيه حلوة وانا معاك بس السيدان ..افضل

ومثل ما قال احد الاعضاء ..

جرب تركب ورا في الكوبيه وفي كا مكان .. طلعة ونزلة وطلعة ونزلة .. بتتعب ! ..
ههه بتقول انا الي اسوق .. صحيح بس ممممم تشوف اخوييائك يركبون وينزلون .. مشكلة ههههههه

عموماً الله يعينك يالغالي .. وانصحك تقعد على سيارتك : )

**momo** · 13-01-2010, 03:05 AM

تبي النصيحهـ

اقعد على قردك لايجيك اقرد منهـ

**نحيب الاماكن** · 13-01-2010, 07:57 AM

ياخوي يكفيك بس ان السيدان ياباني اصلي

والكوبيه تجميع امريكي يعني السيدان من بلد المنشاء

نصيحه وانا اخوك خلك على السيدان ماتدري يمكن تعرس بكرة :d

يازينك وانت معرس ومعاك كوبيه >>>>>>>>>>>:d

**memories** · 13-01-2010, 08:33 AM

^^^^^^^^^^^^^^^^
مافيها شي ياحبيبي

كلها انت والمدام

وتكفيك حتى لو عندك ولدين وشغاله كمان خخخخ

بس زي ماقالوا الاخوان معاناه في الطلعه والنزله

وتعليقات من الشباب اللي يركبوا ورا لها اول ومالها اخر

عموما انا مقتنع جدا بكوبيهتي الحلوه الله لا يحرمني منها

ومن جد تحس نفسك جدا مميز بالكوبيه ونوعا ما لك هيبه اكثر من السيدان

بس بصراحه زي ماقالوا الشباب سياره على يدك من الوكاله افضل الف مره من سياره ماتعرف عنها شي

والله يكتب لك اللي فيه الخير