الموضوع: إلي غسل بستم ولا المكينه ؟

انصحك ياخوي لاتغسل بستم اغسل غسيل عادي

لاتغسل بستم الا اذا جاء مطر وقتها غسل بستم ماء وصابون بس

اهم شي بدون كورسييييييين او مواد كيميائية

الله يعطيكم العافيه .. ومشكورين

مويه وصابون فقط وبالتوفيق

اقووووووووول مالك ومال البستم ياولد عمي البستم ييبس الجلد ويتلفها

بالنسبة لي اغسل الاكورد بعد موسم الامطار مرة وحدة في السنة تقريبا او مرتين

بس احرص على ان يكون ماء وصابون ،

وبصراحة السيارة والمكينة تصير فلة ونظيفة بعد البستم

تحية لك

انصحك تجرب البخار السيارة ترجع وكالة

المشاركة الأصلية كتبت بواسطة الهوندا احلى مركب

اقووووووووول مالك ومال البستم ياولد عمي البستم ييبس الجلد ويتلفها

خلاص قالها ولد عمنا ;)

والمكينة انصحك تنظفها بالهواء او زي ماقال المسافر بالوكالة فقط

تشاااااو

الله يعطيكم العافيه , ومشكورين يالغالين .

البستم مع الجيل الجديد من السيارات التي تعتمد اعتماد كلي على منتجات البلاستك والربلات والمطاط ، اصبح البستم عدو السياره اللدود

اذا ولابد من ذلك ،،، مثل ماقالوا الاخوان مويه فقط وانتبه من الديزل

واذا تبي شورتي البستم اذا ما ضر مانفع ،، وش يعني السياره من تحت وسخه ؟

افضل مغسله في الرياض يغسل بخار وصابون وين فيه تكفوووون دلوني عليه تحياتي للجميع ،،،

المشاركة الأصلية كتبت بواسطة بلال العلمي

ايش يعني اذا السيارة من تحت وسخة؟؟؟

يعني التالي:

1- رواسب كيميائية بسبب الطريق من سوائل وغيره تسبب تاكل الربلات.

2- ابعاد الاجسام الصلبة عن بعض الاجزاء المتحركة في الاسفل

3-الحفاظ على عازل السيارة السفلي عن طريق تنظيفه فلكل سيارة عازل سفلي ويجب غسله .

4- ترطيب الربلات والجلود بالماء الفاتر

وايضا منظر رائع اذا وديتها للمحطة علشان يغيرون الزيت :d

هلا بك اخوي بلال واسف على عدم الرد ماانتبهت لردك

حلو انك خليت النقاش على شكل نقاط
1- انا ما اعتقد ان فيه رواسب كيميائيه اكثر ضرر من الديزل على الربلات وخلافه ، الا ان كان الديزل صديق للبيئه وانا ما ادري ، تقول بدون استخدام الديزل بالماء الفاتر فقط ،،، ماء فاتر يزيل رواسب كيميائيه !!!! فيه منتجات مخصصه لهذه الاغراض لكن مكلفه جدا

2- سوائل تزيل اجسام صلبه ،،، فائده جديده

3-والله العازل اللي مايحافظ على نفسه ما اتوقع انه يعزل شي عن غيره ، يعني بالعربي مو عازل

4- الربلات والجلود لها عمر افتراضي ،، خلص العمر الافتراضي = تغيييير ،،، والله لو ترطبها مو بماء فاتر لو ترطبها بفازلين ماينفع

اخيرا اذا كنت ما اوديها للمحطه عشان تغيير الزيت بل اوديها للوكاله ،،، تصبح الفائده منعدمه ،،،، وكل على همه سرى

االصراحه صعب تتوهق

وخصوصآ أن معك سياره كلها حساسات

نصيحتي ابعد عن البيستم وغني له

يا اخي الرجال قال لي فتره ما غسلتها بستم وبس ،،، ما قال والله مشيت فيها على سبخه فايش رايكم لو قال كذا كان انا اول واحد ينصحه بشده بالبستم

في المقطع اللي نقلته (من دليل المالك على مايظهر) مكتوب الاتي: (خاصة في المناطق التي تستخدم الطرق الملحيه في الشتاء)
السؤال كالتالي: ماهو الفرق بين استخدام الطرق الملحيه سواء في الشتاء وبين استخدامها في الصيف ؟؟؟؟؟؟؟؟؟؟

عاد تصدق اكثر ما استفتد من هذا الموضوع مسألة ترطيب الجلود ،،، لكن مو راضي يخش مخي ان الماء والصابون او الماء فقط يفيد في ترطيب الجلود ،،، فرحت لمغسلة بستم وسالته عادي لو ارش زيت من تحت قالي التكروني ايوه عادي خاصة بعد السيول وكثير من السيارات نرشها ،،، فقلته توكل على الله وجبته ارخص زيت بالبشر ورش السياره من تحت وعلى المكينه وايدي على قلبي ،،، لكن ولله الحمد ثم لك يا اخي اصبحت الحظ تحسن في السياره من ناحيه المطبات والهدوء بشكل عام ، صحيح ان الفرق بسيط ولكن مقارنه بالقيمه (10ريال) اشوف انها ممتازه وتستحق التكرار كل 2-3 شهور ، مع ملاحظه ان الزيت بالاضافه انه يرطب فانه يعمل كعازل جيد للاوساخ والاملاح حتى لاتعلق بهيكل السياره

اسف للاطاله ولكن لتعم الفائده

الزيت يلين الجلد فتره لكن مع الوقت ينشف الجلد الموجوده اسفل السياره

انصح بالمويه والصابوون فقط ...او الديزل بس يكون بعيد عن عضلات السياره يعني على جزء بسيط لانه ينظف بقايا الزيوت في حالة التهريب يعني عند الضرورة

للتوضيح بخصوص الطرق الملحية....الملح يستخدم في المناطق الي يتساقط فيها الثلج لاذابة الجليد

شربها مويه لين تطلع مع اذانيها

الديزل وخر منه,وانصحك بالبخار