الموضوع: فرامل الأكورد ساعدوني

المشاركة الأصلية كتبت بواسطة دحوم

يا شباب عندي مشكلة ممكن حل لها الله لا يهينكم الفحمات يقولون هذي مشكلة في الهوندا أكورد من الموديلات الماضية هل هذا الكلام صحيح ؟
علماً بأني ما مشيت إلا 4500كم يعني السيارة توها جديدة حرام يصير فيها كذا احس بصوت طق طقة عند الوقف وعند لف الطارة هل السيارة كذا خلقه عيب صناعي أو لها حل وعلى فكرة الطق طقة عند الكفر الأيسر الأمامي بس أما باقي الكفرات عادي ماشيه زي العسل المشكلة إني رحت لورشة فيها ميكانيكي خذ بسيارتي لفه وقال أيه فيها مشكلة الفحمات بس قال هذا عادي في كل الأكوردات يعني تقدر تمشي بها بدون أي مشاكل مستقبلية هل كلامه ياشباب صحيح Please عطوني إجابة مقنعة وشكراً . وهل تصليحها يكلف مع الشكر .

المشكله اللي يقول عنها الاخ BLK تكون في كل الجهتين

و انت تقول المشكله عندك بالجهه اليسرى بس و الصوت يطلع اذا لفيت الطاره

اعتقد مشكلتك ما لها علاقه بالفحمات

افضلك كلم الوكاله عنها في صيانه 5000

و عطنا خبر وش يصير معك

مشكورين وإن شاء الله الزيارة للوكالة قريبة وراح أشرح لهم الأمر بصراحة قهر 4500كم ويطلع صوت لكن أكون معكم صريح ( أنا وطيت شيء ما أدري قارورة ما ء أو علبة ببسي بعد كذا حسيت بهالصوت أحس بها عند الدعس على الفرامل أو لف الطارة طبعاًَ وانا بسرعة 40 إلى 20كم ) اللي عنده خبره يساعدني وراح اقول لكم وش راح يصير لي مع الوكالة إذا رحت لهم .

أخوي Blk لا تخوفني الله يهديك ترى بروح الوكالة قبل لا اكمل 5000كم , المشكلة إني وقفت وشيكت على المنطقة اليسرى اللي ذكرتها وكل شيء تمام وشيك عليها الميكانيكي وقال جبها للمكان اللي يحطون فيه الزيت عشان يناظر السيارة من تحت وقال تمام قلت لها سق السيارة وقال باخذ بها لفه لكن سمع الصوت يوم ساقها وقال فحمات والله احترت ما جابت 5000كم ويطلع فيها خلل والله قهر

المشاركة الأصلية كتبت بواسطة اتش

اخوي دحوم انا كان في صوت يطلع في فحمات سيارتي والصوت هذا مايطلع الى بعد الامطار وكل ماوديتها الوكالة يقولي المهندس مافيه شي بس الظاهر فيها شويت اوساخ بسبب الامطار ومايهمك الحين نفكلك الفحمات ونظفها والهوبات ونصنفرها وبتشوف بنفسك الصوت كيف يروح وفعلن يروح الصوت .
بس المشكلة كانت ترجع زي ماكانت كل مادخلت في مويات الامطار يرجع الصوت زي ماكان وكنك يابو زيد ماغزيت وارجع للمهندس ونفس الحكاية فك الفحمات وتنظيفها والهوبات وصنفرتها الين ماقرفت من ذا الوضع .
المهم في الاخير طلبت من المهندس تغيير الهوبات على الضمان قالي من حقك وفعلن غيروها ومن يوم ماتغيرت ماعاد سمعت ذاك الصوت حتى الان .
ملاحظة : تكاليف قطع الغيار المستبدلة على الضمان يتحملها المصنع في اليابان وتعتبرها تحت بند خلل في التصنيع .الزبدة في الملاحظة عبداللة هاشم مايخسر ريال واحد من القطع المستبدلة على الضمان يعني اي شي خربان اخوي دحوم بيغيرونه لك وهم يضحكون :d

يعني اخوي اتش يغرونها لي ببلاش بدون ماادفع على القطعة اي شيء معقول please رد علي فرحتني والله .

حبيبي يمكن عندك القماش ( الفحمات ) في الجهة اليسرى غيـر موزون والمشي عليها في هدي الحالة يهلك لك الفحمة مما يتطلب سرعة تغييرها

انا اتوقع ان الخلل من سبب التخزين ..... لأن اكثر سيارات الوكالة كدا

وزي ما قالك اي شي فيها بيكون على الضمان

لا تشيل هــم

ولا تقبل بالاصلاح ....... طالب بالتبديل فورا


انا كان عندي اكورد 2002 سبيشل ادشن ......... والله وبدون كذب ان الفحمات ظلوا معاي سنــه كامله

12 شهـر بالزبط ....... تزيد اسبوع او تنقص اسبوع

واستخدامي للسيارة عادي بل اسوأ ....... كنت اتسابق بها

مره من المرات كنت اتحدى مع Bmw 535 في شارع فيه أربع مطبات

بين المطبه و المطبه ما يمدي لموتر يعدي الـ 100

لكن قبل المطبه انزل سرعه السيارة من الـ 100 إلى الصفر بشكل مجنون


والله اني نزلت وصورت الهوبات وكاان لونها ( أحمر ) حتى في الصورة طلع لونها ( بنفسجي )

الهوبات ولعت ناار ......... ولا صار في الهوبات شي ولا الفحمات شي

صدق الي قال ان الهوندا تبيعك قطع الغيار كواليتي ( جودة )


احد اسباب اختلال وزنية الفحمات ........ هو ضغط الفرامل اثناء العبور فوق مطبه صناعية

يفضل ضغط الفرامل قبل المطب بمسافه مناسبه و و تحرير الفرامل اثناء عبور المطب

يطبق هدا الشيء على العجلات الاماميه و الخلفية



تحيــه للجميع

ياعيني عليك يالإتش والله ما قصرت كفيت ووفيت وإن شاء الله انا اليوم الظهر السبت 29/4/1427هــ وقت العصر راح اروح لهم وإن شاء الله راح اعطيكم معلومات بالي صار معي تقبل تحياتي .

ACCORD V6 مشكور على التوضيح وبصراحة اقنعت بكلامك اكثر واكثر .

ههههههههههههه :d :d :d :d

شكله كان يقصد:
الظهر وقت العصر في المسا قبل طلوع الشمس عند الغروب تقريباً!

تضحكون علي هاه اوريكم ياشباب وش تتوقعون واحد جالس في الشغل وما يدري يشوف انترنت ولا يقابل شغله من جد ضربت فيوزاتي يوم شف المدير وقمت احط اي كلام .

المهم ما علينا اليوم العصر 29/4/1427هـ الساعة 3:45 دقيقة كنت موقف عند الوكالة في ذا الحر اعوذ بالله يعني خلصت من الشغل ورحت للوكالة اشيك على طول والله من جد مشوار المهم مشكلة الفرامل انحلت والحمد لله الظاهر انها كانت قطعت حصاة او شيء من ذا القبيل اثر على البيرك عندي بس بعد ما شيكوا عليها الحمد لله الوضع رجع زي ماكان كأنه توها طالعة وكالة ومع الغسيل المجاني OK . ويعطيك العافية

اخوي اتش الله يحيك عندي اوديك لمطعم مامانورة هههههههههههههههههههههه ,

الحين مالقيت في الرياض الى مـــامــــا نــــــــورة تعزمني فية انت تدري متى اخر مرة طبيتة ؟ قبل سبع سنين (وكان فطور وعلى حساب واحد من الشباب :d) .

شوف دحوم ياتوديني ميراج الصيني أو انك تجيبلي كرز دخان



اما تقولي مـامــا نورة مممممممممعصي [/quote]

طيب ابشر ولا يهمك ولا تضيق صدرك ;) انا عرفت وش تبي بالضبط تعال بوديك زيت زعتر في التحلية واو على كيف كيف اكل نظيف وغريب برستيج ونظافة وموقع فلة لا وإذا طلعنا 2 كابتشينو من محل زنك اللي جنبه .:d