السلام عليكم .

بعد تفكير ومشاورة احد الاخوان في النادي وتفاوت النصايح اللي قال ركب جنوط اللي تجي وارد دبي سعرها 1600

واللي قال ركب جنوط 16 نفس شكل الفل كامل بس مقاس 16 تجاري تحصلها في السليماني بسعر 900

صراحة صار عندي شويه الباس مرات اقول اخذ اللي في الوكاله ومرات اقول ولا اخذ اللي عند السليماي بس اخاف يكون شكلها بايخ لان قريت موضوع هنا بهذا الشان انها ما طلعت كووشخة ,


المهم يوم الخميس قررت اروح للغرابي بس ابي اشوف الاسعار للجنوط وش الانواع الموجودة . المراد !! <=== يتقهو شاهي الاخ مابقى الا المسبحة :d

المهم وانا اروح للغرابي والف المحلات واحصل جنوط تجاري صناعة صينية مقاس 17 نفس جنوط الفل كامل 100% بالشكل بس ان فيها شوية لمعة راح ارويكم شكلها :p

المهم اعجبتني وانا الف المحل الثاني واحصلها عندة وتقريبا هو ارخص ما حصلت مع الكفرات 1900 ريال مع التركيب والترصيص . وضمان الكفر سنة من تاريخ التركيب . قلت توكل على الله وركب

نوع الكفرات اندنوسي مقاس 225 /50 /17

طبعاً التجربة بعد التركيب .

الحمدلله ما لاحظت اي ملاحظات حول الجنوط ومشيت عليها تقريبا سرعة 180 زي اللوز لا صوت لا رجة لا مشكلة . عاد ترج بعدين مع طول الزمن والاستخدام ما اقدر افيدكم بحكم اني توني اجربها حالياَ

قلت ما انسى اخواني في النادي اقولهم عن التقرير وان بغوا شي تحت امركم



وهذي صورة الموتر وعليه الجنوط . تلاحظون فيها شوية لمعة يقولي واحد من العيال طالعة حركة <<< مدري هو صادق ولا قاعد يسلك لي :p

7
7
7
7