الموضوع: [ النور العالي معلق + باب السائق ماينقتح بريموت ]

الموديل
وكم ماشية

الموديل 2007
ماشيه : حول 120 الف

بس ماني ناوي ابيعا

طييييير بسرعه على الوكالة قبل تعدي 120 الف ولو تشيلها بسطحه احسن:d
ترى ضمان الكهرب للـ 120 الف يعني يبدلون لك علبة الفيوزات ع الضمان
واذا لفو ودارو عليك انشب لهم لاتخليهم هذا بالنسبة للنور
اما الباب اعتقد من السنتر لوك بس ماضنيت يشمله الضمان:(

حبيت أعلق على الموضوع وأحل مشكلتك وأن شاء الله تنحل لأنها حصلت لي

النور العالي ،، أفصل فيوز الكتاوت اللي بجنب المكاينه ورجعه مره ثانية وأن شاء الله تنحل ،، وإذا ماأنحلت غير الكتاوت لأن العله منه

أما المشكله الثانية ،، باب السائق : المشكله في القطعه اللي في الباب ماتشتغل والحل أنك تغير القطعه ، أنا ركبت قطعه من حقت جهاز أنذار اللي تفتح وتقفل الباب بنفس ريموت الوكاله بس بطريقة مبتكره يعني الشغله ماكلفت 150 تقريباً للبابين

تحياتي لك

سيد الحب

اخوي المشكلة الاولى حصلت لي اكثر من واحد وفي تقرير كامل عنها انشاء الله الاخوان يفيددددونك

ام
المشكلة الثانيه اكيييييد السنتر لوك هوا يكون في الوكالة غالي ممكن 250 غير شغل اليد
شفلك تشليح او تجاري ترى كثير ركبو تجاري وماشي الحال معاهم

انشاء الله تفهمني

8

وين 250 ريال ؟؟؟

سعره يا طويل العمر بعد التخفيض 502 ريال

بالتشليح لقيت سنترلوك أكورد 2007 سعره 200 ريال وانت وحظك

يا شباب اذا فيه حل لمشكلة السنتر لوك لباب السائق ساعدونا ( الحبه ما تطلع ولا تنزل ) يعني الباب يفتح في المفتاح فقط :(

إذا كنت من سكان الشرقيه أدليك على محل بالخبر ،، أنا مركب عنده للبابين بـسعر 150 تقريباً هذا الكلام قبل سنتين ، صحيح ترهيم بس شغل صح

تحياتي

مرحبا اخوي
المشكله الأولى انا حاصله معي وللحين ما ادري وش اعمل بها وخايف اروح لكهربائي ينكب لي الكهربه
اما المشكله الثانيه حصلت معي ايضا وغيرت سنتر لوك تجاري وقيمته 130 ريال وتركيبه بحوالي 80 ريال وشغال مثل الأصلي

اذا حصلت على حل للمشكله الأولى خبرني علشان اخذ خبره واصلحها ... وشكرا لك اخوي

يعني السنتر لوك الي يركبه لك أصلي لكن حق تويوتا .. يعني أفضل من التجاري وأرخص من حق الوكاله .. ويكلفك الباب 100 ريال مع شغل اليد ,,

بالنسبه لسنتر لوك أنت تقول ركب حق تويوتا أصلي أفضل وأرخص من التجاري
لكن المشكله وش نوع السياره تويوتا يعني كامري ولا جيب ولا أيش ؟؟؟؟

وكمان لو جربت باب السائق السنتر جاي سيخ حديد طويل على يسار الباب مع السنتر تجي كمان مع الدقمه ( القفل الي له ثلاث مسمامير من بره الباب ) للمعلوميه ايضا ما تقدر تفك السنتر عن الدقمه كلهم مع بعض , وسنتر لوك تويوتا يجي يدوي كيف يركب على هوندا ؟؟؟ النظامين يختلفوو يا ليت توضح لنا رجولي تكسرت وانا ادور اليوم :(

بالنسبة لقفل باب السائق حصلت هذي المشكلة وديتها الوكالة وقالوا لي القفل الالكتروني وسعر القطعه 500 والتركيب ب 100 ماعجبني السعر

رحت المروة سئلت عن القطعه وشريت القطعه تجارية ب 90 والتركيب ب 50 والحين ضابطه معي اوكي

يا جماعة واحد من اصحابي عنده هالمشكلتين وتعب معاها ياريت احد يدل مكان لتعديل في الخبر او الدمام بالضبط
يخبرنا عنه

أنا امس وديت السياره عند الكهربائي وصلح لي السنتر لوك .. لكن طلع كلامك صحيح .. حق تويوتا مايركب على الأكورد لكن يركب على أنواع ثانيه من السيارات غير تويوتا ..

لأنه هو كان يتوقع انه يقدر يرهمه .. وقالي هالكلام وكأنه ضامن انه راح يضبط معه .. لكن لما شاف الأمور قدامه استحالت عليه الشغله ,

المعذره من الجميع

فعلا صحيح سنترلوك تويوتا يركب على أغلب السيارات غير الأكورد لحظنا السيء ما يركب

وبالأخير يا صاحبي ..

نقينا ال500 اليوم والتركيب 100 وأرتحنا وطفرنا :d

بالنسبة للسنتر لوك في نوع بديل تايواني للي مايقدر على الاصلي يركب بدون توليف (ترهيم)

وسعره مناسب 80 الى 100 ريال فقط مايفرق عن الاصلي و موجود في محلات قطع غيار هوندا ...