المشاركة الأصلية كتبت بواسطة SAND
والله انك جبتها على الجرح ...
بطاريتي صار لها شهر المبة حقتها لونها ابيض (يعني اسبدال) Ac Delco..
وان شاء الله بغيرها وش تنصحني اغيرها Ac Delco نفسها ولا يواسا,,
وشكراً على الموضوع...(وربي اكثر مواضيع استفيد منها مواضيعك يعطيك العافية)
الله يعافيك ياقلبي وبصراحة أنصحك تبدل البطارية بأقرب وقت وشوف غير اي سي ديلكو
عندك GS ولكن أكثر المحلات اللي في الدمام اللي مريت عليهم ماعندهم الحجم 70 أو 60 وأكثرهم موفر 55 أمبير
وخذ لك يواسا وأخوك المباشر قريب راح ياخذ يواسا لأن بطاريتي كملت سنة وكم شهر وبدأت حركاتها اللي ماتصلح :d
أحرجتني ياغالي وهذا قليل في حقكم وواجب علينا نفيدكم بأي معلومة صغيرة وممكن تكون مهمة وكبيرة عند احدكم
المشاركة الأصلية كتبت بواسطة أبو نايف أكورد 2007
ماشاء الله تبارك الله
موضوع مهم جداً
هاذي مشكلتنا مانغير البطاريه إلا إذا خلصت مره ...
أنا صاري لي نفس الموقف ;)
ورحت شريت بطاريه إي سي دلكو 70 أمبير تاريخ الصنع 2009= 170 ريال
والحمد لله ماشيه تمام
فياليت من الشياب مايطيح بنفس الموقف ألي طاح فيه أنا والأخ
غير بطاريتك قبل لا تكون في مكان نت أمس الحاجه للسيارتك
وشكرا أخوي مباشر
دايم مبدع
حبيب قلبي ابو نايف ومنور بمرورك الحلو
مثل ماقلت مانبدل الشي الا اذا وقف علينا ومثلي البطارية أدري انها على وشك تجيب العيد ولكن كل فتره أقول بعدين لين الظاهر بحصل نفسي على الخط اطقها تأشيرة :d
المشاركة الأصلية كتبت بواسطة salamify
الله يعطيك العافية على هالموضوع المرتب وصحيح كلامك اذا بدأت أعراض البطارية غيرها على طول وناس كثير صارت لهم مواقف محرجة بسبب البطارية..
المشاركة الأصلية كتبت بواسطة salamify
الله يعافي قلبك يالغالي وشرفني مرورك الرائع
وانا واحد من اللي صارت لهم هالمواقف
1- عند بيتي بسيارة اخوي رايح باخذ بطارية له وطفيت السيارة وبطلت تشتغل
2- سافرت مع شباب وكان راعي السيارة يحاول فيني نروح بالاكورد تبعي وانا رافض وهو يدري ان بطاريته تعبانه
وصلنا للدولة المقصودة على بي ام دبليو وأول ماخلصنا الأجراءات بالجوازات وغيره وقفنا نصلي بمسجد وبطلت السيارة تشتغل والحمدلله كان في سطحة اماراتية جايب سيارة نزلها بنفس المحل وبيمشي وعطانا أشتراك يسمونه ( كيبلان ) والحمدلله عدت على خير
واليوم الثاني رحنا اخذنا بطارية اصلية بـ 800 ريال أو 700 بس اذكرها بثمانمائة
وتخيل السطحة مش موجودة ذاك الوقت وشكلك مش حلو والجو رطوووووبه كيف راح يكون وضعك :d
المشاركة الأصلية كتبت بواسطة AliAhmed
ان شاء الله المرة الجاية نجرب اليواسا .. الايسديلكو صارت سمعته سيئة
يعطيك العافية يالسمي على الموضوع
:dوتكسر البولد بالعافية:d
بس ليش مافكرت في الايفون !!
المشاركة الأصلية كتبت بواسطة AliAhmed
الله يعافيك يالسمي وأبد اي سي ديلكو ماتنفع بريال والدنيا تجارب
خذ لك بطارية ثانية وخلك مغامر وشوف كم تدوم معك :d
والايفون مادري بس البولد راكب راسي من زمان واحتاجه جدآ حسب طبيعة عملي
رد مع اقتباس
مواقع النشر (المفضلة)