المشاركة الأصلية كتبت بواسطة accord 06
كلام سليم
مره نكبتني البطاريه على طريق القصيم
و اضطريت ادق على واحد يجيب لي بطاريه من الرياض :(
البطاريه اللي راكبه عندي حاليا لها 11 شهر تقريبا
و قبل اسبوع شريت بطاريه و حطيتها بالشنطه للاحتياط
و عالبركه البولد الجديد :d
ناوي على واحد قريب ان شاء الله
بكم شريته ؟ و وش ضمانه؟
ههههههههههههه :d شكلي بسوي مثلك بشتري البطارية وبخليها بالشنطة احتياط وطريقتك حلوة لأني أكتشفت اذا وقفت عليك السيارة خلاص ماينفع اشتراك ولازم التبديل 
المشاركة الأصلية كتبت بواسطة بلال العلمي
يواسا مركبها اخوي المهاجر ويمدحها ومركبينها اخوياي والان اقترب دوري ان شاء الله احلى يواسا
احس البطارية هذه مثل الكيك شكلها حلو:d
انا اخذتها للرجال لأني قرأت هنا يمدحون هالبطارية وقلت هذا أول واحد نسوي عليه تجارب :d
خاصة انه طيب ومايقول شي ياحليله يعني لو ماطولت البطارية ماعندك مشكلة مايجيك زعلان ويركبك السبب :d
ودوري قريب ان شاء الله بروح للمحل اودي البطارية الخربانه لهم وباخذ لي جديدة وبسوي مثل حبيبنا accord 06
المشاركة الأصلية كتبت بواسطة accordyon
شكلك مصور بالبولد:d
بس من جد البطارية نكبات انا كان حظي زين ويوم تنحت عند البيت كنت
بشغل الصباح بروح الدوام ومارضت تشتغل يلا غياب يوم ولا تطفي بأشارة
او بنص الشارع
يعطيك العافية مشرفنا ع التنبيه
الله يعافيك يالغالي
ومصور بالنوكيا E72 :d لأن البولد شريته بنفس اليوم وكان في الكرتون
ان شاء الله ماتنكبك مرة ثانية وخلك متابع العداد فهو الوحيد اللي راح يفيدك عن البطارية
مثلي اليوم بروح اصلي الجمعة وشفت العدادات قطعت بشكل سريع وهذا من التهديدات :d ان البطارية على وشك ... زين ماشية معي لها الحين سنة و4 شهور ( اي سي ديلكو )
المشاركة الأصلية كتبت بواسطة d7ooom2009
ياشين البطارية مره صار لي موقف معاها لا ينسى ولابعد يوم خميس سالفة يطول شرحها
المهم له فتره والسيارة مو طبيعيه وكنت عارف انها البطارية ولا بعد حتى يوم غيرت الزيت عند الوكالة وشيكـ على السيارة قال يبي لها بطارية وانا تساهيت لين صارت السيارة ماعاد تشتغل وابتدا الفلم
اليوم الثاني غيرتها ببطارية يواسا بحدود الـ 200 ريال
حياك الله عزيزي دحوووم وهذه مشكلتنا مانسمع الكلام :d حتى خوينا اللي سافرنا وعيت تشتغل سيارته قال له المهندس بطاريتك تعبانه وطنش لين طفت علينا لكن الله ستر
وانا قبل مهندس قال لي تحتاج ( ركبه ) لفورد كان عندي وطنشته وقلت الاسبوع الجاي لين طاح علي بوسط الشارع وانا ماخذ فوق تحت << راعين الفورد لاتخافون ترى نادرآ يطيح وانت على طريق ويطيح عليك داخل الديره
رد مع اقتباس
مواقع النشر (المفضلة)