الموضوع: لمبة الفتحه احترقت وش السوات

ما ادري بس لازم فك بس تبي نصيحتي كلها لمبة ماتنشاف حرام تفكك الطبلون شانها اتركها .

لا ما يحتاج تفك الطبلون كامل

تفك الغطا اللي تحت الدركسون بس بعدين تفك الزر و تغير اللمبه

سعر اللمبه بالوكاله اعتقد 15 ريال

^^مشكووور يالغالي

بس بغيت اسئلك وش تقصد بالغطا

هل هو الي موجود فيه الزر نفسه ولا غطا ثاني

ويعطيك الف الف عافيه وماقصرت يالغلااا

وراكم سحبتو علي :d

تفك هذا الغطاء بعدين تفك الازرار و تغير اللمبه

اي محل زينه ممكن يغيرها لك

ماقصر اخونا
accord 06

^^اي والله انه ماقصر

مااقول الا يعطيك الف عافيه اخوي accord 06 وماقصرت

أنا عندي نفس المشكلة .. لا دريت عنها إلا أمس بالليل ..

اخوي اكورد لؤلؤي و اخوي مازن انا قد طفت اللمبه عندي وفكيت الاطار الاسود الي حول الازره الثنين تدخل مفك من تحت الاطار وتفكه وبس ولا تفك ديكور ولاهم,,,

وبنسبه للمبه لفيت محلات الزينه اللي في العروبه اللي في الرياض وما حصلتها الا عند محلات (الوهيبي) 5 ريال بدون جلبه زرقاء لأن الجلبه موجوده في اللمبه الخربانه ,,,,,



تحياتي:
هنادي والناس تنادي

تصدق عندي نفس المشكلة وتوني لاحظتها الحين:d .

^^^يعيطكم العافيه على الردرد

بس اخوي هنادي والناس تنادي وين احصل محل الوهيبي فيه..؟

ويعطيك الف عافيه...