شباب ودي اطيح الاكورد

**moosa_love** · 31-01-2008, 10:33 AM

شباب ابيكم تساعدوني اذا طيحت السياره من قدام هل هذا الشي يأثر على السياره

واذا ما يأثر كم لفه اقص من قدام وكم لفه من ورا؟

وتبون الحقيقه ابي شكلها حلو يعني ايش المناسب بالظبط

ومشكورين مقدما

**فقير الحظ** · 31-01-2008, 11:34 AM

أخوي أول شي انصحك لا تقص من يايات الوكاله ابد فيه يايات رياضيه يبيعونها ركبها وتقدر تصعدها وتنزلها ...

اليايات بـ 300 ريال جديدهـ يجي لونها احمر
والتركيب بـ 150

انا قبل امس طيحت السياره .. اذا جيت اصعد مطب مرتفع شوي تحك عندي من قدام ومن الجوانب

**MR.M** · 31-01-2008, 11:35 AM

اخوي اذا تبي نصيحه قص لفه وربع قدام ورا لفه بتطلع رايقه ولاتاثر بشي ونشاء الله الشباب يفيدوك اكثر

**و ى ل السعوديه 8 5 5** · 31-01-2008, 02:11 PM

لا يالغالي القص ياثر...

والتليين ياثر كذالك...

والنصيحه لك يالغالي اليايات الرياضيه...

**B Useful** · 31-01-2008, 10:33 PM

تبي تطيح موترك ..

انصح تستخدم يايات Eibach الرياضية .. جودة واداء رائع ... وغيرها لا تدور

**MR.M** · 01-02-2008, 04:12 AM

كوكو كورد
يالغالي طيب تعرف لي محل يبيعها بالرياض لاني دورت مالقيت وبيق ويلز يقول للسيفيك مافيه

**فقير الحظ** · 01-02-2008, 04:45 PM

^^^^^^

تقدر تطلب اليايات طلبيه من محل سبيد الي بالثقبه

**ملك مملكة جدة** · 02-02-2008, 04:21 AM

ياخي لا تطيح ... كله مشاكل مع الحكومة ( قسائم - توقيف ) و قلة خاتمة ؟

و كل شوي و السيارة تحك ؟ ليش ؟

واحد من الشباب معاه اكورد مركب لها ياي رياضي .. بعد ما نزله طلعت له مشاكل في المساعدات و العكوس ... الخ الخ

و الثاني بعد ما رفع السيارة و كشف عليها في الوكالة لقاها مكسرة من تحت .. تكلفة قطع الغيار 12000 ريال ؟

لو بدفع في تعديل مو مشكلة بس ليش ادفع في تصليح ؟

**B Useful** · 02-02-2008, 04:35 AM

واحد من الشباب معاه اكورد مركب لها ياي رياضي .. بعد ما نزله طلعت له مشاكل في المساعدات و العكوس ... الخ الخ

و الثاني بعد ما رفع السيارة و كشف عليها في الوكالة لقاها مكسرة من تحت .. تكلفة قطع الغيار 12000 ريال ؟

ميزة اللي يطبح السيارة .. لازم يكون كيوت وكووول .. مايسرع .. سواقتة هادئة .. يعرف الشارع واللي فية ..

خويك هذا اللي راح الوكالة وقالو لة 12000 ... انا ما استبعد اذا قالو لة 24 الف ... لأن الوكالة اي شي فية حكة يغيرونة ... ما يعدلوتة ابد ..
الدودة بحدود 4700
العكس اليمين واليسار 7000
كمر المكينة 2700
غير الشغلات الغبية الصغيرة اللي تطلع (كراسي مكينة - مساعدات -اذرعة - مقصات ) ..
هذي مجرد عينة للأسعار فوق ..
وبعدن يا صديقي انت تتفق معاي على حقيقتين مهمتين جداً ..

ان (شوارع ) جدة عبارة عن هضاب وحفر يسموها شوارع ..
ان الحقيقة اعلاة ( من جد حقيقة .. وما يصلح فيها سيارة مهبطة ابد ) ..

وبعدين ... سؤال للجميع ...

الياي الاحمر او الاصفر هذا اللي تقولونة ...!!

وش اصلة ؟
وش فصلة ؟؟
وش يرجع ؟؟
من اللي صنعة ؟؟
وش اسم شركتة ؟؟

ياي مجهول الهوية ... اي شي مهجول الهوية = ابو كلب يعني ينطبق علية المثل ( الرخيص مخيس )

براحتك ... ركب تجاري ركب ابو كلب زي ما تبغى ... لكن بيجيك يوم تندم اشد الندم وتقول ليتني ما وفرت القرشين وخذيت اصلي ..

خذ شي اصلي مضمون لك .. وللزمن .. ولروحك وارواح غيرك ودمعة امك ...

**moosa_love** · 04-02-2008, 09:46 AM

مشكورين اخواني على المرور تدرون اني صارلي فتره ادور الموضوع ولا حصلته

حتى اني اليوم كتبت موضوع ثاني :d

بالنسبه لردودكم تخوف صراحه فيها تصليح وعكوس وغيره

والله انا واحد بالموت ادفع القسط تبوني اصلح

وزي ما قلتو الي يبي يطيح سياره يبلها واحد كووول هادئ ولا يسرع وانا واحد عكس هاذ تمام

واشكركم مره اخرى على ردوودكم

**الـدحـيـلان** · 27-02-2008, 03:20 PM

يـا مراحب ... أجيك بالردي ورايي بـ الموضوع ... معك سياره جديده النتزيل حط عليه أكـــــس وأسئل مجرب ولا تسئل دكتور ... انا معي سيفيك 2007 ... أول شي قصيت على أيـات الوكاله هههه :( وبعـد كذا طلعت عندي أصوات لأنه نفس أيـات ما تركب صح ولا راح تضبط الايـات لازم أيـات جديده ... رحت الوكاله قالو أيـام السيفيك 1200 الريال اربعـه وقالي إلي ورى طلبيه من الامرات بعد اسبوع يعني تنقـــع هههه المهـم طلبت إيـات إيبـاغ نزلت لي السياره تنزيله حلوه بس إيـات معه الشحن والسعر إلي ياخذه المحل طلعت 1700 ريال .. ونصيحه لا تنزلي لأني مغيري ( بيرنق ) والسبب فك الجمبيـن ههه لا تنزل يـاخوي وبيني وبينـك سيارت الهودنا الجديده السيفيك ولا أكورد تراهـا من الوكاله نازله حرام تنزلهــاا .. وهذي نصيحه من أخوك مجرب

**MR.M** · 28-02-2008, 04:06 AM

طيب اخوي الدحيلان للبيع اليايات الايباخ او حقت الوكاله المقصوصه اذا للبيع ردلي انا شراي

**دحوم** · 28-02-2008, 05:25 AM

انصحك خلها على طبيعتها ، وإلا بعد فترة راح تلاقي حواف الصدام الأمامي والخلفي منعدمين هذا غير التأثير على الشكمان والزعانف مع المطبات رقم 8 .

تحياتي ،،،

**هوندا قوه الاحلام** · 28-02-2008, 02:49 PM

انا اقولك لا لللتنزيل
انا نزلت سيارتي وكرهت حياتي كل شوي تحك ولا تقريبا كل شهر ادخلها الورشه تبديل اركب واذرعه ومقصات غير تهريب الزيوت في المكينه والباور وتصليح الشكمان
وانت وراحتك
ونصيحتي عن مجرب