زيت الدركسون ينقص في السبوعين شويييي

**سياحي** · 26-01-2010, 02:05 AM

السلام عليكم .

مساكم ورد ياأعضاء النادي الموقرين

سيارتي علبة الدركسون احصلها ناقصة شوي تقريبا شرطتين خلال السبوعين يعني مو كثير وشوف اسفل العلبة زيت ولما اطالع من عند الكفر الامامي من الداخل اللي جهه العلبة اشوف فيه زيت .

فحسيت ان التهريب من العلبه نفسها من اسفل لان بالاول شاك ان التعريب من الدودة بعد سويت تفكير قلت لو فرضنا ان التهريب من الدوده كان سمعت صوت لما الف يمين ويسار لانها قد صارت معي في عربيتي الاوله وأستبعدت سالفة الدودة وثبت الرأي على العلبة . :p

طيب !!

الحين ابي اتأكد هل فعلا التهريب من العلبه فعلا وهل لها اصلاح وش الاصلاح المراد شراءها وبكم توقعون تكلف ؟

وهل فيه ضرر لو اتركها ايام وازيدها كل اسبوع لين احصل ردود اصحاب الخبرة بالجواب الكافي .

ياليت تفيدوني بالاصلاح والتكلفة والورش شرق الرياض من السلي والسلام والروابي والديار ذيس :d

**o-k-r** · 26-01-2010, 02:18 AM

من الممكن ياعزيزي

فيه تهريب

وشيك على الهوز(الماصورة) يمكن فيه شق بسيط

وغيره قبل ماتطلع لك مشكلة جديدة

**سياحي** · 26-01-2010, 02:24 AM

المشاركة الأصلية كتبت بواسطة o-k-r

من الممكن ياعزيزي

فيه تهريب

وشيك على الهوز(الماصورة) يمكن فيه شق بسيط

وغيره قبل ماتطلع لك مشكلة جديدة

مشكور على الرد .

عطني احتمالاتك . اي ماصوره ؟

افهم من كلامك ان فيه ماصوره في العبله هي اللي تحكي عنها ولا !!

ولا فيه احتمال ثاني من نفس العلبه ؟

على العموم ما قصرت واللي عنده خلفيه بالسعر والمطلوب اصلاحة والقطع لا يبخل علينا

**o-k-r** · 26-01-2010, 02:36 AM

ماظنتي العلبة فيها شي

احتمال من الهوز (الماصورة) اللي تخرج من علبة زيت الدركسون

فيه طريقة حلوة

انك تغسل مكان الزيت

وتحط تراب راح يبين لك وين مكان التهريب

هذي الطريقة دائما اعملها اذا شكيت بالتهريب وان شالله اكون افدتك اخوي

**بوشا النمر** · 26-01-2010, 02:38 AM

سياحي صباح الخير انا جالس اعاني من نفس المشكله بس الفرق بيني وبينك انه مافي تهريب بس في صوت غريب والمشكله من نفس علبة الدركسون ورحت للشركه وقلي المهندس هذي مشكله في كل الهوندا وفتره ويروح وبالعكس الصوت جالس يزيد وحروح الشركه بكره والله يجيب اللي قيه الخير

**allourd** · 26-01-2010, 12:35 PM

السلام عليكم يا سياحي ليش ما تسير فل كامل هههههههههه حبيت امزح معك:d
كانت عندي المشكله بانه ينقص الزيت حق الدركسون وشيكت على المشكله لقيت علبه الدركسون اللي يجي حولها السير تهرب وخليتها فتره ممكن شهر وخربت معها الشداد المهم رحت وغيرت اصلااح كامل اللي هو (جلد+رمان) لعبه الدركسون اللي يجي حولها السير مع الشداد وسير جديد قطع وكاله اصلي بس من محل خارج الشركه كلها ب650ريال وشغل اليد 280ريال وماشاء الله ذحين زي الفل
ولاكن ابغى منك تتاكد التهريب فين بالضبط عشان ما تخسر كثير واذا ما عرفت تتاكد غسل السياره بستم بمويه وصابون بس وبعد تغسلها شيك عليها كل يوم لين تعرف التهريب وين بالضبط وعلى طول ودها لمهندس مختص واذا كنت بجده راسلني على الخاص واعلمك بالمحل
خلصت الهرجه