حآدث مروري للملكه هنادي.. كم سؤال لاهنتوـآآ ..

[مجنووووونها]

السلام عليكمـ ..
يسعد لي هـ المسـآء // الصبـآح .. يالغوـآلي ~ ..

أخوآني مـُلاك الملكة هنآدي ..

قدر الله وماشآء فعل .. و صـآر لي حآدث على ملكتي 2009 .. تصادمت مع ][ هايلكس 09 ][ ..

وتضرر عندي الصدآم + الرفرف + الصطب الأيمن كآمل + طقة في الكبوت ..

والحمد لله على كل حـآإآإآل .. وان شآء الله انها دفعة بلا أكبر عني وعن الأخ صاحب الهايلكس ..

عندي تأمين ضد الغير طبعًا ..
والأخ صاحب الهلي عندهـ تأمين شـآمل ..

والمرور جآنآ .. << غريبه ماتأخر :d .. !!

وأخذ كروت التأمين وقال راجعوا المرور صباح بكرى ان شاء الله .. مررور غرب الريآض ..

سؤالي اللي يجول في ذهني .. بما إنه اول حآدث وان شاء الله الاخير والله يبعد عنا وعنكمـ السوء .. :

التأمين وش وضعه ؟! ..
<< الزبدهـ ابي تفاصيل عن التأمين للي عندهـ تفاصيل فيهـآ ..

و هل تستغرق السالفه وقت طويل لحد ماتتصلح السيارهـ ؟! ..
وكم تقعد في الوكاله ؟! ..

و و .. كم سؤال يجول في ذهني بعد مانزلت من الملكه وهي مقبوعه :( !! ..

أتمنى الإفآدهـ يآ أحلى أعضـآء في أحلى منتدى~..
لاهنتوا ..

اخوكم سلطـآن ..
الرياض - الشفـآ ~ ..
اوى .. سبيشل لؤلؤي :o ..

[متكرود]

الف الف حمدلله على سلامتك اخوي سلطان , وان شاءالله اخر الشرور يارب , ويصبرك على ما ابتلاك
وان شاءالله الي عنده خلفيه بطريقة التأمين يقولنا , للأسف ماعندي خلفيه عن الاجراءات :(

وياليت اخوي لو يمديك تصور الاضرار عشان الاعضاء الي عندهم خلفيه يقدرون لك التلكفه.

والله يعينك.

[FARES__KSA]

من ناحية تستغرق وقت طويل
فممكن .. على حسب التأمين .. في تأمين يخلصون لك بسرعه وفي تأمين يلطعونك
بس اللي اعرفه ان اللي يجيك في الحادث شركة نجم اذا كنتوا مأمنين ويقولكم الغلط على من ويعطيكم تقرير بالحادث وتروح تقدر السياره في تقديرات المرور وبعد كذا تراجع التأمين ويعطونك فلوس التصليح
ان شاء الله اكون افدتك بهالجزئيه الصغيره

[@الاواكس18@]

الحمد لله على سلامتك ...

المشكلة انو تامينك مو شامل للغير يعني يصلح سيارت الهايلكس بس

ومين الي صدم الثاني لو هو صدمك تامينو يصلح سيارتك

لو العكس ما اظن انت تصلحها بفلوسها >>>حسب علمني

[eminem]

1000 الحمدلله على سلآمتك قبل كل شيء ... و والله مو لوحدك أنا بعد صار لي حادث يوم الخميس مع كورولا 2010 بجدة ... والحمدلله على كل حال ... المهم والله للأسف ما عندي خبرة عن التأمين يالغالي لأني ماني مأمن ... والحمدلله على سلآمتك مرة ثانية ... تقبل مروري

[اكوردتي عشق لا ينتهي]

حبيبي التأمين مايشملك اذا انت الغلطان والعكس صحيح هذا مو شامل طبعا
اذا شامل يشمل سيارتك وسيارته اذا انت غلطان ويشمل سيارتك اذا هو غلطان
اذا كان الغلط 50%
في هذه الحاله
يتم تحويلكم لتقديرات بالمرور ويشملك التامين شامل ولا عادي
حبيبي الف سلامه عليك واعذرني دوشت راسك اتمنى فهمت شي