صوت في ونة لا مشيت تشبة ونه الدركسون

**سياحي** · 03-01-2010, 06:47 PM

السلام عليكم .

ياشباب انا عندي هوندا اكورد 2008 فيها صوت ونة لا مشيت مجرد ما احطها في الدي وامشي تجي ونه تشبة ونه علبة الدركسون بس انا اخبر ونه علبه الدركسون ما تجي الا لما تلف ولا تحرك الدركسون .

وخاصة لا لما تكون في الدي وداعس لها على خفييييف اسمع ونه :(

صراحة ما ادري هي عاده فيها ولا وش لاني توني اشتري السيارة .

ياليت اللي عندة خلفية او خبرة يقول لنا وش نظامها

**محب الحقيقة** · 03-01-2010, 11:03 PM

اننننننننننننننننننننننننننننننننننننننننننننننننن نننننننننننننننننننننننن

تظهر في السرعات المنخفضة 10-50

نفس المشكلة اليوم بغيت اروح الوكالة عشانها بس عندي اختبار بكرة وانشغلت :(

ما ادري هل هي طبيعية ؟

**سياحي** · 03-01-2010, 11:19 PM

المشاركة الأصلية كتبت بواسطة محب الحقيقة

اننننننننننننننننننننننننننننننننننننننننننننننننن نننننننننننننننننننننننن

تظهر في السرعات المنخفضة 10-50

نفس المشكلة اليوم بغيت اروح الوكالة عشانها بس عندي اختبار بكرة وانشغلت :(

ما ادري هل هي طبيعية ؟

ايوه يامحب الحقيقة نفس ما قلت تظهر لا يمكن في سرعة 10 او اقل انا عندي من سرعة 10 خاصة اذا صارت رجلي على البنزين وصلتها سرعة 10 وخرت رجلي

**أكورداوي** · 03-01-2010, 11:20 PM

والله أحس نفس الي عندي ونفس الي موجوده في أغلب الأكوردات ..

ان كانت هي نفسها .. ونه مع المشي وتخف مع التعشيق ثم ترجع مره ثانيه تدريجيا ..

فهذي من تروس القير ..

هي مامنها ضرر غير الصوت بس .. لكن اذا كانت سيارتك على الضمان أنشب لهم وخلهم يغيرون لك القير كامل ,, لا يوضبونه لأنه ماراح يضبط ,,

والله يعينك

**سياحي** · 03-01-2010, 11:22 PM

يعطيك العافية ياغالي كانت معاي 2005 مافيها هالصوت عاد 2008 ما ادري فيه ناس قالو طبيعة فيها .

طيب بالنسبة للضمان انا سيارتي ماشي 84 الف هل يشملها الضمان ؟؟؟

ياليت اللي عندة فكرة لا يبخل علينا في الصوت

**أكورداوي** · 03-01-2010, 11:27 PM

اي نعم يشملها الضمان ,,

ضمان 2008 - 2010 ( 100000كم او 5 سنوات)

**kakashi-san** · 03-01-2010, 11:33 PM

وعليكم السلام ..

قد صادفتني هالمشكلة وكنت بروح الوكالة ..

بس نصحني أحد خوياي وقال روح اشتري من محل قطع الغيار ، زيت علبة الدركسونْ ..

وعبيته إلى full ، واللحين اختفى من عندي الصوتْ ..

والصوت تحسّه كأنك تلعب في جهاز العائلة القديم :d

جرّب قبل لا تروح الوكالة ويمكن يقولون لك كلام غير منقطي ولا ياخذون عليك فلوس زيادة وهي الشغله ما تحتاج الا 35 ريال ..

**سياحي** · 03-01-2010, 11:45 PM

المشاركة الأصلية كتبت بواسطة kakashi-san

وعليكم السلام ..

قد صادفتني هالمشكلة وكنت بروح الوكالة ..

بس نصحني أحد خوياي وقال روح اشتري من محل قطع الغيار ، زيت علبة الدركسونْ ..

وعبيته إلى full ، واللحين اختفى من عندي الصوتْ ..

والصوت تحسّه كأنك تلعب في جهاز العائلة القديم :d

جرّب قبل لا تروح الوكالة ويمكن يقولون لك كلام غير منقطي ولا ياخذون عليك فلوس زيادة وهي الشغله ما تحتاج الا 35 ريال ..

يامال العافية شلون شلون قصدك اغير الزيت اللي موجود باللي ذكرت ولا وشلون . لاني توني مفلله امس عند حقين الزيت قلت يمكن من

وياليت تجيب صورة الزيت اللي تنصحني فيه

**kakashi-san** · 03-01-2010, 11:53 PM

تفضل هذا صورة له ..

انت بس قول لمحل قطع الغيار زيت باور وهو يعرفه وسعره حدود 35 ريال ..

**سياحي** · 03-01-2010, 11:56 PM

ما طلعت الصورة .

تعبتك معي .

وبعدين يعني افضي الاول واحط هذا صح .

**kakashi-san** · 04-01-2010, 12:03 AM

لا عادي حتى لو ما فضيته مب مشكلة ..

بس اذا كنت عند محل تغيير الزيت ، خليه يفضيه لك وتحط الزيت من علبة الباور ..

وان شاء الله راح يختفي الصـُوت ..

ويا هلا ..

**سياحي** · 04-01-2010, 12:15 AM

يامال العافية .

ان شالله اجربة وارد لكم حتى يستفيدون الاخوان من الموضوع

يارجال قبل شوي جبت العيد في مسامير الكفر . بنشرت علي السيارة وجيت اقرب بنشري المهم وفك المسامير ثلاثة انفكوا وثنين عيو المهم صارو يدورون لفة بسيطة قدم جهه الشد وروى جهه الفك المهم قدر الله عليهم وكسرتهم والحين مافيه الا ثلاثه .

توقع كم احصلهم وكاله ؟

ياولد هالسيارة موطبيعية

**متكرود** · 04-01-2010, 03:25 AM

الونه هذي حتى في سيارتي وهي لسه مامشت الا 1800 ك م ونفس الشي في السرعات المنخفضه..
كنت احسب انها موجوده في كل سيارات الدفع الامامي لاني سمعتها قبل في الكورولا والايكو..بس ماقد سمعتها في الكامري...شي محير.
ننتظر تجربتك مع زيت علبة الدركسون. >.<

**المباشر** · 04-01-2010, 06:04 AM

السلام عليكم ورحمة الله وبركاته

بخصوص زيت الباور اذا انت حطيت الزيت الاحمر فهذا غلط وممكن يعدم عليك علبة الباور

حاول بأسرع وقت تبدل الزيت كله للباور وتعبيه باللي قاله لك كاكاشي

والمسامير تبيعها الوكالة ويمكن الواحد بـ 25 ريال أو أكثر على حسب

واذا ماطلعت لك صورة العلبة للزيت راجع البوماتي فيها صورة للزيت والسعر مذكور

**عاشق الوعد** · 04-01-2010, 09:43 AM

المشاركة الأصلية كتبت بواسطة سياحي

يامال العافية .

ان شالله اجربة وارد لكم حتى يستفيدون الاخوان من الموضوع

يارجال قبل شوي جبت العيد في مسامير الكفر . بنشرت علي السيارة وجيت اقرب بنشري المهم وفك المسامير ثلاثة انفكوا وثنين عيو المهم صارو يدورون لفة بسيطة قدم جهه الشد وروى جهه الفك المهم قدر الله عليهم وكسرتهم والحين مافيه الا ثلاثه .

توقع كم احصلهم وكاله ؟

ياولد هالسيارة موطبيعية

طيب بالنسبة للمسمار حق الكفر أنا عندي هوندا 2009 بنشرت وصلحت البنشر ومن زود الاهتمام ضغطت على أحد المسامير وانكسر :(

المهم رحت الوكالة سعرت المسمار الواحد مع الصامولة قالي بـ 75 ريال بدون تركيب

<< الشكوى لله >>
والتركيب راح يكلف 120 ريال

يعني التكلفة الاجمالية 195 رريال

<< مو صاحين ويقول خل السيارة وارجعلها بكرة >>

طبعاً أنا شريت المسمار وركبته في ورشة بالصناعية بـ 20 ريال والله وما أخذت 10 دقايق

وبالنسبة لصوت الونة حتى أنا عندي هالصوت موجود << أون ورياح الليالي تون >>

**محب الحقيقة** · 04-01-2010, 02:21 PM

المشاركة الأصلية كتبت بواسطة سياحي

يامال العافية .

ان شالله اجربة وارد لكم حتى يستفيدون الاخوان من الموضوع

انتظرك يا سياحي بفارغ الصبر

عجل علينا

**سياحي** · 05-01-2010, 12:21 AM

والله المعذرة ياخوان كنت ناوي اغيرة بس عرض لي هالمسمار التفاصيل في هذا التقرير

http://www.hondaarabia.com/club/showthread.php?t=30992

بس تريونا ما نسيتكم على بكرة ولا بعدة اشوفة على فكرة انا شاريه معي في السيارة بس والله ما فضيت له والسبه المسمار طاعون يشك بطنة :d

**Honda Guy** · 05-01-2010, 10:18 PM

انا عندي نفس المشكلة,
سيارتي 2009؟, والونة تطلع لما تمشي بسرعة خفيفة , 10 - 20 وتختفي مع السرعات الأعلى....

مااظن المشكلة من زيت الدركسون, وما ارتاح لفكرة اني اخلي الوكالة يلعبون في القير او يوظبونه والسيارة توها جديدة!

ياليت اللي يروح الوكالة يرد لنا خير....انا بروحلهم بعد اسبوعين ان شاء الله

**ماهر الوافي** · 06-01-2010, 03:39 PM

والله انا كان عندي صوت ووديتها الوكاله وطلعت لي الدركسون في مشكلةوغيروه مع الزيت لاته كات في تهريب وعالضمان

**hamedo** · 06-01-2010, 03:53 PM

شوف انت لما تمشي ركز الصوت من الديكور مومن الدركسون جرب حظك

**Mr-Accord** · 06-01-2010, 03:55 PM

نفس الهرجــــــــــــــــــة مع انو سيارتي جديدة 2009 و v6

**محب الحقيقة** · 08-01-2010, 05:01 PM

يعني ما في حل ؟

**عاشق الاكورد2008** · 08-01-2010, 05:15 PM

نفس المشكله عندي ورحت للوكاله وقالوا عندك تهريب بسيط في علبه الدركسون وقالوا نغيرها على الضمان قلت اوكيه
وطلعت السياره واكتشفت انهم ما غيروها غيروا اليات واشياء اخرى بس خف الصوت وقالى الفني ارجع نغير علبه الدركسون بس ما رحت

**وسيم الاكورد** · 08-01-2010, 11:50 PM

نففففففففففففس المشكله وربي
وانا خاايف يصير شي كبيرر بس مادام انكم كلهم تشتكون نفس المشكله انا كذا ارتحت

والله ياشباب من جد نبي حل انا كل يوم يزيد الصوووت عندي

**علوش اكورد** · 21-01-2010, 12:31 PM

السلام عليكم ياشباب

انا كان عندي اكورد 2004 وخربت عليه علبة الدركسون وكلفتني كثير ومااتصلحت
بعت السيارة بسبب العلبة

والان اشتريت اكورد 2008 وعندي نفس مشكلتكم صوووت الونه
وانصحكم انشبوو للوكالة في حلقهم قبل لاتكبر المشكلة عندكم