الموضوع: سؤال بخصوص تغيير نوع زيت السيارة من بترومين h40 إلى

وعليكم السلام ورحمة الله وبركاته

عزيزي بخصوص الرقم المطروح 40 مافهمت وش تقصد فيه هل قصدك 15w40

اذا مرتاح مع زيت بترومين الترا 7 وماينقص وماعندك مشاكل خلك عليه

وللمعلومية سيارتك موديلها قديم يعني تحتاج زيت ثقيل

لو بدلته بزيت اخف راح تلاحظ نقص بالزيت

لذا نصيحتي خلك على نفس الزيت اذا كان هو الترا 7 واذا لا بدله وخلك على الترا 7 فهو ممتاز او خذ لك فوكس سوبر جي تي العلبة البلاستيك بلون أسود تراه ممتاز وعن تجربة في سيارات ثانية فورد وتويوتا جيب

ولأي أستفسار لا تترد بالسؤال

لاتبدل زيت للقير الا زيت هوندا الأصلي وله صورة في البوماتي

ولكن : دور بخاصية البحث عن تغيير زيت القير لأن في ناس تقول ماتدري عن الزيت فترة طويلة وبدلت وخبط القير ... يعني في معلومات ممكن تفيدك كيف تبدل الزيت وتنقص وتزيد على دفعات لين يتعود القير

الوكالة راح يبدل الزيت بدون مايشاورك اذا قلت له بدل ولا راح ينصحك ان القير ممكن يخبط ولا شي

الطريقة اللي يسوونها الشباب هي انهم ينقصون الزيت من القير بعدين يزيدونه نص علبة زيت جديد مثلآ وبعد فتره اسبوعين ولا اقل او اكثر نفس الطريقة لين يتعود القير على الزيت الجديد وبعدها يبدلونه مره وحده علشان ماتتلخبط امور القير ويخبط

ونصيحتي لك بما انك مش منتظم بالتغيرات فلا تتسرع بالتغيير

واذا قررت تبدل الزيت بالوكالة فعلى مسؤليتك :d

وممكن ينفعك التغيير بالوكالة لو خبط القير تركبها في راسهم لكن موترك موديله قديم شوي يعني بيصرفونك

والله مادري وش اقولك بدل ولا لا تبدل

من ناحيتي انا مغامر ولو هو موتري عادي بدلت له على بطريقة التنقيص والزيادة وبعدين ابله بالكامل واللي فيها فيها وان صار شي شريت قير من التشليح << هذا انا وترى راتبي ممتاز يعني عادي عندي :d ترى سعر القير من 3000 الى 4500 ريال

قلبها في راسك وأنتظر اراء الشباب ترى لهم تجارب بخصوص هالموضوع وراح يفيدونك بشكل أفضل

وعندك بعض المراقبين خبرتهم أكبر مع القيور بتجارب من ناس يعرفونهم وان شاء الله يعدون من هنا ويفيدونك

على العموم طولت عليك لكن الأهم حاليآ أنك ماتتسرع بالتبديل وانتظر لين تجمع اكبر قدر من المعلومات وبعدها تقرر وش تسوي

وترى تبديل الزيت بدون الفلتر الخارجي بوكالة الدمام كان بسعر 180 ريال

1- 3 علب زيت قير بسعر 126 ريال
2- واشر لصرة القير بسعر 6 ريال
3- اجور الاصلاح بسعر 48 ريال

المجموع 180 ريال