خدمه بسيطه..

**الصامت** · 14-12-2009, 02:42 AM

احبابي ..
بأذن الله بكره مسافر على الشرقيه والله محتار ايش احط على السياره ايش تنصحوني احط برقع او فيري او تغبيره هاذي اول سفره لي على خط طويل وماعندي ذيك الخلفيه والله لايحرمني منكم..

**الصامت** · 14-12-2009, 02:53 AM

يعطيك العافيه ياking
مافي محل ساكو في الطائف وهل تاثر على لمعة السياره..
انا جاء في بالي انزل مكه لان عندهم فرع واشتري برقع بس على كلامك يبيله وقت والله محتار..

**King** · 14-12-2009, 02:55 AM

بما ان بكرا سفرتك مااتوقع يمديك تركب برقع ويبغاله شغل

مر اقرب محل ساكو وخذ لك منتج { رش وامش } التعليمات على العبوة

إذا وصلت بالسلامة غسل السيارة عشان الحشرات والأتربه ماتصلق على الصدام وتصير صعبة الزوال بالمستقبل ..!

**اكوردsky** · 14-12-2009, 02:55 AM

هلا فيك والله
اولا :انا ماانصحك بالفيري لانه يقلب لون البويه عشانه حار مع الشمس

ثانيا : البرقع ماادري ناس يقولون له ضرر على البويه حقت السياره والله اعلم

وثالثا : في بخاخ يبيعونه انا اعرف كم واحد من الشباب يمدحونه .. يرشونه على الواجهه حقت السياره وبعدين يصير زي الشمع ويسوي طبقه ثانيه
لكن والله ناسي اسمه تلقاه عند محلات الزينه

بس انا من رأيي انه مشوار واحد ماراح يضر بشي ^_^

وان شاءالله الشباب يفيدونكـ
تحياتي لكـ

**King** · 14-12-2009, 03:01 AM

على حسب علمي وإستعمال المنتج من الشباب انه مايأثر على البودي

وإذا انت راح تغسل اول ماتوصل ماعندك مشكلة , المشكلة لو خليته فترة طويلة وش راح يصير ..!

البرقع مثل ماذكر الاخ فيصل ممكن يأثر على السيارة ويسبب حرارة وهو يمنع الهواء من الدخول والتهويه !

الأفضل لك وعشان ترتاح حط حماية على الوجهيه لك وللزمن ^-^

**Honda*2008** · 14-12-2009, 03:07 AM

انا جربت البخاخ وسعره مناسب
الظاهر 25 ريال
وخليته 3 ايام
ولون موتري اسود والحمدلله
ولا اضرار < بس الافضل انك تغسل اول ماتوصل
وبتلقاه في محلات الزينه ولا المحطات قبل لا تمشي قبل الخط
ولون العبوه رصاصي
اتنمى اني ساعدتك

**AbuJawad** · 14-12-2009, 03:40 AM

انا رأيي ما تحط شي لان الجو الحين بارد واحتمال امطار

فمافي خوف من العج

والفيري ورش وامش كلها منتجات تزول لو جات عليها امطار
ولو ما زالت تأثر عالبوية الا في حالة ازالتها بسرعة

والتغبيرة ما تحمي من العج
التغبيرة تعمل لون لا اكثر ولا اقل
الرمل يضرب بالبدي لو كان فيه عج حتى لو كانت موجوده لانها عباره عن رمل ناعم
يعني مارح تحمي من اي شي خارجي

الحل اللي يحمي البوية فعلا البرقع او حماية الواجهة بفلم شفاف
وهذول الاثنين يبغالهم وقت وانت مو فاضي ويمكن ماعندك الا هالمشوار يعني مالها داعي التكاليف

انا اقول اتوكل على الله وامسك الخط ولا تسرع والله يكتبلك السلامة انت والسيارة

واذا مرة حاب تحط شي عشان تتطمن حط فيري لانه ارخص واسهل شي
واول ماتوصل بالسلامة غسل السيارة ومايأثر ابد
هو يأثر عالبوية اذا طول

بتنور الشرقية

**اكورد الخرج** · 14-12-2009, 06:48 AM

فصل لك برقع ومايجلس الا يوم واحد ....
واللي يقول انه يلعب في البدي ( كذب ) انا مجربه وموجود معي له سنه الحين وبالنسبه للهواء تراه يفصل نفس الوجهيه يعني فيه فتحات الشبك ولا يؤثر على السيارة بشي

..وسهل التركيب والفتح ...ويخدمك سنين ...

**كوكو2009** · 14-12-2009, 08:13 AM

والله ياخوي حتي انا مسافر للشرقيه وماني عارف محتار وش احط تغبيره ولا برقع .. بس في الاخير شكلى مابحط شي وبسافر كذا....

**فتى زهران** · 14-12-2009, 10:53 AM

ماشاء الله عليكم

كلام الشباب كل ابوهم صح 100 %

شوف بالنسبة للفيري يحرق بوية السيارة انا مجربها على سيارتي القديمه

وبالنسبة للبرقع ماينفع بريال وخاصة اللي يجي على الكبوت يسوي لك خط عشان الحبل اللي تشد به من الأطراف

وبالنسبة للتغبيرة ماتصلح خير شر لأنها تروح على طوووووووول

لكن أنا أنصحك ببخاخ لونه رصاصي ومسكته لونها أزرق ممتاااااااااااااااااز جدا جدا جدا

سعره تقريبا 25 أو 35 ريال

أنا مجربه ومخليه أكثر من 3 أو 4 أيام ومايضر البويه

هذا تبخه على وجه السيارة يسوي طبقة بلاستيك على وجه السيارة وحاول تزود على

الشمعات والكشافات والمرايات

وامش الطبلون <<<<<< نصاااااب :d

قصدي 210 <<<< تفصل تفصل لاتقول سيارتك ماتفصل :d

حتى في وسط العج وماعندك أي مشاكل

بس أنا أنصحك لو تقدر تظلل الزجاج الأمامي من الخارج عشان ما ينعدم عندك من العج لو فيه عج

مع انني أنصحك وفر فلوسك كلها عشان الدنيا أمطار ولا فيه عج إن شاء الله في الطريق

وبالنسبه لغسيل الماده هذي على طوووووول بس مويه ويروح وشوف كيييييييف الشغل

وأتمنى لك رحلة سعيده يارب

لاتنسى بوصيك بأشياء

أولاً : دعاء السفر

ثانياً : عدم السرعه

ثالثاً : لاتنسى أخوياك في المنتدى بالدعاء فدعوة المسافر مستجابه ( بأن يصلح شأنهم ويهديهم ويوفقهم في الدنيا والآخرة )

وفقك الله ياغالي وأتمنى أنني أفدتك

**ღღ 3eo0oney...ღღ** · 14-12-2009, 11:06 AM

كلام ابو الشباب سليم << فتى زهران

البخاخ هو احسن حل لحالتك الحين لان ماعندك وقت

ولما ترجع ركب الحامي البدي ع طوووول

ولا تنسى من دعواتكم وادعلنا اننا نتزوج :o

**اكوردsky** · 14-12-2009, 01:37 PM

شباب ياليت اللى ماجرب الشي مايفتي من راسه
واللى يقول ركب برقع .. صحيح انتم مو خسرانين شي
لكن بتخسرون راعي السياره

هذا هو ولد خالي معه افالون 2006 ويقول ياليتني ماركبت البرقع
وعمي مثله برادو 2008 الواجهه ماعاد تنفع بريال
فأنا اقول لاتنكبون الرجال
.................................
ولو سمحت ياللى تقول كذب احترم نفسكـ واحترم باقي الاعضاء
يعني وش رايكـ كل هالاعضاء يكذبون ..!!!
واذا انت مجربه وعاجبكـ لاتحكم على غيرك انه كذاب
حتى احنا مجربين .

**فتى زهران** · 14-12-2009, 01:57 PM

المشاركة الأصلية كتبت بواسطة اكوردsky

شباب ياليت اللى ماجرب الشي مايفتي من راسه

واللى يقول ركب برقع .. صحيح انتم مو خسرانين شي
لكن بتخسرون راعي السياره

هذا هو ولد خالي معه افالون 2006 ويقول ياليتني ماركبت البرقع
وعمي مثله برادو 2008 الواجهه ماعاد تنفع بريال
فأنا اقول لاتنكبون الرجال
.................................
ولو سمحت ياللى تقول كذب احترم نفسكـ واحترم باقي الاعضاء
يعني وش رايكـ كل هالاعضاء يكذبون ..!!!
واذا انت مجربه وعاجبكـ لاتحكم على غيرك انه كذاب
حتى احنا مجربين .

ياشباب والله البرقع زي ماهو زين فهو شين في نفس الوقت

أنا عندي كان برقع ركبته لا يزيد عن 8 أو 9 مرات بس

أقسم بالله العلي العظيم أنه سوالي خط على الكبوووووووت

عشان الحبل اللي تشد فيه البرقع حق الكبوووووت

يعني خسارة فلوووووووس على الفااااااااضي

أقسم بالله اني كنت فرحان اني ركبته لكن الحين انا ندمااان على شراءه

يعني 350 ريال تقريباً كان مداني أشتري بها زينون حق اللوحات

وأركبها بعد

لكن الدلاخه تجري مجراها

انتبهوا من البرقع

**Dodiii78** · 14-12-2009, 03:28 PM

سلام عليكم
يعطيكم العافية جميعا من باب التجربة كل شخص ادلى بدلوه على قولة المثل.
ومن رأي لضيق الوقت ولقلة التكلفة ومن واقع تجربتي على مسافة طويلة (الرياض - الأردن، 3 مرات رايح جاي)
ما عليك الا بإستخدام بخاخ اسمه " رش وإمش " والسعر مناسب وما يؤثر على البويه ولا يضعف الأنوار وما بيطير مع الشرعه <<خل عنك السرعه بس.
وتوصل بالسلامه ان شاء الله.

**الصامت** · 14-12-2009, 04:11 PM

الله يعطيكم العافيه وماقصرتوا ..
قررت بعد التوكل على الله ثم الاخذ من ردودكم راح ارش سيارتي بفيري وان شاء الله اذا وصلت الشرقيه سالم على طول راح اغسل سيارتي وفي الرجعه احتمال راح احط رش وامش هذا او اللي هذا عبوة رصاصي ولاتحرموني من دعواتكم لاني باذن الله راح امشي الان بعد ماارش الفيري ..
ان شاء الله اذا حصلت وقت في الشرقيه راح ادخل اقرب نت وراح اعطيكم ايش صار ..
ولاتنسوني في الدعاء..

**المهاجر333** · 14-12-2009, 04:28 PM

إن شاالله تاصل بألف سلامة
بس لاتسرع لأن والله مافي فائدة
تذكر أهلك وأحبابك ينتظرونك
لاتنسى أهم شي دعاء السفر
بالتوفيق يارب

**JREIH** · 14-12-2009, 06:19 PM

والله انا ماعندي خبره في هالشي
بس انا سافرت وكنت حاط فيري ويوم وصلت غسلته وماصار فالبويه ولاشي
وفالرجعه
ماحطيت شي
كان فيه تغبيره خفيفه من المطر على الوجهيه ومشيت بها للرياض والحمد لله مافيها ولا شي

**الصامت** · 03-02-2010, 05:40 PM

المشاركة الأصلية كتبت بواسطة الصامت

الله يعطيكم العافيه وماقصرتوا ..

قررت بعد التوكل على الله ثم الاخذ من ردودكم راح ارش سيارتي بفيري وان شاء الله اذا وصلت الشرقيه سالم على طول راح اغسل سيارتي وفي الرجعه احتمال راح احط رش وامش هذا او اللي هذا عبوة رصاصي ولاتحرموني من دعواتكم لاني باذن الله راح امشي الان بعد ماارش الفيري ..
ان شاء الله اذا حصلت وقت في الشرقيه راح ادخل اقرب نت وراح اعطيكم ايش صار ..

ولاتنسوني في الدعاء..

يعطيكم الف عافيه..
تم استخدام الفيري وحمدالله اول ماوصلت غسلت السياره وفي الرجعه نفس الطريقه واعذروني ع التاخير ف الرد ..
قبل يومين مشيت من الطائف للرياض وبرضوا حطيت فيري بس قابلت العضو عيؤني وقال يحرق البويه اذا كثرت استخدامه والله وسوست بس ان شاء الله امر الغرابي اليوم واخذ هذا اللي عبوة رصاصي لاني ان شاء الله بعد العشاء ماشي ..

**ماهر الوافي** · 03-02-2010, 07:59 PM

والله انا جربت البرقع وندمت نصيحة خلك على كلام الشباب الله لايحرمنا منهم بس ;)

**ahmed_alhawi** · 03-02-2010, 09:42 PM

تبي نصيحتي ياخوي وخر عن الفيري انا اليوم جيت من الشرقيه للرياض وحطيت فيري لاني مالقيت تغبيره والله والله بع ماغسلت السياره بغيت ابكي على المنظر الصدام الامامي خربت البويه منخ وصار لونه باهت والله مادري كمان ايش الحل قالولي كمان لازم اسوي تلميع عند واحد مختص وربنا يعين وانتبه على الطريق الشرقيه مليان غبااار وعج الله يوصلك بالسلامه