حياك الله اخوي

اذا الصوت اكيد من القير عندك احتمالات ابسطها بسبب الفلتر الخارجي والزيت واسوأها بسبب مشكلة داخل القير(احتمال ضعيف)

زيت اي سي دلكو غير مناسب لسيارات هوندا ممكن يمشيك فترة شهور وبعدين تظهر مشاكله

لان خصائصه غير مناسبة لقيرالاكورد...

اول شي تسويه تغير الفلتر الخارجي للقير وتغير زيت القير ويكون زيت هوندا الاصلي تلاقيه

بالوكالة او محلات قطع غيار هوندا واذا استمر الصوت ارجع لصاحب القير اكيد معطيك ضمان

وتفاهم وياه

الحين قبل ماتغير شي في اختبار بسيط تسويه للسياره عشان تحدد اذا المشكلة من القير او من رمان

بلي الكفر (بيرنق) او شي ثاني لان اصواتهم متشابهه كثير

عشق سيارتك وادعس الى سرعة 40 او 50 وبعدها غير القير الى n او الفاضي وشوف اذا استمر

الصوت وياك يعني المشكلة مالها علاقة بالقير ممكن بيرنق الكفرات او مشكلة غيرها واذا راح الصوت

يعني المشكلة اكيد من القير ... وبعد ماتتأكد وقف سيارتك وعشق للدي وكمل مشاويرك.

وانتظر باقي الشباب مايقصروا معك بخبراتهم.. تحياتي