إستفسار عن شراء الزيوت بالجملة

**عاشق ترابها** · 05-02-2010, 04:02 AM

السلام عليكم ورحمة الله وبركاته

سمعت أن هناك فرق كبير بين سعر الزيوت عند الموردين الذين يبيعون الجمله وبين محلات تغيير الزيوت

وكذلك السيفون (فلتر الزيت)

فهل هناك أحد من الأخوان جرب ذلك؟؟؟؟

ياليت اللي جربوا يفيدوننا بتجاربهم مشكورين

**يويو222** · 05-02-2010, 04:05 AM

ايه فيه فرق تحصلهم في الصناعيه القديمه في الرياض

**green devil** · 05-02-2010, 07:49 AM

اي فيه فرق كبير
لو تشتري كرتون كامل ..العلبه تطلع عليك مثل زيت بترومين الترا 7 تقريبا 8 ريال ...
كل الزيوت كذا يطلع ارخص سعر العلبه عليك ..
اما الفلتر ماعندي علم .. بس النشري يبيعه اغلى ب10 ريال او 8 ريال .. من قطع الغيار او الوكاله

**Silver Aurion** · 05-02-2010, 09:14 AM

نصيحه للجميع

الفلتر وكااااااااااااله ولاحد يفكر يشتريه من برا حتى لو الفرق كبير بالسعر

اهم شي راحه البال

تراه مكينة

بالنسبة للزيوت اكيد ارخص

**فيرآندآمرآولة** · 05-02-2010, 02:10 PM

اشتر الكرتون من الجملة
وبتكون انت المرتاح من السعر
لأنه رآح يطيح عليك في كل تغيير ما يقارب العشرة ريالات كل مرة
والكرتون فيه 24 علبه
يعني تقريبا تكفيك حوالي 6 مرات
وبكذا وفرت قيمة 60 ريال تشتري فيها 60 كيس خبز يكفيك شهرين لمدة 60 يوم
^
^
كم مرة ورد الرقم 6 في الرد

**AliAhmed** · 05-02-2010, 02:19 PM

مثال :

زيت كاسترول ماجناتيك يبيعونه في البنشتري بسعر 30 وبعضهم يتضرب ويوصله 40

وانا اشتريه بالجملة سعر الحبة 22 ريال

**محب للهنادي** · 06-02-2010, 10:41 AM

اكيد فغرررررررررررررررق في السعر لا يغرونك اتبو يمن النصابي ترا

ولا حد ياخذ الا بالكرتون تدفعها مرة وتنساها 3 مرات تغيير زيت وسعر ارخص

**عاشق ترابها** · 06-02-2010, 03:52 PM

الله يعطيكم العافية أنا الزيت اللي أستخدمه كاسترول جي تي أكس على ما أظن هذا أسمه العلبة البيضاء

سعر العلبة 15 ريال والسيفون 20 ريال

ياليت يا شباب تفيدونا أكثر عن تجاربكم

وكم يأخذ محل غيار الزيوت إذا أنت جبت الزيت معك

وماهي أفضل محلات بيع الزيوت بالجملة؟؟

وجزيل الشكر لكل الأخوان الذين أفادونا بتجاربهم

**عاشق ترابها** · 11-02-2010, 02:56 AM

للرفع للإطلاع

**عاشق ترابها** · 19-02-2010, 10:54 PM

يا شباب ياليت تزودونا بخبراتكم

**عاشق ترابها** · 21-02-2010, 09:06 PM

للرفع للإطلاع والإضافة

**عاشق ترابها** · 29-04-2010, 05:04 PM

يا أخوان قررت أني ما أغير زيت السيارة لحد 10000 بعدما رأيت أنه في الخارج لا يغيرون الزيت فقط يقومون بزيادته إذا نقص فقط وأستغربت ذلك

وبصراحة أغير الزيت كل 5000 والزيت جديد ونظيف

وبحثت وبحثت في كل مكان لم أجد إجابة شافية بهذا الخصوص

**كوارداوي** · 29-04-2010, 05:58 PM

كلام الشباب صحيح بخصوص الزيوت و فيه فرق
اما بالنسبه للسيفون انا شاريه من الوكاله ب17 ريال فقط و عند البنشري ب25 ريال ويوم رحت للبنشري اقارن الاصلي باللي عنده حصلت فرق االسماء عن الارض
الاصلي صفايته لونها احمر من الداخل اما حق البنشري صفايته سوداء
شكرآ لموضوعك

**المباشر** · 29-04-2010, 05:17 PM

عزيزي :

الخارج جوهم بارد واذا صار حار كأنه الخريف عندنا

ولا كيف الامريكان ماتوا بالخليج يوم وصلت الحرارة 45 درجة وحنا متعودين عليها توصل 50 درجة

هنا بالخليج جونا حار جدآ والزيت مايتحمل مسافات طويله

بدل زيت كل 5 الآف وان شاء الله موترك راح يعيش معك بدل مايصير مثل الماء ويتبخر مع الحرارة وماتدري الا مكينة السيارة مخبطة او مسبكه

اتمنى هالرد اقنعك

سافرت دولة سابقآ ووجدت انهم مايستخدمون المكيفات بتاتآ

في الليل بارد جدآ لدرجة انك تحتاج بطانية عدد 2 وتكون ثقيلة

في الصباح بارد

في الظهر حار شوي

العصر الساعة 3 تبدأ البرودة ورحت لها عدة مرات في شهور مختلفه ونفس الحكاية

وهذولا الناس هم اللي ينطبق عليهم مايبدلون الزيت ويمشيهم عادي ماهو عندنا من شدة الحر حتى مكيفاتنا ماتبرد

**THE SILVER ACCORD** · 29-04-2010, 09:30 PM

ما راح تستفيد بشكل كبير الا اذا غيرت الزيت بنفسك :d

اذا جبت الزيت والسيفون من عندك البنشري بيرفع سعر شغل يده

اللي فيه فرق كبير الكاسترول ماجناتيك تشتري كرتون وتغير عند البنشر

**ارص4180** · 30-04-2010, 01:22 AM

السلام عليكم أنا مجرب زيوت الجملة اصحاب البنشر يحسب علبة الزيت موبيل xhp ب ١٧ريال وسعر الكرتون ٢٢٥ ريال يعني يطلع عليك ب ١٠ ريال وهو يكسب ممكن ١٣٠ في الكرتون. يعني لتؤكل على الله وخدام جملة واقسمه انت وأي واحد من خويانك ودمتم

**increase** · 02-05-2010, 12:29 PM

اخوي اهم شيء انتيه للزوجة الزيت عندك

يعني انا عندي اكوورد ٢٠٠٦

الزيت لازم w15\40

اذا منيب واهم ان الرقم صح

وفرق السعر زي ما قالوا الاخوان ١٠ ريال في كل تغير

والتغيير ياخذ منك ١٠ ريال

**عاشق ترابها** · 30-05-2011, 08:26 AM

يا أخوان سعر السيفون حالياً وصل 30 ريال

وش رأيكم

**جاكي2** · 30-05-2011, 05:43 PM

المشاركة الأصلية كتبت بواسطة عاشق ترابها

يا أخوان سعر السيفون حالياً وصل 30 ريال

وش رأيكم

اليوم انا غيرت الزيت مع السيفون

شريت السيفون من الوكاله حق هوندا أكورد 2008 4 سلندر ( ب 20 ريالا )
وترا كان قبل كم شهر 17 ريال

**دنيآ الغرور** · 30-05-2011, 06:33 PM

انا عن نفسي اشتري كرتون سوبر جي تي فوكس

واحطه بالحوش .. طبعا سعره قبل اسبوع 260 ريال 24 لتر

وبالنسبة للفلتر كان سعره قبل شهرين 17 ريال والحين صار ب 20 من عبدالله هاشم

عند غيار الزيت اروح بنشري اعطيه 10 ريال يغير الزيت والفلتر وينفخ المكينة هوا

وبالنسبة للغيار انا ساكن بالقصيم واغيرلها كل 3500-4000 بالكثير ..

**alkasr777** · 30-05-2011, 09:40 PM

الحين في سيفون أمريكي وكاله هو راح يكون الرسمي مع الوقت

أنا حصلت الياباني بـ 20 ريال و الأمريكي بـ 17 ريال نفسه بالضبط

و الأغلب ان القطع خلاص خلال 4 شهور بتصير أكثرها أمريكيه و أرخص :d

**Gamer** · 30-05-2011, 10:47 PM

أعرف واحد سوا نفس حركتك وراح أكثر من بنشري رفضوا تغيير الزيت للزبون اللي جايب زيت من برا !!

طلعوا متفقين الزيود !

نصيحة غير الزيت من محلات بترومين أو عند عند ريد كاب أماكن محترمة وخدمة راقية بلا ابو قات بلا هم

**D.H.o.O.o.M** · 31-05-2011, 07:05 AM

المشاركة الأصلية كتبت بواسطة gamer

أعرف واحد سوا نفس حركتك وراح أكثر من بنشري رفضوا تغيير الزيت للزبون اللي جايب زيت من برا !!

طلعوا متفقين الزيود !

نصيحة غير الزيت من محلات بترومين أو عند عند ريد كاب أماكن محترمة وخدمة راقية بلا ابو قات بلا هم

بصراحه بترومين ماخذها اكثر من حقها واسعارهم غاليه مقارنه بخدمتهم

ولا فيه شي يذكر او يتميزون فيه

وفيه شي يخص الاكورد ويمكن الكثير ماتجاهله او ماجاء على باله

الا وهو الواشر (الصاموله) الي تتغير عند تغيير الزيت بالوكالة وقيمتها 2 ريال

وعند المراكز مثل بترومين او البناشر مايغيرونها ومع الوقت تتاثر الصرهـ !!!

دمتم بود