السلام عليكم

انا عندي سيارتي قاسية جدا على عواين القطط و الحفر وخصوصا المطبات الي تجي على تحت (أقصد فيها لما يجون شركة الاتصالات لو الكهرباء يحفرو الشارع عشان يحطون وايرات حق بيت جديد وبعدين يحطون ازفلت ومايكون متساوي مع الشارع)
اما على المطبات السيارة مافيها أي مشكلة ومثل السيارات الباقية .. يعني ارقى المطب وانزل والامور 100% بس مشكلتي على الحفر الصغيرة !!

طبعا انا كنت مركب يايات ايباخ على السيارة وكنت مفتكر ان القساوة من اليايات..
والان انا مركب يايات الوكالة ونفس القساوة على الحفر موجودة !!!! ماتغيرت ابداً

اما ممشى السيارة على الطريق اذا كان مستوي فهي 1000%
طبعا لما بدلت اليايات .... المساعدات كانت سليمة 100% وشيك على السيارة من تحت قال لي ان السيارة سلمية والحمد لله ..
وعلى فكرة السيارة مافيها أصوات طقطقة وانا لاف الدركسون ولا شي يعني العكوس سليمة
انا شاك من كفرات البردجستون gr-80 .. مع العلم ان ضغط الكفرات كان 35 ونزلته الى 30 وما فرق معي شي !!

بانتظار الاراء !! وشكرا