ساعدوني . سيارتي الجديده وبها مشاااكل ادخلووو يا ملاك الاكورد ( الهناادي )

**اكارداوي** · 06-02-2010, 07:53 PM

السلام عليكم

اخباركم

شباب والله محتاااجكم وابي المساعده قد ما تقدرون :
انا اشتريت اكورد 2007 v6 لون لولي ابيض فل فل فل ابشن ماشاء الله ماشي 40 الف كلم فقط لا غير

بس فيها كم مشكلة ابي لها حل وحاس اني ابي ابيعها عشان هالشغلات وهي :

1- الشبك الامامي فيه شرخ يعني لو تقرب يبين انه مكسور كم سعره . وهل فيه نوع مثل الاكورد 2008 الرزه ههه

2- القطعه الي جنب الدريشة الي لونها اسود على اليمين وانا فاتح الباب ضربت بالمسمار بالبيت وانطعجت
هل فيه مستعمل او جديد ( وهل فيه نيكل وحركات )

3 - الشمعات الضباب عليها غطاء خارجي متثبت بالمسامير واحس ان شكلها قديييم اثريم ( مسامير وش الدعوه )

4- الديكور الداخلي حق المسجل فيه منطقة الي جنب الي يشغل المكيف ( لونه راح وصار لونه اسود من الاستخدام
هل له حل ولا لازم اغير او اركب تخشيب جدد

( هل فيه محل يبيعها غير الوكاله وكم اسعرها )

ساعدوني يا شباب لا تبخلون علي الي تقدر عليه

شباب ابي اعرف هالمعلومه ( السير داخل المكينه يقولون مو جنزير يقولون مثل الخارجي بلاستيك صح ولا لا )

اخوكم خالد من الشرقية وعضو جديد على اكورررد والتطورات قاااادمه من تعديلات وزحف وهجولة

**Doabil** · 06-02-2010, 07:58 PM

الف مبروك و يعطيك خيرها و يكفيك شر الهجولة .......
اخوي احس انك مكبر السالفة ........ شوف لك تشليح نظيف و اشتر القطع ..... و ان شاء الله الأعضاء يفيدونك اكثر ...
و تقبل المرور و الشرطة:d

**accordyon** · 07-02-2010, 01:45 AM

1- الشبك الامامي فيه شرخ يعني لو تقرب يبين انه مكسور كم سعره . وهل فيه نوع مثل الاكورد 2008 الرزه ههه

الشبك يجي ثلاث قطع 1-النيكل الي فوق 2-القطعه الي تحت لونها مثل الكربون 3- حرف h

كل قطعه تنباع لحالها من فترة شريت قطعه النيكل مع الحرف بـ 400 وشوي
مدري زاد نقص

2- القطعه الي جنب الدريشة الي لونها اسود على اليمين وانا فاتح الباب ضربت بالمسمار بالبيت وانطعجت

هل فيه مستعمل او جديد ( وهل فيه نيكل وحركات )

ماعرفتها بالضبظ بس في محل قطع غيار كويس وله اعلان في الصفحه الرئسيه
الي هو النعماني اسعاره مناسبه بالنسبه لغيرهم مرهم واسأل عن كل شي تبيه

3 - الشمعات الضباب عليها غطاء خارجي متثبت بالمسامير واحس ان شكلها قديييم اثريم ( مسامير وش الدعوه )

اذا تقصد الدوائر واطارها اسود فهذه نفس الي جات من الوكالة لموديل 2007

اتمنى افدتك بالي قدرت عليه

**المـــــلكـ اكـــــورد** · 07-02-2010, 01:56 AM

اللاستكر اللي بين البابين هذا عبارة عن لاصق وموجود في الوكاله وسعرها تقريبا على مااذكر ب60 ريال واي سمكري يركبه لك

المسجل او ديكور المسجل يمديك ترشه عند محلات التخشيب بنفس لون الوكاله او باي لون تبيه

كشافات الوكاله تجي فيها فتحات في الغطا الاسود لوزن اضاءة الكشافات

والكشافات الاصليه غير متوفره لدى الوكيل عبدالله هاشم وقد تجدها في وكاله البحرين

بالنسبه لسير التايمنج نعم هو ربل وليس جنزير في السته سلندر ويحتاج تغير بعد 120 الف

بالتوفيق ..والله يعطيك خير سيارتك ويكفيك شرها

**King** · 07-02-2010, 02:20 AM

إذا تقصد قطعة حديديه مثبته بمسمار إلي حول الكشاف فهذه الكشافات التجارية ولا تعطي اي إنتشار مثل الأصلي

غير الأصلي لا تدور , اي إستفسار آخر إحنا حاضرين للحلوين

**اكارداوي** · 07-02-2010, 05:59 AM

والله ما قصرتم يالربع سوف يتم زيارة الوكالة وطلب القطع باي سعر كاااااااان
اشكركم واحد واحد

والي عنده المزيد يخبرنا

**FiReFiGhTeR** · 07-02-2010, 07:49 AM

من ناحية السير اللي داخل المكينه ( سير التايمن )

اذا سيارتك سته سليندر فهو بلاستك او المهم مو حديد وهذا يتغير اظن كل 60000 الف او 80000 الف روح اي مركز صيانه لهوندا واسألهم وترا مهم لا تتهاون فيه نصيحه اذ ما تبي مكينتك تخبط
اما الاربعه سليندر فهو من الحديد >>> وناسه :p