اشتريت اكورد واحترت .. الحل عندكم ؟؟

**اسيرالشوق** · 09-02-2010, 01:59 AM

السلام عليكم و رحمة الله وبركاته

اخواني انا اشتريت هوندا اكورد 2008

وعندي كم مشكلة يالت اهل الخبرة يفيدوني ..

الاولى غسلت المكينة وبعدهااا صارت احيانا السياره لما اغير نمر القير من البريك الى الريوس الى الفاضي الى الدي

تسمع طقه قويه بين كل نمرتين والبنزين مايدعس !!

فأضطر اني اطفي السيارة واشغلها وبعدها ماشاء الله تسلك لكن صورة المكينة تكون عندي

بالطبلون ( لمبة خفيفه برتقاليه ) ما ادري هذا لونها الاصلي ؟؟! بس انوقع انه لونها الاصلي

لاني اول ما اشغل السيارة تبان اللمبات التحذيرية وتكون المكينة بنفس اللون ودرجته ..

لان احيانا اقول يمكن ملتمسه لان اللون مره خفيييف يكاد لايرى نهارااا ..

انا اتوقع ان المشكلة من الحساس يمكن جاه ماء .. وش رايكم ؟؟

المشكلة الثانية .. عندي الحرارة ماشاء الله اول ما اشغل السيارة دقيقتين وترتفع للنص وبعدها ماشاء الله ماتتحرك

فما ادري هل ارتفاعها مبكر ؟ ام كل الاكوردات كذا ؟؟

وجزاكم الله الف الف الف خير ..

**متصفح** · 09-02-2010, 02:09 AM

الحرارة طبيعية لا تشيل هم ...بالعكس هذي اعتبرها ميزه للهوندا انها تسخن بسرعه

بخصوص لمبة المكينة شيك على البطارية واصابع البطارية اذا عليها املاح او شي نظفها واذا

استمرت المشكله فحص الكمبيوتر يحدد المشكله

ضمان الاكورد 100 الف او ثلاث سنوات يعني روح للوكالة في اقرب فرصه

**اسيرالشوق** · 10-02-2010, 02:13 AM

اهليييين اخوي متصفح واشكر تجاااوبك

الحمدلله طمنتني على الحراره

بس بالنسبة للقير وصورة المكينة الوضع كما هو نظفت البطاريه وشيكت عليهااا لكن مافي فاااايده تروووح وتجي

ماتتوقع يكون الحساس جاه ماء وانا اغسل السياره ؟؟

السياره اخذتهااا من دبي يعني ميب على ضمان الوكاله !!

**متصفح** · 10-02-2010, 04:03 AM

اذا الموضوع صار بعد غسيل السياره اكيد احد الحساسات تأثر بالغسيل

انتظر يوم او يومين اذا استمرت المشكله فحص الكمبيوتر يحدد المشكله بالضبط

تحياتي

**المباشر** · 10-02-2010, 04:32 AM

خلها كم يوم تنشف مضبوط الى الجمعة واذا ماتغير شي دخلها يوم السبت او الاحد بعد عمل موعد فحص كمبيوتر على حسابك بالوكالة ماراح يكلف كثير

**مرسال الهوندا** · 10-02-2010, 08:37 AM

لا تشيل هم اخوي ،

إن شاء الله ما فيه إلا الخير

بالنسبة للحرارة شيء طبيعي

وبالنسبة للمبة الطبلون ، افحص البطارية او خلي السيارة تنشف ،

حيث اني اغسل المكينة في سيارتي عدة مرات ولا تتأثر والحمد لله

**اسيرالشوق** · 10-02-2010, 03:08 PM

الله يجزاااااااااااااااااااااكم الف خير

بخليها للجمعة مثل ماقلتو وبفحص كمبيوتر واشوووووف

لاعدمتكم

الموضوع: اشتريت اكورد واحترت .. الحل عندكم ؟؟

أدوات الموضوع

عرض