السيارة قاسية جداً

[AliAhmed]

السلام عليكم

انا عندي سيارتي قاسية جدا على عواين القطط و الحفر وخصوصا المطبات الي تجي على تحت (أقصد فيها لما يجون شركة الاتصالات لو الكهرباء يحفرو الشارع عشان يحطون وايرات حق بيت جديد وبعدين يحطون ازفلت ومايكون متساوي مع الشارع)
اما على المطبات السيارة مافيها أي مشكلة ومثل السيارات الباقية .. يعني ارقى المطب وانزل والامور 100% بس مشكلتي على الحفر الصغيرة !!

طبعا انا كنت مركب يايات ايباخ على السيارة وكنت مفتكر ان القساوة من اليايات..
والان انا مركب يايات الوكالة ونفس القساوة على الحفر موجودة !!!! ماتغيرت ابداً

اما ممشى السيارة على الطريق اذا كان مستوي فهي 1000%
طبعا لما بدلت اليايات .... المساعدات كانت سليمة 100% وشيك على السيارة من تحت قال لي ان السيارة سلمية والحمد لله ..
وعلى فكرة السيارة مافيها أصوات طقطقة وانا لاف الدركسون ولا شي يعني العكوس سليمة
انا شاك من كفرات البردجستون gr-80 .. مع العلم ان ضغط الكفرات كان 35 ونزلته الى 30 وما فرق معي شي !!

بانتظار الاراء !! وشكرا

[abAdy.777]

وعليكم السلام
احتمال90%
من الكفرات
وكم واحد قال بس غيرتهم حسيت
الفرق اول امس فؤاد(فتى زهران )


وانا هم كفرات الوكاله ميشلان
قااسي وبقوه

[B Useful]

جرب تغير ( جلد كرسي المساعد ) وشوف النتائج //

[AliAhmed]

أخوي عبادي :
ننتظر أراء الي مركبين نفس الكفر الي عندي .. ونشوف وش يقولون ..

على العموم شكراً


أخوي مصعب :
جلد كرسي المساعد هذي وين تصير ؟؟ وبكم سعرها ؟؟ :dوكم تكلف شغل يد؟ (اهم سؤال :d) وهل تحتاج فك المساعد كامل ؟

[بلال العلمي]

النوعية هذه من الكفرات قاسية بريدجستون قاسي جدا ولكن رياضي ومتماسك

[D.H.o.O.o.M]

نفس المشكلة عندي

وبصراحه مسببت لي قلق

دمت بود

[AliAhmed]

طيب أخوي بلال
.. كيف أتأكد ان المشكلة من الكفرات ؟؟ وليست من الجلود مثل ماقال أخوي مصعب ؟؟؟

أخوي دحوم ..
وش نوع كفرات موترك؟

[بلال العلمي]

طيب أخوي بلال

.. كيف أتأكد ان المشكلة من الكفرات ؟؟ وليست من الجلود مثل ماقال أخوي مصعب ؟؟؟

أخوي دحوم ..
وش نوع كفرات موترك؟

سيارتك باقي جديدة والجلد فيها ما انتهى عمرها الافتراضي انت فقط جرب اطارات ثانية من سيارة احد الاشخاص وجرب وشوف وانا من باب تجربة البريدجستون قاسي ويعطيك نفس الانطباع اللي عندك قساوة على عيون القط والحفر الصغيرة

[D.H.o.O.o.M]

ميشلان (( غير حق الوكالة ))

لن وقت ماغيرته ماكان عندي خلفيه او درايه عن انواع الكفرات وسالت راعي المحل الي غيرت عندهـ عن افضل نوع قالي ميشلان وسماه لي بس مو متذكر اسمه بصراحه وياليتني ماغيرته وتوها الكفرات جديده بس الميزه الي تذكر انه مايتمسح وثباااات الي ابي اعرفه هل المشكله من نوع الكفرات الي مركبها ولا مشكله ثانيه لن اصوات مو طبيعيه احس السيارة بتفككـ خاصه الديكور

بانتظار ردودكم يا الغاليين

تحياتي لكم

[accordyon]

انت مركب كفرات برجيستون تورنزا؟؟
اذا هي انا مركب زيهم صحيح فيهم خشونه شوي بس ماتوصل لدرجه وصفك
يعني فرق كبير بينهم وبين الميشلان حق الوكاله
على كلامك كأنك توصف خشونه الميشلان
شوف تاكد من كراسي المساعد مثل ماقال اخونا B Useful

[جسوم البحراني]

مادري بس يمكن افيدك
1) إذا جلد كرسي المساعد خربان ارتفاع السيارة من الامام بيكون أقل :p
2) أرتفاع الكفر اذا مغير ( مصغر ) يسبب نفس المشكلة ;)

[سياحي]

هذي من الكفر قاسي والهواء 30 فيه كنك معبية 60 عندي نفس النظام لا مريت على عيون القطط تقول تبي تفكفك السيارة

بس نزل الهواء الى 20 وجرب شوف كيف الراحة .

انا الان منسم الكفر الى 20 وماشي معي بس لا بغيت اسافر اعبيه حسب الخط والسفر ولا رجعت انزل الهواء .


على فكرة ترى يثر على السيارة قساوه الكفر وخاصة لا صار الهواء فيه كثير انا عندي فكفك الصدام كل ما اطالع فيه احصله
طالعة زوائدة اللي في اليمين واليسار وارجعها بيدي :p

[HONDA HAILL]

جرب تغير ( جلد كرسي المساعد ) وشوف النتائج //

انا غيرت جلد المساعدات بس اللي فوق المساعد ( اذا كان فيه جلد تحت ما ادري ) ما فيه فائده السياره الى الحين تنطط >>>>>> يعني قاسيه

غيرت المساعدات برضووو الى الحين تنطط >> لاكن افضل من اول

غيرت جلد المقصات برضوو كملوها تنطط >> لاكن افضل من اول
اخذت كفرات من الشباب ارتفاع 60و 55 (يوكوهاما وتويو وفالكين ) كلها مثل بعض الا يوكوهاما افضلهن بس تستمر المشكله ..
اخر حل توصلت اليه ان السبب يرجع الى المراتب لكي تريح نفسك وخلي السياره تنطط على كيفه

* ملاحضه / فيه ميكانيكي سعودي تكلمت معه بالموضوع هذا قالي اذا تبي تعرف المشكله هل هي من الجلد ولا لا رشــ اسفل السياره بديزل وروح اقرب شارع متحفر اذا صارت اريح من اول فمعناته المشكله تتعلق بالجلد وبعدها غسل السياره >>>> بس ياشباب اتم تعرفون اضرار الديزل على الهوز والأسلاك بس انا بجربها بس بعد الأمتحانات

[الـمـسـافـر]

كفرات برجستون تورنزا gr-80 يسمونها الكفر الصامت

يعني هدوء وليونه اكثر من غيره

اختماليه يكون من الكفر قليله

[FiReFiGhTeR]

السلام عليكم و رحمة الله وبركاته
اخوي اذا انت مو راعي سرعه او تسدح الطبلون ادخل الرابط وبتدعيلي
واذا نويت تشتري لا تشتري من عند ابو يمن خذ من المركز الرئيسي
وترى في عروض الحين الحق

وهذا الرابط
http://www.hondaarabia.com/club/showthread.php?t=28378

[AliAhmed]

انت مركب كفرات برجيستون تورنزا؟؟
اذا هي انا مركب زيهم صحيح فيهم خشونه شوي بس ماتوصل لدرجه وصفك
يعني فرق كبير بينهم وبين الميشلان حق الوكاله
على كلامك كأنك توصف خشونه الميشلان
شوف تاكد من كراسي المساعد مثل ماقال اخونا B Useful

يعني الميشلان أقسى من البردجستون !! انا قبل ما أركب يايات ايباخ كنت أستخدم ميشلان ..وكان عندي أنعم من البردسجتون

مادري بس يمكن افيدك
1) إذا جلد كرسي المساعد خربان ارتفاع السيارة من الامام بيكون أقل :p
2) أرتفاع الكفر اذا مغير ( مصغر ) يسبب نفس المشكلة ;)

خخخ اخوي انا سيارتي كانت منزلة بيايات ايباخ .. فالسيارة صايرة الان كأنها هايلكس :d متعود عليها وهي في الارض .. وارتفاع الكفر عندي 16-55-215 والكل يمدح هذا المقاس

هذي من الكفر قاسي والهواء 30 فيه كنك معبية 60 عندي نفس النظام لا مريت على عيون القطط تقول تبي تفكفك السيارة

بس نزل الهواء الى 20 وجرب شوف كيف الراحة .

انا الان منسم الكفر الى 20 وماشي معي بس لا بغيت اسافر اعبيه حسب الخط والسفر ولا رجعت انزل الهواء .


على فكرة ترى يثر على السيارة قساوه الكفر وخاصة لا صار الهواء فيه كثير انا عندي فكفك الصدام كل ما اطالع فيه احصله
طالعة زوائدة اللي في اليمين واليسار وارجعها بيدي :p

نزلت ضغط الكفرات الى 25 وصار أخف بس بشكل قليل .. ولاكن السيارة في الطريق تغيرت .. صارت ثقيلة والدركسون ثقيل ..

انا غيرت جلد المساعدات بس اللي فوق المساعد ( اذا كان فيه جلد تحت ما ادري ) ما فيه فائده السياره الى الحين تنطط >>>>>> يعني قاسيه

غيرت المساعدات برضووو الى الحين تنطط >> لاكن افضل من اول

غيرت جلد المقصات برضوو كملوها تنطط >> لاكن افضل من اول
اخذت كفرات من الشباب ارتفاع 60و 55 (يوكوهاما وتويو وفالكين ) كلها مثل بعض الا يوكوهاما افضلهن بس تستمر المشكله ..
اخر حل توصلت اليه ان السبب يرجع الى المراتب لكي تريح نفسك وخلي السياره تنطط على كيفه

* ملاحضه / فيه ميكانيكي سعودي تكلمت معه بالموضوع هذا قالي اذا تبي تعرف المشكله هل هي من الجلد ولا لا رشــ اسفل السياره بديزل وروح اقرب شارع متحفر اذا صارت اريح من اول فمعناته المشكله تتعلق بالجلد وبعدها غسل السياره >>>> بس ياشباب اتم تعرفون اضرار الديزل على الهوز والأسلاك بس انا بجربها بس بعد الأمتحانات

الله يعينك أخوي شكلك خسرت مبالغ على هالشي .. بس ياريت تخبرني كم كلفوك الجلود .. وجلدة المساعد هذي وين تصير بالظبط ؟
أما المشكلة من المراتب .. انا استبعدها لاني ركبت اكثر من سيارة اكورد وماكان فيها المشكلة الي في سيارتي
أما سالفة غسيل السيارة من تحت .. فـ أنا ما غسلت السيارة من تحت الا مرة وحدة وقبل سنة تقريبا !! يعني قبل الامطار هل عدم غسيل السيارة يخليها قاسية !!

كفرات برجستون تورنزا gr-80 يسمونها الكفر الصامت

يعني هدوء وليونه اكثر من غيره

اختماليه يكون من الكفر قليله

وان شاء الله ماتكون من الكفرات لان بصراحة الكفرات لسا جديدة و عاجبتني في الهدوء ومالي نية أغيرها اذا المشكلة طلعت من شي آخر

السلام عليكم و رحمة الله وبركاته
اخوي اذا انت مو راعي سرعه او تسدح الطبلون ادخل الرابط وبتدعيلي
واذا نويت تشتري لا تشتري من عند ابو يمن خذ من المركز الرئيسي
وترى في عروض الحين الحق

وهذا الرابط
http://www.hondaarabia.com/club/showthread.php?t=28378

أخوي كفراتي لسا جديدة ومالي نية أغيرها بتاتا البتة .. حتى لو طلعت المشكلة منها ... بكرفها بعدين ببدلها :pالكفر الواحد بـ 520 ريال :p

[HONDA HAILL]

ياطويل العمر الجلد سعرها مو متذكر بس من 80 ــ 100 بالوكاله طبعاً لكل المساعدات


صراحه هالمشكله هذي مسببه لي وسوسه .. كاني راكب هلي مو اكــوورد:p

[iMac]

أنا على موتري كفرات ميشلان حقات الوكاله جنط 17
اللي يبيهم ياخذهم الله لايبارك فيهم ولا باللي صنعهم
وربي إنه رجو الديكور رررررررررج .. مافيه حل غيرهم ؟؟

[accordyon]

يعني الميشلان أقسى من البردجستون !! انا قبل ما أركب يايات ايباخ كنت أستخدم ميشلان ..وكان عندي أنعم من البردسجتون

عندي العكس تماماَ فرق كبير بين الميشلان حق الوكالة الفرنسي طبعاَ وبين البرجيستون

أخوي كفراتي لسا جديدة ومالي نية أغيرها بتاتا البتة .. حتى لو طلعت المشكلة منها ... بكرفها بعدين ببدلها :pالكفر الواحد بـ 520 ريال :p

اهااااا
اذا ماخاب ظني انت مركب بوتنزا مب تورنزا؟؟
لأني الي سمعته ان البوتنزا رياضي احتمال يكون قاسي شوي
مابفتي من راسي شوف الي مركبينها يفيدونك اكثر
لأن الي مركبهم انا التورنزا جداً ناعم ومريح مقارنه بالميشلان

[المباشر]

وعليكم السلام ورحمة الله وبركاته

حي الله السمي

اذا ماعليك امر ممكن تمر أي محل تواير وقوله أبي أكشف على التواير بس بطريقتك وهي

خله يركب التاير في مكينه الترصيص ويمشيه بس بسرعه خفيفه وانت وش تسوي

خلك عند التاير وشيك عليه هل فيه تعرجات يعني الدعسة تشوفها جهه فوق وجهه تحت

المهم تابع الكفر واذا عليك قوة ملاحظة راح تفهم كلامي

واذا الدعسة طلعت تمام في التواير الأربعة أنسى موضوع التواير وأبدأ بالجلد وجلد كرسي المساعدات مثل ماقال كن مفيدآ

[أبو نايف أكورد 2007]

تويو وبس

[HONDA HAILL]

تم حل المشكله اللي سببت قلق ووجع راسي استمر سنه وزياده :d

وزي ما قال كوكو كورد تم تغيير جلد كرسي المساعد وعادة السياره وكاله ..

شكراًً مـــصعب

[AliAhmed]

مبروووك أخوي هوندا حايل وعقبال عندي :d

بس لو تخبرني كم سعرها ؟ وكم تكلف شغل يد ؟؟ ووين موقعها بالظبط من الاعراب في السيارة

[HONDA HAILL]

مبروووك أخوي هوندا حايل وعقبال عندي :d

بس لو تخبرني كم سعرها ؟ وكم تكلف شغل يد ؟؟ ووين موقعها بالظبط من الاعراب في السيارة

سعرها ما يتعدى 60 او 70 لان قلت لاخوي يجيبها من الوكاله :d

شغل يد تقريباً من 100 ــ 150 يمين ويسار كلهم

اما مكانه اسفل شي بالمساعد