مشكلة خطيرة وغريبة في نظام الحماية لهوندا أكورد

**HONDA_ 2008** · 13-02-2010, 08:33 PM

السلام عليكم ورحمة الله وبركاته

عندي مشكلة غريبة وياليت تقولون لي رأيكم فيها أنا سيارتي أكورد 2008 رجعت البيت الساعة 12 بالليل وطلعت

الساعة 4 تفاجات أن زجاج السيارة الأمامية والخلفية مفتوح وحتى فتحة السيارة اليدوية ( السحاب ) والكهربائية

طبعا أتصلت على الشرطة وأخذوا البصمات وأستغربوا من الموضوع أنا متأكد أني مافتحت قزاز السيارة نهائيا

وكان معي خوي شاهد على الموضوع والمفاتيح كلها معي بالغرفة ومتاكد مليون بالمية أن مافيه أحد قص على

المفاتيح والغريب في الموضوع أن السيارة لم يتم العبث بها ولم يسرق فيها شي وكأن شي لم يكن ياليت تساعدوني

لأن راسي تعب من التفكير بالقصة وأحسها زي الحلم لأني حطيت أحتمالات كثير من ضمنها مشكلة في كهرباء السيارة

لكن أنه يتم فتح السحاب اليدوي حق الفتحة مع العلم إني متاكد ماسحبته والسيارة طافية كانت هذا خلاني أستبعد فرضية

مشكلة الكهرباء في السيارة , عجزت أحلل الموضوع أرجو أخواني مساعدتي و أسف للإطالة

**|_SPEED UP _|** · 13-02-2010, 08:39 PM

يمكن انت ضغط على زر الفتح وانت بالبيت مرتين وانت مانت داري وفتحت معاك ولا انت موسوس وناسيها مفتوح ولا واحد بيسوي مقلب عليك

**اكوِرد** · 13-02-2010, 08:46 PM

ياغالي يمديك بالريموت تفتحت زجاج السيارة والفتحه ايضاَ وممكن ضغطت على زر الريموت وانت في البيت وفتحت معك الفتحه والزجاج ,,,

**HONDA_ 2008** · 13-02-2010, 08:54 PM

شكرا أخواني على سرعة الرد بس فعلا شي محير هل من الممكن يتحكم بفتح السيارة عن بعد عن طريق أختراق ؟؟؟؟؟؟؟؟؟؟

لأني متاكد ماضغطت بالمفتاح شي إلا وتحتها ألف خط أنضغط بجيبي وصراحة أول مرة أعرف أن الزجاج والفتحة ينفتح بالريموت

**ماهر الوافي** · 13-02-2010, 09:47 PM

ايه ممكن تنفتح الابواب والزجاج كاملة مع فتحة السقف بعد يعني تعبت الحكومة عالفاضي

**احبك يالاكورد** · 13-02-2010, 09:47 PM

يا اخوي يمديك تفتح الدرايش<< الزجاج
وكذلك الفتحة من الريموت بالضغط على زر فتح الاقفال مرتين ورا بعض وتعلق عليهم
يمكن احد من الاهل ضغطه بالغلط وانت ما تدري او انت بدون ما تدري

**اكوردياني** · 13-02-2010, 10:21 PM

عاد تخيل تطلع المشكلة انك فاتحه الدرايش بالغلط من الريمووت :d
وانت مسوي زحمة و وداق عالشرطة وبصمات وكلام كبير...

**متكرود** · 13-02-2010, 10:21 PM

:d
ايوا الزجاج الامامي والخلفي والفتحه ينفتحوا بالريموت واحتمال ضغطت عليه وانت ماتدري حتى السحاب اليدوي ينفتح مع الفتحه.

**abdelslam** · 13-02-2010, 10:23 PM

غريبه مشكلتك أخوي لكن السياره يجي معها 3 مفاتيح

1- مفتاح الريموت 2- مفتاح الأسود 3- المفتاح الخادم الي لونه رصاصي

يمكن أحد أخوانك ولا الوالد سو فيك هالمقلب :d ..

**HONDA_ 2008** · 14-02-2010, 12:43 AM