اقول المفروض الحد الائتماني عند 140 كحد اقصى مو 220 :p
سلام يا أخوان
عندي هوندا أكورد 2004 ستة سلندر
موتوا قهر يا أهل الأربع
:p
أكيد تعرفون إن سرعة الأكورد محدده إلكترونياً على 220 كلم/ساعة ويمكن أقل بعد. فهل فيه طريقه تخليني أرفع حد السرعه أو ألغي التحديد اللي مسويته الشركة ؟؟؟
أنا سمعت إن فيه قطعه إلكترونيه للغرض هذا بس ما أدري وش إسمها أو طريقة عملها وهل هي مضره بمكينة السياره أو لا. فإذا فيه أحد ممكن يفيدنا أتمنى إنه ما يبخل
والله العظيم أنقهر يوم تطوفني الألتيما على الخط مع إن الأكورد الستة سلندر عندها مجال توصل ال 240 كلم/ساعة بالراحه وعداد دورات المحرك ما وصل 5 . بس المشكله في الثور اللي حدد السرعه. على باله إنه حل مشكلة وإن السيارة في أمان بال 20 كيلو اللي منقصها
في الأخير ودي أعرف ليش حاطين مكينه قوتها 240 حصان وطبلون 240 كلم/ساعة
زينه يعني
خلونا نحسبها بالعباطه :
:d
لو كل حصان مشى بسرعة كيلو واحد بس هل بيضره شي
ما أعتقد !!!
;)
اقول المفروض الحد الائتماني عند 140 كحد اقصى مو 220 :p
وانا زيك والله وي ادري كيف
بس فيه طريقة تفصل الطبلون كامل يعني ما يتحرك امبير السرعة
أقول اعقلوا وخلوكم من السرعة .. والله من واحد واحد من خوياي وربعي .. راحوا الله يرحمهم ..
كله بسبب السرعة
اقول شكلك ما فتحت سيارك من اول ما شريتها يعني ما محطت طبلوناه اول ما شريتها لان واحد اعرفه اول ما طلعها من الوكاله مشا عليها 225
اكثر شي 220 وتفصل بس لازم فيه حل احيانا الواحد يحتاج 240
شباب الأكورد 4سلندر إذا كانت تمشي 220 الضغط يكون على الأربعه ونص..
يعني باقي بالضغط خمسه ونص وسته ونص ويييين راحت...
واحد من زملائي معاه كامري 2004 إذا مشى170 الضغط على4 والله من الفشل...
على فكرة أنا أتكلم مو من معادلات أو أي خرابيط هذي من سيارتي وعندي ثلاث مقاطع وأنا ماشي 200 الضغط ماوصل 4..
أعتقد أن ما في حل
<<<<<< حطمهم
;)
بس ما أعتقد ان الاكورد تطوف الالتيما في الخط
أنا مره كان معي ألتيما ومشيت 240 وشوي تقريبا
بس فعلا الغريب ان الاكورد 4 سلندر تمشي 200 بالراحه والضغط عادي
والله الهوندا سيــارة روعه
تحسوا أن كلامي متناقد شوي صح؟
التعديل الأخير تم بواسطة MeMoOoO ; 25-03-2007 الساعة 04:37 PM
وين خبراء المنتدى ؟؟؟
المفروض إن القسم هذا يهتم بتعديل السيارات
ولا أنا غلطاااااان
وشكراً لمروركم وتفاعلكم مع الموضوع الذي يمس كرامة الأكورد في الشارع السعودي
وبالنسبة للأخ اللي يقول شكلك ما محطت السيارة من أول ما خذيتها :
أحب أقولك بس إني أحب سيارتي حب عنيف لدرجة إنها ما شافت الدلع الا مع ال 1000 كيلو الأولى واللي ما اخذت معي إلا 3 أيام تقريباً وبعدها ما فيه يمّه ارحميني وشمعة الأكورد ما تشوف الخط إلا بسرعة 200 وطالع وحدّها العادة إذا ما فيه هواء مقابلني على ال 218 تقريباً
أنا كل نهاية أسبوع ما بين سفر وترحال (واسألوا خط جدة - ينبع وأمن الطرق عنّي :d ) ولله الحمد مع الصيانة الدورية سيارتي ماشيه 140 ألف كيلو وللحين ما فيها مشكله أو قربعه تذكر
الله يطول في عمرها ويخليها لي
عز الله إنها سيارة
واللي عنده غير الكلام هذا يقابلني
ولا تصرفون الموضوع
مازال الإنتظار جاري ...
احسبها جوال مو سيارة انت تقصد السرعة القصوى
هاذي طول الله عمرك البرمجة لازم تروح اي واحد فنان برمجة ويبرمجها لك ماتفصل على 220 لكن احب اقولك سيارتك حدها حدها بالكثير 240 وبالموت توصلها وعلى فكرة اضن الستة سلندر تقفل على 235 مو على 220 شدعوة كامري الله يهديك << حطمه
ادري بتقول اسئلي لكن ولا يهمك ابسئلك واردلك خبر
مازال الإنتظار جاري ...
.
.
.
احسبها جوال مو سيارة انت تقصد السرعة القصوى
هاذي طول الله عمرك البرمجة لازم تروح اي واحد فنان برمجة ويبرمجها لك ماتفصل على 220 >>>>>دلني على واحد يبرمج وانا مستعد ادفعله اللي يبي (بس حده 1000 ريال);) .
اللي مستغرب منه حقين V6 ما يعرفون حل >>>>وش الفايدة اجل مثلي مثلكم 220 بس :p .
yo there u r looking for sulotion for ur speed limiter there is somthing called hondata u http://www.nolimitmotorsport.com/hondata/
can use it to control ur vtec and,RPM and speed limite check it out at this link
foxgearshift
Many thanks bro
.
.
.
صحيح أنا سمعت أيضاً أنك تستطيع إلغاء هذا الحد وأيضاً الحد الموجود بالسيفيك، ويبدو أن الأمر بسيط وتستطيع الوكالة عمله لكنهم لا يسمح لهم بذلك.
ربما لو ذهبت لإحدى الورش الكبيرة يتمكنوا من عمل ذلك.
إن أردت أبحث لك في الأمر أكثر عن طريق قريب لي مهندس ميكانيك
طيب إسأل ورد علي يا سعادة المدير
قبل ما أتحمس وأشتري القطعه اللي وصى عليه أخونا foxgearshift
:d
ومشكوووووور مقدماً
.
.
.
سعادة / B Unique المحترم
نفيدكم بان احد من اقاربنا توجد لدية هوندا ستت سلندرات <<ماعرف ينطقها
وبينما هو ذاهب إلى المنطقة الشرقية اخذ الموتر بالتوقف على حركة الإمبير على 210 فقط
لكن الضغط وصل إلى 4 وشويات <<<اخلص بس
وقام بالمقاومه مع سيارة آخرى من نوع كامري 2005 بون بيج وقام بتنتيفه على الخط
وتفضلوا بقبول وافر التحية ،،،
صورة لإدارة المنتدى
صورة للأعضاء المحترمين
صورة لصاحب الموضوع الوقر
صورة للضيوف مع الشرف
الكامري تصفط ال 230 مثل السلام عليكم :p
واحنا 220 وتفصل ليييييش
<<<< واحد واثق من نفسه جب لي سيارك وانا امشيها لك 230
السرعه شينه بس الأكورد تهيض بصراحه ماسك خط وسياره راسيه وش الفايده من البطء مافرقت الزبدهـ لازم نلقا حل...
أنا تبت من السرعه .....يازين السرعه 120 كلم تحس انك ملك بالاكورد...واثق و تتمتع بالقياده ..
و تطالع يمين و يسار و تشوف الحوادث و انته ماشي مشية الاسد 120 كلم ....
الله يكفينا شر السرعه..
يكفى!!!
مجحوز وناوينها نية
إذا ما عندكم خبر .. ترى الكامري تمشي 240 بس سرعتها الفعليه 218 بالكثير وفي أحسن الأحوال بعد (يعني على نزله)
:d
والله من الرخص
:p
ويا دكتور هوندا
تعجبني والله .. شكلك كوووووووووووووووووووووووووووووووووول
بس للأسف ما أقدر أسوي زيك !
:d
.
.
.
سلام شباب فيه حل بس ما ادري عن صحته قالي عنه كهربائي انه يغير الكمبيوتر بي مديل قديم مثل 2002 بس ما اعتقد انه يركب بس يقول يسويه ويخليها تمشي الى تحدد والي يبيه يقولي نروحله سوا هو في الرياض بس الصراحه هو كهربائي خطير
مواقع النشر (المفضلة)