لعيون أكورد فور إيفر..الشاشات أنواعها وأسعارها

**JUVENTUS** · 25-03-2007, 11:35 AM

بسم الله الرحمن الرحيم
قريت موضوع المملوح أكورد فور إيفر الصبح وبما إني زابن من المدرسة اليوم قررت أروح مدينة الغرابي الوحشيه {إللي يدخل لازم ينحك فيها}.!.!.!.
تنضيم بااااايخ وكله عماااااله كله كذب وحتيال كله صرقه عينك عينك.!..!.
بالعربي مدينه أخرى!!

الزبده....

الشاشات أنواع لاتعد ولاتحصا{زي مشجعي اليوفي والهلال}:p
أفضلها يتعدى السته آلاف ريال بس شف المواصفات تقطر السعابيل:p
وأسؤها ب500ريال بس يمكن ماتشتغل بعد المره الأولى:p

وبما إن أكورد فور إيفر يسأل عن اللمس جبت بعض المعلومات عنها;)

الأنواع كثيييير لاكن جبت إللي خش مزاجي

1-رود ماستر 1900 ريال مع كاميرا خلفيه يشغل جميع أنواع الأنضمه الصوتيه وفيه إن ماخانتني الذاكره فتحت يو إس بي وعليها ضمــان سنه واحده طبعا الكميرا ماعليها ضمان لأنها ياخلفهم تجاريه وسعرها 100ريال...يعني الشاشه بلحالها1800ريال بعد الخصم والطقاق وال.....
وهذي أرخص أنواعها وتمشي الحال يعني حلوهـ

2-أوبرا نفس المواصفات لاكن بدون كميرا خلفيه وبدون فتحت يو إس بي ضمانها سنه واحدهـ...وسعرا2200ريال

3- جي في سي إختلف أبو يمن في المحل إنها لمس أو لا وبغت تسير هوشه بين صاحبي المحلان والسبه أخوكم يوفنتس...
السالفه يا كويسين إن أخوكم خالد دخل المحل وقال في شاشة جي في سي لمس قال موجوده وسعرها 2700 ريال قلت غريبه أصليه ورخيصه الرجال ماعنده رد حسيت إنه نصااااب طلع ورح المحل إللي جمبه وسألته عن اللمس جي في سي وقال ماتجي أبدأبد الأبدات قلتله جارك يقول عندهـ قال وبكم قلتله2700 ماصدقني يقول إستحاله هذي مو لمس هذي عاديه طلعنا ورحنا لجاره وتأكد بنفسه وقعدو يسولفون سوا ماندري مع مين الحق وتكبر السالفه ويطلع خالد من المحل ويسحب على أم مرسولهم...
يعني فيه جي في سي لمس أولا الله أعلم سئلت كم محل قالو ماندري...

4-نيك فوكس شاشه رائعه بما تحمله الكلمه أفضلها مواصفات تحمل جميع المواصفات وزياده على ذلك فيها شاشة ملاحه{إنفقيشن}لكن تحتاج البرنامج من النت أو عن طريق محلات الإتصالات الموجوده في المرسلات وإللي يبي الوصف أنا حاضر وسعرها 3000آلاف ريال مع كاميرا خلفيه أصليه وعليهم ضمااان سنه كامله من الوكيل حقها مدري منهو...
الزبه إنها أوكيه

5- كنود أفضل شركه تنتج هذه الشاشات وسعرها بدون كاميرا 4000ريال ومع الكاميرا4800ريال بعد الهواااااش والملاقط4700ريال لكن أصليه 100%

أتمنى إني أفدتكم
وإذا فيه أي سؤال أو إستفسار أنا جاهز المحلات معي كروتها وأسعارها للي جااااازم
وإذغ تبون صور ماعندي مشكله أروح أصورها لعيونكم

**الاخطبوط** · 25-03-2007, 01:20 PM

لو قايلين لك المدرسة روح سوي بحث ماسويت بس للغرابي قداااام :d

1-رود ماستر 1900 ريال مع كاميرا خلفيه يشغل جميع أنواع الأنضمه الصوتيه وفيه إن ماخانتني الذاكره فتحت يو إس بي وعليها ضمــان سنه واحده طبعا الكميرا ماعليها ضمان لأنها ياخلفهم تجاريه وسعرها 100ريال...يعني الشاشه بلحالها1800ريال بعد الخصم والطقاق وال.....
وهذي أرخص أنواعها وتمشي الحال يعني حلوهـ

بالله اسم هذا المحل او وصفه او مكانه او عنوانه او رقم تلفونه

ابي اشوف هالشاشة بس انت متأكد فيه فتحة USB

ويعطيك الف عافيه على هالمعلومات والتعب اللي تعبته

**Mohad** · 25-03-2007, 01:21 PM

مع اني منيب المملوح اكورد فور ايفر :d

لكن موضوع يستحق الشكر والتقدير

خصوصا انك زابن من المدرسة

**B Unique** · 25-03-2007, 06:10 PM

معليش يا يوفينتوس .. كلهم فاهمينك غلط
ما يدرون إنك دافووووووووور دراسه ومنت محتاج تداوم أصلاً

:d :d :d

والله من الشطاره

بس عندي لك سعال واحد ..
أنت ما قصرت أنحشت من المدرسه ورحت وسعلت عن المواصفات والأسعار

وش اللي يركب منها على الأكورد 2003 - 2007 ؟

**JUVENTUS** · 25-03-2007, 11:33 PM

مشكورين على المرور إللي نور الموضوع...

الأخطبوط الله يوفقك وإنشاء الله تعجبك أما إسم المحل الركن الذهبي...
ورقمه4012422-01
ونصيحه إذا بتروح رح المحل المقابل له إسمه القصر الذهبي وشف شاشة النيك فوكس...
وبعدها توكل على الله

كل الموديلات تركب عليها مكان الدرج إللي قدام القير...
وشعار أرامكو شله لأنه قلب المواجع وينككككككككك يانكودي الله يردك بالسلامه

**ACCORD FOR EVER** · 26-03-2007, 12:25 AM

مشكور يا اصيل والله يطرحلك البركة وينجحك بالامتحانات,وشكرا على تواصل الجميع

**B Unique** · 26-03-2007, 12:48 AM

حقوق تلزيق الشعار محفوظة

إنسى موضوع شيلته .. توني كاشخ فيه اليوم

ومكان الشاشة محل القير ما ينفع بريال بالذات لأصحاب الأكورد ال 2003 - 2005 الأوتوماتيك لان القير كبير زياده عن اللزوم ويغطي على الدرج خل تحط شاشة بعد

:p

ما فيه أي حل للشاشة فوق الطبلون عشان نظام الملاحه والخط يضبط مع الأفلام ؟

بعدين وش سالفة نكودي اللي أذيتونا فيه ؟!

خليتوه كليب أخو الزير سالم

لا تزعلون وتشنون علي حرب .. شكله عزيز عليكم

ولا ودي أغلط على الرجال بس من جد وش السالفة

**JUVENTUS** · 26-03-2007, 01:36 AM

أكورد فور إيفر تسلم على المرور وأتمنى إنك إستفدت معنا..

موضف أرامكو...
تقول وش السالفه\ أقول خلها على ربك يبيلك درس خصوصي عن ن ك د ....

بإختصار لو نفتح منتدى محبي ن ك د كان إمتلأمواضيع وزوار
شعله من النشاط , الفكاهه,الإجتماعيه .يشجع اليوفي بالعربي ينحط على الجح يبرا..

**The Stig** · 26-03-2007, 09:14 AM

تسلم يالغالي وما قصرت

**Accord 4 EvEr** · 26-03-2007, 11:49 AM

السلام عليكم

======>> أول ماقريت الموضوع فهيت لعدد قليل من الدقائق اقول متى وكيف وليش ولماذا وكلا ولان ولعل

الزبده طلع الموضوع تشابه اسماء (وجه فاغر)

المهم ,,

الله يعطيك العافيه جوفنتساوي

والشاشه افضل مكان لها انك تشتري القطعه الرماديه اللي فوق المكيف على الطبلون وترهمها
وتركب فيها الشاشه

فووتكوو بعافيه

**B Unique** · 26-03-2007, 11:59 AM

جابك الله يا فور إيفر !!!

تعال حبيب ألبي ..

وش القطعه الرمادية اللي تقول ؟ وكم هي به ؟ وإذا أمكن عطنا صوره لها ..

وشكراً

**accord 06** · 26-03-2007, 12:42 PM

8
8

اتوقع يقصد هذي

و يعطيك العافيه يا JUVENTUS

**ل د ق** · 26-03-2007, 02:14 PM

مشكور جوفنتوس على القصة الرائعة

**JUVENTUS** · 26-03-2007, 02:52 PM

تسلمولي على المرور ...
بس تخيل مجرد تخيل بكسر الطبلون عشان شاشه والله إللي أبطت بعد....

**ياسر الشمراني** · 26-03-2007, 04:16 PM

يعطيك 10000 عافية

ماقصرت

**B Unique** · 26-03-2007, 06:40 PM

Accord 2006

يسلم راسك حبيبي .. ما قصرت !

بس هذي مو قطعه !!!

هذا خرم أم الطبلون وحشر المسجل وسطه وسد الفتحات بخلطة إسمنت

إذا ما فيه غير ذا الطريقه

خلاص بطلنا .. ما عاد نبي شاشه :p

بعدين الطبلون شكله حلو وهو فاضي
:d

**accord 06** · 26-03-2007, 08:41 PM

شباب Accord 4 EvEr ما قال لكم عدلوا على الاصليه

قال اشتروا نفس القطعه و عدلوا عليها جديده او من التشليح

8
8

هذا الكلام كله اذا الفكره عاجبتكم اصلا :d

**و ى ل السعوديه 8 5 5** · 27-03-2007, 12:51 AM

يسلموووووووو شباب...

ومشكورييييييين...

**Accord 4 EvEr** · 27-03-2007, 09:38 AM

صحححححححح عليك ياصديقي اكورد 06

ياجماعه انا اقول قطعه تشتريها من التشليح وتعدلها وتبقى الاصليه زي ماهي عندك

وبعدين وش تبي بالشاشه تحت

حلاة الشاشه لاجت من خط المكيف وانت طالع

ومكان الشاشه اشوفه اكثر من مناسب وان شاءالله ان قالها الله راح اسويها واوريكم الصور

فوتكووو بعافيه

**بندر501** · 28-03-2007, 02:34 AM

**عاشق Accord** · 12-04-2007, 03:21 PM

ياكورد 06 وش الصوره اللي بشاشتك الله يهديك بس دقق في الصوره زين ترى شوي مخله بالاداب.

**B Unique** · 12-04-2007, 05:20 PM

صااااااااااااااااادوووووه !!!

منتب صاحي يا عاشق Accord .. فضحت الرجال
ما كنا ماشيين واحنا مش داريين
ههههههههههههههههههههههههه

:d :d :d

مشرفنا العزيز accord 06

نود أن نفيدك بأنك طحت من عيني
إخس عليك .. إيش حركات النص كم هذي ؟!

:d