الموضوع: تقرير - اصلاح ( بوري - هرن ) الأكورد 2007

بسم الله الرحمن الرحيم

السلام عليكم ورحمة الله وبركاته

اعزائي الكرام

اقدم لكم اليوم تقريري الأبسط من البسيط لاصلاح بوري الأكورد

طبعآ خلونا من الفصحى ونحول عامية اصرف

المهم في الأمس واليوم << انا اقولكم كيف صارت امس واليوم لأن الساعة كانت 11 ونص في الليل وماباقي شي وتعدي 12 وندخل في اليوم الجديد .. ماعلينا :d

بما أني مسير عند الشباب وناويها سهرة حلوة وبعد العشاء وذاك الكباب اللي يحبه قلبكم جبنا علبة بيبسي ماسكة اليوم عليه مايهم نص ريال مع اني موقف من زمان عنه بس خربناها اليوم

^^ كل هالخربطة لأن التقرير بسيط وابي مقدمة تاخذ مساحة على الأقل

طبعآ في البداية فكيت الشبك وهو كلبسات من تحت عدد 4 وتقدر تسحبه للخارج بس ماانصحكم لأن الكلبسات راح تنكسر ومالك حل الا تدخل السكروب وتفك الكلبسات كلها وبعدين راح يطلع الشبك معك

طبعآ بعد ماتفك الشبك راح تشوف البوري عدد 2 ( واطي وعالي )

دائمآ يخترب اللي على جهه اليمين مادري هو واطي ولا عالي

طيب الحين نشوف هالفيديو مع صوت الهرن قبل التصليح

[ame]http://www.youtube.com/watch?v=kV1g5ISTB8U[/ame]


بعدها نفك الهرن اللي مايشتغل ونفتح شوي على الوزنية اللي بالخلف بمفك وصورة الوزنية نشوفها بالصورة تحت



طبعآ انا وزنته وركبته وأشتغل تمام وتذكرت مراقبنا King

يوم قال غسل البوري ونشفه زين

المهم ماصدقت خبر ورحت فتحت المويه وحطيت الهوز في البوري لين قال بس وقلت خربانه اما يضبط وضعه ولا بكرة انا في النعماني اشتري جديد

وخليته ينشف ربع ساعة وانا انفخ فيه بعدين ركبنا البوري والنتيجة كانت في الفيديو التالي

[ame]http://www.youtube.com/watch?v=0gVC3J2Luq8[/ame]

وبعدين ربطنا على البوري تمام ورجعنا الشبك وكل شي تمام والغينا فكرة النعماني وبروح له اذا البوري جاب العيد :d


وفي النهاية تجربة لصوت البوري رجع يطرب الواحد

[ame]http://www.youtube.com/watch?v=0Y_2IdlOiDo[/ame]

^^^^
أكتشاف جديد 30 ثانية او 34 ثانية ويوقف الانذار ثواني ويرجع يشتغل ( تقدرون تقولون ياخذ نفس وبعدها يلع لع )

وسامحونا على التقرير البسيط واذا في أي أستفسار راح أكون سعيد جدآ بالرد عليه