السلام عليكم..
مساكم-صبحكم الله بالخير يالغاليين
بدخل بالموضوع ياشباب انا قابل ع شراء سياره جديده ومحتار بين سيارتين الاولى الاوريون جراندي بدون شاشه .. والثانيه الاكورد فل كامل 4 سلندر < للمعلوميه انا مالي بالسرعه و مااهتم بالمحركات كثر ماتهمني الجوده وابي كل ملاك الاوريون بالقسم لو ماعليهم امر يردون بدون تعصب او تحيز لسيارتهم واعتبروني اخوكم لاني بصراحه محتار والناس زادوني حيره كل ماسالت احد الاكورد عمليه ويابانيه 100% اما الاوريون استراليه والناس تشتكي منها والديكورات تتفكك بعد فتره واصوات وناس تقول لاتقارن الاوريون بالاكورد قارنها بالكامري لان الاوريون مواصفات وتقنيه ماوصلت لها الاكورد وانا مجرب الاكورد ولها معاي 5 سنين ولا اشتكيت منها ابد جالدها جلد وتخدم بس قلت نخرج عن هوندا ونروح لتيوتا وارجوكم ابي نصايحكم.. هل الاوريون عمليه وسياره كرف؟ او انها تتفكك بسرعه وفيها مشاكل واصوات؟ لاني ابي سياره لي وللزمن اما من ناحية الاكورد فهي عمليه ومامنها خوف بس زي ماقلتلكم ابي اغير وحاب امتلك الاوريون بس لو طلع فيها عيوب بلاش منها وراح اخذلي اكورد بغض النظر عن محركها العقيم .. واخر شي هل تتوقعون تغيير للاوريون لسنة 2011 ونفس الشي للاكورد لو احد عنده علم يخبرني
انتظر ارائكم وتعليقاتكم ورجاء بعيد عن التعصب ;)