هو عيب مصنعي وكونك تعديت 120000 كيلو فما راح يتصلح على حساب الوكالة وقيمته في الوكالة 1800 ريال
السلام عليكم و رحمة الله
كيفكم يا شباب ،، إن شاء الله بخير
شباب أنا عندي النور العالي معلق و السياره معديه الـ 120 ألف
و بصراحه ودي أغيرها على ضمانهم لآني توي جاي من الوكاله يقولي
تكلفك 3000 آلف ريال و بصراحه سعر عالي جداً و آخرتها خطاً مصنعي
الي يعرف فيكم طريقه يدلني و الشي الثاني الإسطب الي عندي مولف توليف
هذا يلغي الضمان ولا لا ؟؟
دلووولني أرجوكم و أنا عندي إستعداد أروح لأي مكان عشان أغيره
التعديل الأخير تم بواسطة .: AFAQ :. ; 21-02-2010 الساعة 06:59 PM
هو عيب مصنعي وكونك تعديت 120000 كيلو فما راح يتصلح على حساب الوكالة وقيمته في الوكالة 1800 ريال
قريبا اكيورا فخر صناعة هوندا الامريكية على هوندا العربية
اكيورا RLX 2013
سبب وش سبب هالمشكلة ..
ولكني على ما أعتقد وبهالسعر اتوقع أنها علبة الافيوزات صح علي أو لآ !!!
ممكن تعدلون العنوان ؟
بصراحه الي فهت من كل المواضيع إن الهرجه كتوات بس !!
انا بأحاول أركب عليها كتاوت و إن شاء الله تزبط
و إذا ما ضبطت شكلي بأجي لم الرياض و أخلي المسافر يتفاهم معاهم :d
انا بعد عندي نفس مشكلتك وما ظهرت الا قبل برهه من الزمن << اتعب يالتعبير
الحل زي ماشفت في المواضيع اللي عطاك اياها حبيبنا كنج :d حفظه الله ورعاه
بس يبغالها استقعاد ورواقه والكهربائي المضمون ........ والى الان ما حليتها بس شكلها يباغلها تقرير لانها صارت من المشاكل الشائعه بين سيارات 2003 - 2007
تشاااااو
جتني نفس مشكلتك باروح الوكالة واستبدلها على الضمان
بالنسبة للتنظيف هل يضبط الموضوع او لا في الواقع اتمنى من اللي جربوا يفيدونا
قريبا اكيورا فخر صناعة هوندا الامريكية على هوندا العربية
اكيورا RLX 2013
انا مرهـ علق علي وكان معلق بالنهار ماانتبهت لها الا من المرور السري وقفني وكان بيعطيني مخالفه على عدم تركيب لوحة امامي وتضليل جميع الزجاج كاتم ..
بس بطريقة خنفشانية مشاني :d
واكبس كبستين ويطفي ..
والحمدالله ماشي معي تمام
شباب اليوم رحت لم الوكاله و حاولت فيهم
و كلمت مدير الصيانه و قالي شيل من راسك شي إسمه تغيير
إما على حسابك ولا لا
تكفوووووووووون يا شباب الي عنده حل لا يبخل علينا
وهل الكتاوت أكيت تصلحه ولا لا !!
انا عانيت الامرين مثلك والي يقول يغيرونه الوكالة قبل 120000 موتري كان ماشي 80000 ورفضوا يلمسون شي على الضمان
الحل الي شفته وله سنتين معاي يالغالي
ركبت بالعالي زنون اجهزة شركة بوش والحين الامر له معي سنتين لا تعليق ولاهم يحزنون
ولا ركبت كتاوت ولا شي زنون فقط بس ركب اصلي وينتهي الموضوع باذن الله
ياشباب انا من بعد تركيب الزنون بوش (تجاري) باسبوعين تقريبا الى اليوم وهو يعلق وشلت الزنون ولا في فايدة .. حصلت المشكلة قبل العداد يتعدى 100 الف
حاولت اليوم اعرف السبب فحصت الفيوزات والاسلاك كلها سليمة ..
اللي شاغل بالي وش يفكني من دعاوي الناس ... تكفووون اللي عنده حل يفيدنا
سلام عليكم
شباب بغيت اسألكم عن حل ثاني مدري قيه أحد جربه منكم أو لا
لأن الحلول الي فوق كلها جربتها إلا الزنون و بأشوف ..
لكن الي ودي اسويه إني أروح لتشيلح و أشتري علبة فيوزات و أركبها على سيارتي
كم سعرها بالتشليح و هل تنجح أو لا
^^ اشتر فيوز العالي من الوكاله وبدلها عند اقرب كهربائي مع التنظيف لعلبه الفيوزات وتنحل المشكله ان شاء الله ^^
..
....
السلام عليكم ورحمة الله وبركاته
يا اخوان بالنسبه للتعلق بالنور العالي حصلت لي المشكله هذي قبل تقريبا سنه وكانت سيارتي ماشيه 128000 رحت الوكاله وفي البدايه حاولو يماطلون بس نشبت لهم بحياتهم ورفضت اني اطلع الا وهم مصلحينها لان الضمان مددوه لعلبة الفيوزات وجاني موضف العلاقات العامه نسيت والله اسمه بس اظاهر ان عائلته القحطاني وعشان ما اهضم حق الادمي والله بصراحه انه ما قصر واخذ السياره ودخلها الصيانه وقالي تجي بكره وجيتهم من بكره وحصلتهم مغيرين علبة الفيوزات ويقولي انهم مغيرين بعد سلك يجي بالطبلون ( الله يجزاه خير والله انه ماقصر )
الزبده يالغالي رح وكالة خريص بالرياض وانشب لهم ولاتطلع الا وانت ماخذ منهم موعد
اسف على الاطاله
زي ماقلت لك بدل الفيوز ونظف العلبه على دربك وباذن الله تنحل المشكله
..
....
والله يا الغالي هالمشكلة أغلب الشباب مرت عليهم وأنا من ضمنهم أنا يعلق عندي بس على فترات أخر مرة علق في شهر 2 إلي راح وفصلت النور لمدة أسبوع تقريبا وبعدها أنا بنفسي غيرت فيوز النور العالي لقيته شبه ذائب وغيرته بفيوز تجاري بدون ما أنضف شيء بس فكيت القديم وركبت الجديد و إلى يومك هذا ما علق وأمس كنت ماسك خط وراجع بالليل من الرياض وتكبيس بالعالي والحمد الله ما علق وكنت متخوف أنه يعلق على بالطريق لان ما لي خلق أوقف وأفصل الفيوز أنت جرب وغير الفيوز بجديد من الوكالة وشف وش النتيجة .
مواقع النشر (المفضلة)