السلام عليكم ورحمة الله وبركاته
كيفكم شباب
انا بالنسبة لي اتعاملت مع النوعين
في الاول كنت مركب ستيل كل وقعدت معي تقريبا 7 شهور بعدين بعتها واشتريت التايم ليس
راح اذكر الاسباب والعيوب والمواصفات
الاستيل كول شاشة جيدة بس فيها بعض الملاحظات انا راح اذكرها من وجهة نظري ومو شرط تكون الزامية لأحد لأن عارفين الناس اذواق
1- شاشة الاستيل كول صغيرة مقارنة بشاشة التايم ليس
2- دقة الالوان اقل في الاستيل كول اما شاشة التايم ليس ماشالله فيها دقة الوان وبالذات لما تتفرج فلم دي في دي بالاضافة لألوان الشاشة
3- ماحبيت مكان الميموري في الاستيل كول لأن مكانه فوق جنب الشاشة في الاطار البلاستيك شكلة مرة غبي ويخرب المنظر اما في التايم ليس مكانه تحت وله غطا يعني ما يبان شي بالاضافة ان الغطا يحمي من دخول الغبار لاخل الجهاز عبر فتحة الميموري
4- الاستيل كول بيكون فيها فراغات في الديكور اللي في الاسفل اما التايم ليس راكبة بالضبط من غير فراغات
5- لون الديكور في الاستيل كول خشبي مرة شاذ حتى عن لون الديكور اللي يجي في طبلون الاكورد اما التايم ليس يجي منها لون اسود ماشي مع ديكور السيارة لأي فئة كانت
6- التايم ليس فيها خاصية الثري زون يعني تشغل 3 اشياء في وقت واحد اما الاستيل كول تشغل بس 2 زون يعني تشغل خريطة وتسمع معاه شي ثاني فقط
7- اوقات كانت تعلق الاستيل كول ولما تعلق تسير متنحة يعني لازم تقفل الشاشة وتشغلها من جديد اما التايم ليس الحمدلله الا الآن عمرها ما علقت معاي مركبها لي الحين 5 اشهر او زيادة
8- المحل اللي اشتريت منه الشاشة صاحبه جدا محترم وتعامله جدا راقي وفاهم مو زي الباكستاني اللي ركبت من عنده الاستيل كول يوم ارحله على مشكلة يحوس ولا افهم منه شي
9- التايم ليس عطوني معها برنامج الملاحة الاصلي يعني امشي وانا مطمن ومني خايف انه يقفل معاي البرنامج اما الاتسيل كول كان معاها رنامج ابو كلب قفل معاي مره بعد ما ركبتها بشهر ونص تقريبا ورحت للباكستاني يقولي الشفرة اتغيرت لازم اعادة برمجة 150 ريال والله يا طرت فيه طيرة بغيت اخنقه وسويت مشكلة الين ركبو البرنامج مرة ثانية مجانا ( ببلااااااااااااااااش )
هذي كانت تجربتي مع الشاشتين وطبعا في الاول والاخير كل واحد له رية الاختيار وكل واحد له ذوقه حبيت افيد غيري مو اكثر
نبغى مشاركة جماعية من أصحااااب الشاشاات
رد مع اقتباس
المشاركة الأصلية كتبت بواسطة honeymoon
مواقع النشر (المفضلة)