اليوم كنت في شركة هوندا لعدة اسباب وطبعا شارد من الدوام ومتحجج اني تعبان وصليت الظهر في المكتب وشردت المهم

عندي صوت صافرة لمن ادعس بنزين سواء ماشي او واقف وطبعا هذي من بعد الامطار من بعد ماخرجت السيارة من شركة النصب والاحتيال

عندي تهريب زيت الدركسون من الطرمبة وطبعا قبل 3 اشهر كان في تهريب وغيرتها عندهم عاضمان ولكن رجعت نفس المشكلة

عندي صوت طقة تحت لمن ادعس بنزين

خليت المهندس يجي يسوق السيارة ويشوف وجت الاستفتاءات منه
الصافرة طبعا حيشوفها عاضمان

تهريب زيت الدركسون يقول هذي المرة على حسابك

الطقة يقول ممكن اكلت مطب ولا حفرة وانكسرت عليك الكراسي حق المكينه

المهم انا سويت غلبة وقلتله ان الكراسي عالضمان قالي لا الكراسي بس الى موديل 2007
والزيت احنا مالنا صلاح لازم تغير الطرمبة ب 750 ريال

او جب فواتير تثبت كلامك انك مغيرها عاضمان المهم انا رحت السيارة وخرجت كيس كله فواتير وانصدم لمن شاف الفاتورة والمصيبه انه هو اللي استلمها المرة الاولى وهو اللي غيرها عالضمان وبعد شد وجذب رحت لواحد اسمه اسامه وكان جارنا وقالي الزبدة انه الشركة نزلت نظام جديد للضمان وهو انه اي واحد مو منتظم بالصيانة كل 10000 برا الضمان وانا صياناتي كالتالي 10000 ., 30000 , 40000 , 70000 واعتبروني مو منتظم وقالي لكن ممكن انت تدخلها صيلنة 80000 عشان ترجع عاضمان ونشوف الحل وندخل الكراسي ويصبح الاجمالي 1200 ريال

اسف عالاطالة ولكن اش رؤايكم ادخلها ولا لا ؟