هلابك يالغالي
أنا من رأيي إنك تاخذ العصا والشمعات حقت الكشافات من الوكالة .
والكشافات تاخذ تجاري أبو 180 ريال .
سوو نفس طريقتي
مابالكم ايها القوم هل انتم طيبون؟<<<
يا شباب من فتره شريت كشافات تجاريه موديل 2007 اللي يركب لها فاصل مدري وش يبغى جنب زر فتحة السقف المهم لحد ما شبك الكشافات مافيه تجريح اسلاك بس صارت منفصله عن النور يعني تشتغل وتطفى لحالها
المهم اليماني من دون مايقولي قدح وجرح سلك السكن ووصلها معه عشان تصير سوا تطفي وتشتغل مع بعض وبرضه الفاصل اقدر اطفيها واشغلها.
هي ماعليها بس ياهي يجيها حراره موب طبيعيه وتحترق كل شهر وشوي.
فأبغى اسأل اقدر استأصل العمليه هذي كلها واركب كشافات اصليه مع عصا؟
وكم بتكلفني الكشافات الاصليه وعصاها؟
.نصيحه لوجه الله يا شباب ركبوا اي شي تجاري الا الكشافات
هلابك يالغالي
أنا من رأيي إنك تاخذ العصا والشمعات حقت الكشافات من الوكالة .
والكشافات تاخذ تجاري أبو 180 ريال .
سوو نفس طريقتي
لان الشمعات اللي تجي معها صينيه ..
واللي تركبها صيني من محلات الزينة او كوري .. وترتفع الحرارهـ بسرعه ..
ركب الماني وراح تمشي امورك
طيب انا اللحين مركب التجاريه اللي فاصلها تحت
وباشتري العصا حقت التحكم
بس وين القى محل يصلحها لي غير الوكاله بالشرقيه؟
تفضل يالغالي هذه احد ردودي على الأعضاء
بما انك راح تركب كشافات الوكالة , ارجع للمحل خله يفك التمديد حق الكشافات والفاصل ويرجع كل شيء مثل ماكان
بعدها تشتري الكشافات الأصلية راح تحصلها عند ككاشي سن وغاليه شوي لكن سعرها فيها لو ماحصل لك لا بأس بالتجاري والشمعات مثل ماذكر لك مجودي تكون ألماني لأنه يتحمل اكثر ويعيش معك
ولابد انك تركب الفاصل حق الكشافات عشان تطلع لك العلامة بالطبلون مثل ماذكرو الشباب , وغير كذا ترتاح من مشاكل الكهرباء
إذا شريت الفاصل جيبه عندي اركبه لك والكشافات بعد
اتمنى انك تراجع الأقتباسات السابقة راح تفيدك بإذن لله , وأي سؤال ابشر
:(
حطها كلها وكالة إذا بقت على الكشافات .. أخوي معه 2009 اسبيشل ركب كشافات تجاري وكل شوي تحترق وتطلع ريحهـ خايسه
راح يم الوكالة فكوها له من وإلى وضبطوا شغلهم كلفته 1200 ريال ,,,
king
اشكر لك مرورك الكريم
بس بغيت اسألك لاني تلخبطت شوي في الاقتباس مكتوب ( اذا هي تجاريه مالي دخل في تركيبها لان تمديداتها غير عن الوكاله)
وفي ردك مكتوب اذا شريت الفاصل تعال واركبها مجاني.
طيب لو بس ابغى اركب الفاصل تقدر تسويه لي على التجاريه ذي ولا لازم اروح للمحل(هذه اذا كان يذكرني) واخليه يفكها ولا كيف او انك بس تقدر تركب الفاصل على الكشافات الاصليه بس؟, لان بيني وبينك كشافات الوكاله سعرها مبالغ فيه تقول انها من ذهب!
إلي اقدر اسويه لك هو انك تجيب الفاصل حق الوكالة واركبه لك , لأنه سهل مره ولا يحتاج اي تمديد او تقطيع أسلاك
مجرد تبديل بين الفاصل إلي بدون الكشافات والفاصل إلي مع الكشافات
وتقدر تركب الفاصل والكشافات تجارية مثل ماسويت انا من اول , لكن الكشافات تجاري والشمعة تحترق بسرعه وتتعبك
وإذا جبت الكشافات برضو تركيبها سهل ولا ياخذ منك وقت
:(
مواقع النشر (المفضلة)