الموضوع: كشافات الوكاله

تفضل يالغالي هذه احد ردودي على الأعضاء

المشاركة الأصلية كتبت بواسطة King

إذا هي على التركيب جبها لي اركبها لك

وبدون اي مقابل , إذا كانت الكشافات تجارية مالي دخل روح اقرب محل

لأن فيها تمديد غير تمديد الوكالة , وهي تركب بدون الأسلاك إلي جايه معاها

عموما ً راسل المشرف ككاشي سن وهو راح يقولك إذا متوفر عنده ولا لأ

http://www.hondaarabia.com/club/priv...o=newpm&u=7430

طبعا ً سعرها غالي مره وهي وكالة واصلية

راجع هذا الرابط إن شاء الله يفديك , وعن تجربة هج عن التجاري وخلك بالأصلي , صحيح انه غالي لكن يريحك ويغنيك عن مشاكل الكهرباء وإحتراق الشمعه وغيرها من المشاكل ,,

http://www.hondaarabia.com/club/showthread.php?p=360971#post360971

المشاركة الأصلية كتبت بواسطة King

التجاري ابعد عنه ماوراه إلا المشاكل

هو الآن فيه 3 انواع بالسوق ومن تجربتي للكشافات التجارية نوع كان فيه حديده على اللمبه نفسها وجدا ً فاشل

صحيح انه فيه وزنيه لكن كإنتشار مافيه !

نزل نوع ثاني نفس الأصلي لكن تجاري الفرق بين التجاري الاول والثاني هو الحديده إلي داخل الشمعه فقط

النوع الثالث والأخير هو المستطيل بدون وزن مثل حق الوكالة , كثير من الشباب ركبو منه 10% ماواجهو اي مشاكل

طبعا ً لكل من الأنواع الثلاث مايجي معاه اي فاصل مثل الوكالة وعلامة الطبلون ماراح تبين معاك إلا لما تركب عصى الكشافات حق الوكالة الأصلي

طبعا ً لو تقولي إختار راح اقولك الأصلي وبس وعن تجربة بجد , الشمعات انسى تحترق عكس التجاري إلي كل شهر وانت مغير اللمبه

وممكن البلاستيك او الزجاج ينكسر عليك او يصفر مع حرارة الشمعة

بالنسبة للتمديد ماانصح فيه ابد , يوم ركبت التجاري شريت عصى فاصل اصلي حول الـ 200 ريال او اقل

وارتحت من التمديد وتلفيق الزر او تشبكه مع السكن ( يعني قلق )



مجودي شوف العليان اعتقد عنده وسعرها حول الـ 35 ريال للحبه او روح شارع الكهرباء فيه محلات زينه دور عندها وإن شاء الله تحصل

اي سؤال انا حاضر

بما انك راح تركب كشافات الوكالة , ارجع للمحل خله يفك التمديد حق الكشافات والفاصل ويرجع كل شيء مثل ماكان

بعدها تشتري الكشافات الأصلية راح تحصلها عند ككاشي سن وغاليه شوي لكن سعرها فيها لو ماحصل لك لا بأس بالتجاري والشمعات مثل ماذكر لك مجودي تكون ألماني لأنه يتحمل اكثر ويعيش معك

ولابد انك تركب الفاصل حق الكشافات عشان تطلع لك العلامة بالطبلون مثل ماذكرو الشباب , وغير كذا ترتاح من مشاكل الكهرباء

إذا شريت الفاصل جيبه عندي اركبه لك والكشافات بعد

اتمنى انك تراجع الأقتباسات السابقة راح تفيدك بإذن لله , وأي سؤال ابشر

إلي اقدر اسويه لك هو انك تجيب الفاصل حق الوكالة واركبه لك , لأنه سهل مره ولا يحتاج اي تمديد او تقطيع أسلاك

مجرد تبديل بين الفاصل إلي بدون الكشافات والفاصل إلي مع الكشافات

وتقدر تركب الفاصل والكشافات تجارية مثل ماسويت انا من اول , لكن الكشافات تجاري والشمعة تحترق بسرعه وتتعبك

وإذا جبت الكشافات برضو تركيبها سهل ولا ياخذ منك وقت