الموضوع: هااااااااااااااااااااااااااااام جدددددددددددددددددددددن

انا معاك بكل حرف قلته

وحاس انو الكفر مو نفس اللي يجي من اليابان
والدليل ع ذلك

البعض عنده ميشلان
والبعض الآخر عنده بريدجستون
وكلها من النوع الردئ



تقبل تحياتي

المشاركة الأصلية كتبت بواسطة H.S.M

السلاااااام عليكم ورحمة الله وبركاااته

اخوااااني اصحااب سيارة هوندا (اكورد) الصرااحه يا اخواان انا

مدري وش اقول بس صاار معي مش المتوقع انه يصير في سيارة

الأكورد صاحبة السمعه الجيده بين السيارات, وصارت هاذي

المشكله معي في سيارتي والي صادفتها في سياره ثانيه مثل الي

معاي.

انا عندي اكورد 2009 ولها معاي الأن 4 شهور

الموضوع ومافيه ان الكفراات الأماميه عندي فيها مشكله وهي انها

تتقطع من الأطرااف كأن احد مشوها بسكين والمشكله هاذي لقيتها

مع شخص معاه نفس سيارتي وماشيه معااه 1000كيلو ولمن

رحت اراجع شركة النصب والأحتيال مع احترامي للجميع الي

هي شركة عبدالله هاشم الي تبيع سيارات هوندا قالولي المشكله مو

من عندنا المشكله من الشركه صاحبة الكفرات(ميشلون) ما اطول

عليكم بالسالفه المهم لمن رحت لميشلون وكشفو على الكفرين

الأماميه الي فيها المشكله قالو ان الكفرات سليمة التصنيع وان

المشكله في تخزين السياره من الشركه او فيه مشكله في السياره

نفسها من قدام وطبعن عطوني (ميشلون)تقرير بالي قالوه وبالي

كشفو فيه الكفرات

لمن رحت للشركه الحلوه (عبدالله هاشم) طبعن تجمعو علي اكثر

من 5 فنيين وكل واحد يتكلم بكلاام من جهه حتى انهم ماعرفو

يتناقشون معاااي وعرفو ان الغلط منهم وبعد شهر ونص من

الجداال معهم طلعنا بالأخير بدوون فايده وضااع الوقت هدااارن

منثورااا, يا اخوان والله ياشركة عبدالله هاشم انها شوهت سمعة

سياراات هوندا وخلتها بالحضيض بسبب تعاملهم مع الزبائن

وبسبب السيارات الي جايبينها هنا وقاعدين يضحكوون علينا

بهالمواصفاات الغبيه واكيد اكثركم شااايف المواصفات الأصليه

الي موجووده باليبان واوروبا وامريكااا

واسف على الأطاله عليكم بالكلاام بس لا تلومووني والله مقهووور

مررره لئنهم نصبو علي بهالكفراات الي مركبينها للسياره

الي قيمتها 380 ريال ومو مركبين الكفرات الاصليه الي قيمتها

حول ال800 او اكثر والي هي طبعن صناعتها المانيه

مو تيوانيه مثل الي بسياراتنا الحين . ولكم جزيل الشكر

عليك الصوت .. وعلي الدعم ( :d )

صدق ضرسك
قسم بالله يا عبدالله هاشم مادخل راسي هو وكالته
حراااميه وانا اخوك والله ناس راحت مواترهم بسبته هو البطانه اللي معه
ولا احد طالع في وجهه لما راح يدور حقه
حبيبي الوكيل هو اللي يرفع السياره ويطرحها
لاحظ معاك الهونداي سيارات ولا تسوي مقارنه باليباني 100% نضحك على انفسنا والله انا مساكين
الكوري اللي مو شايفينه شي والله يا عندهم وكاله وصيانه وامانه وحب العمل وحب الشركه اللي ينتمون اليها مو زي اخويانا الجحلط
المهم عندك السوناتا والتويوتا افضل بمراحل من حيث الوكاله والصيانه من عبدالله هاشم
ماقل الا الله يصبرنا وما ندور منهم رجا ذولا
والعذر ع الاطاله

الكفرات تايوانيه مدري تايلنديه مزعجه للغايه ..

الله يعينك عليهم ,,

حافظ على التدوير والـx

مافي اليد حيله

try..2..make..sure..of..the..tires..ressure..!!

صحيح الي تقوله
انا سمعت<<<والعهده على الراوي
ان الوكيل يطلب من المصنع كفرات ابوكلب عشان التخزين والنقل من ميناء لميناء
ونقل بالشاحنات فـ هو يدري انها بنعدم فيطلب رخيصه بس الي اعرفه انه في
ناس غيرو لهم كفرات اذا ماتعدت السيارة 10 الف كم..

توك تدري من زمان يضحك علينا

اخوي...ترى المشكله اللي انت عانية منها صارت معي انا
شخصيا في سيارتي..وللاسف ما ادري وش السبب..
ع العموم الله يكون بعووووووووووونك

والله معااكم حق كلكم وانا اول المتضررين
الكفرات اللى في السياره المشلان والله انها كذب في كذب وكرهت المشلان كله الغالي والرخيص من بعد الكفرات هذي انواع الاصوات ومطابها قوي كنك على شاص وتتقطع بسرعه
والله اشوف واحد من الشباب مركب يوكوهاما وماشي عليها اكثر من 100000 كيلو ولا احسن منها وتحس انها جديده
بس اللى معانا والله بايخه
اقول الله يخلي السوموتومو لا مطاب ولا قروشه صح فيه صوت وانت ماسك خط بس تهون عند المشلان
واسف على الايطاله ... وتقبلو مروووري

السلام عليكم،،،

أتوقع أن المشكلة مو عندنا بس ، حتى السيارات الأمريكية يشتكون من المشكلة هذي.
و مشكلة الفحمات بعد!

شف الفديو الي تحت لأكورد أمريكية ، و الصراحه ذكر سبب وجيه للمشكلة الفحمات قال: ان الهوب و الفحمات يعتبرن صغار بالنسبة لسيارة بالوزن هذا ، أكثر شيء ممكن يتحملن سيفك!
[ame]http://www.youtube.com/watch?v=fq2KDkr-3s4[/ame]


و بالنسبة لشركة عبدالله هاشم أكيد انهم ما راح يعرفون يردون لأن كل شيء عندنا بالسعودية بدائيين فيه ، فتلقى الوكالة ما عندها معلومات كافية عن السيارات و عن المشاكل و تلقى المسوق يقولك اشياء ما هي موجوده بالسيارة و إلا موصفات مهمة بالسيارة يصير ما عنده خبر عنها !!

و دايماً الزين ما يكمل حلاه ، و ما فيه كامل إلا وجهه سبحانه و تعالى.


أحبك يا أكورد كثير ، و أحب عيبوك أكثر !!

رجعها للوكالة يبدلونها لك ع الضمان

اخوي يمكن انت ماحافظت عليها

صحيح انها رديئه ..

لكن لو كانت زي ماتقول كان تلفت الاماميه والخلفيه

يمكن انت تكسر الطاره قووه وانت تديور

وممكن تلف الكفر بقووه على [اسفلت ] خشن

وبكذا تتقطع اطراف الكفررات
..

الخلاصه..

*انشب للوكاله..
*حـآفظ عالكفر قد ماتقدر

يا رجال السيارة تجي عن طريق البحر والكفرات تتأثر وعلى غير كذا تقعد واقفة بالمخازن شهور وفي الأخير ينكرون المشكلة!!
وكالة غريبة جدا .. عندنا كيا كرنفال اخذناه من الوكالة وفيه مشكلة بالكفرات وبس شافها المهندس وعلى طول غيروا لنا الكفرات من دون أي أفلام هندية وهذي كيا الشركة الكورية اللي الناس تتكلم عنها بس هوندا اللي سياراتها بمبلغ وقدره ينكرون كل المشاكل الواضحة للعميان مثل الأخطاء المصنعية الكثيرة..

ناديت حيا فلم يجب فلا حياة لمن تنادي

مدري الى متى هذا حالنا مع وكالة عبدالله هاشم ولايهونون اصحاب باقي الوكالات بالسعودية

وشي طبيعي تدري ليه لن ماحد حولهم او يخافون من احد كل واحد نفسي نفسي

والمستهلكـ او العميل :( الله يكون بعونه

لاتشكي لي ابكي لكـ

حتى انا صارت لي نفس المشكلة :(
اسأل الله الستر والسلامه

Firestone
Made in Japan 100%
quiet
soft and compassion :d

والله واحد من الشباب عنده يوكون 2009 توه شاريه من الوكالة بس على نهاية السنه
ولاحظ مشاكل في الكفرات لانها مخزنه
وقامو الوكالة غيروها له بعد مارفعو تقرير لدبي
بنسبة لهشومي اقعد بحلقة حتى يغيرها

اقول انت وياه اسمعو بس اسمعو

رحت سويت صيانه الالف قبل امس

وقلت لهم في حذفه يسار وفي صوت هوا مزعج

والكلام هذا الصبح قلي تعال العصر

جيت العصر قلي تعال بكره

قلت له ابشر وانا من داخل اغلي

جيت بكره الصبح قلي تعال العصر

شفت ربع هشومي ماخذيني طقطقه لان كل مايقولون شي اقول ابشر وان شاء الله ومايصير خاطرك الا طيب

قلت له وين رئيس الصيانه قل شفه هناك

وكان فيه الف عميل بالصيانه

واروح لرئيس الصيانه

ورفعت صوتي وقلت له هذا مو تعامل ,, انا ماخذ سياره فوق الميه الف كاااااااااااش

ولمن اجي اقولكم فيها حذفه تقومون تبدلون الكفر الامامي بالخلفي؟؟

والميزان بشركتكم خربان؟؟ انتم وكاله ولا بنشر ابو يمن

واعطييييييييييييييييييه هذاك الصوت

واقسم بالله انه قام من كرسيه وقالي هدي هدي هدي تعال تعال تعال ويسحبني ويخشني عن العالم

قلت له مابي منكم شي سيارتي الان تزبطونها

والا واقسم بايات الله لا اكتب عليها بالبخاخ الاسود

((سوء صيانه))

واوقفها قدام الوكاله

وابن ابو واحد فيكم يقربها ولا يعتبها

قلي هدي ياخوي هدي

قلت ياعمي لي يومين لا احترام ولا تقدير وكل ماجي عند واحد اسلم عليه مايرد

ليش طراطير حنا عندكم؟

الزبده قام معي عميل بالوكاله وربي ماقصرو

قلي ابشر مايصير خاطرك الا طيب قلت يالله وريني

اتصل وكلم الي بالصيانه

وقلي وحده ونص ونخلص مشكلتك

قلت سيارتي الحين تجهز قدامي والا واقسم بالله لا اسوي الي قلت عليه

قلي هدي يابن الحلال

قلت انا مالي كلام معك

وين رئيس قسم ورشه هشومي الي هنا

قام واحد من العملاء قالي فوق فوق يالله معاك

ههههههههههههههههههههههههههههههههه

والله ياعالم واطلع للي فوق واغسل شراع شراعه

وقلت له لو ماتبي تفيدني اعرف الشركه الام واعرف طريقها سيارتي تطلع وتزبطون ابوها الحين

وجاب حق السمكره عشان صوت الهوى وجاب المكنيكي حق الحذفه

وغسلهم غسل قدامي

وجاب المهندس وجاوبو لي السياره وقالو انت تسوقها والمهندس جمبك وانت الي تجربها وهو جمبك

مايبيلهم الا كذا

وربي خشو فعيونهم

حنا طيبينين وعيال حلال وتعاملنا راقي

لكن هشومي وربعه مايصلح معهم كذا

لمن جينا مشكله الحذفه قلي الميزان خربان

قلت له وربي لو تجيب ميزان جديد هنا

قامو شالو السياره بكبرها وودوها ميشلان

وزنو الاذرعه ورصصو الكفرات ومدري وش سوو

وجابوها لي

قلت لهم لا بارك الله فيكم ولا بشركتكم

والسياره كرهتها والله ياشباب والله وهي بريحه الوكاله وهذا كله بسببهم

وقلي لو في حذفه بسيطه عادي

خفت الحذفه شوي

وشفتكم تو تقولون يغيرون الكفرات

شكلي برجع والعن خير خيرهم

والله لا تسكتون عن حقكم

انتم دافعون قروش مانتم ماخذينها ببلاش

هذو عالم ماينفع معاهم الطيب ابد ابد ابد

وبس