كان الله في عونك
بس الي اعرف واغلب الي هنا ماينصحون بغير زيت هوندا للقير لأن هو الي
لزوجته مناسبه للقير اكثر من غيره ويمكن غيره يسبب لك مشاكل في القير ع المدى البعيد
بسم الله
السلام عليكم ورحمة الله وبركاته ..
كيفكم يالربع :d
تقدرون تقولون هذا اول موضوع جدي انزله :o
المهم حبيت انزل الموضوع والخبرة اللي حصلت لي في خلال اليومين الماضيين والحوسه و ... الخ .
طبعا انا شريت اكورد 2007 ماشيه 96 والاسبوع الماضي مشت 100000 فقلت اغير الزيت والسيفون وزيت القير والفلتر حقه .
مريت محل تغيير الزيت اللي جمب بيتنا وقلت بكم تغير الزيت قال بـ 140 ريال قلت طيب وش الزيت اللي بتركبه قال " موبيل " وكل الهوندات تركبه !!
قلت خير ان شاء الله .
ثاني يوم مريت الوكالة وسألتهم عن تغيير الزيت قال بـ 180 ريال بدون الفلتر بس الزيت !!
طلعت من الصيانة ودخلت قطع الغيار وشريت حبتين سيفون وطلعت علي الوحدة بـ 16.5 ريال ومحلات الزيوت يبيعون التجاري 30 ريال !!
المهم وشريت فلتر القير الخارجي بـ 95 ريال , سألته عن زيت القير قال ماتلقاه برا وصقعني بسعر والله مدري كم الصراحة .
طلعت من عنده ومريت الصناعية القديمة - لاني كنت جمبها - وشريت كرتون زيت سوبر جي تي بـ 230 يعني تطلع العلبة الوحدة بـ 9.5 ريال ومحل تغيير الزيت يبيعها بـ 15 ريال , و سألت عن افضل زيت قير قالوا بترومين قلت عطني 6 علب قال 55 ريال حاسبته وطلعت .
مريت يمكن حول الـ 10 محلات تغيير زيوت كلهم قالوا مانعرف نغير فلتر القير ولاندري وينه اصلا ولاقد غيرناه !!
قالوا يبيلك تروح الورشة عشان يغيرونه لك .
رحت لواحد لورشه اتعامل معه دايم قلت له السالفة قال افتح الكبوت وعلى طول لقى الفلتر جمب فلتر الهواء حق المكينة - مرة مرة سهل كلبسين فكهم وركب الفلتر الجديد - قلت اجل غير لي انت الزيت وركب الفلتر الجديد ..
غير الفلتر وجبت الزيت وقال لي انت مهبول !!
هذا الزيت نوعية رديئة جداً قلت طيب وش الحل قال عندي زيت آي سي ديلكو او أفضل شيء زيت القير الأصلي حق تويوتا هو افضل زيت شفته ويمشيك لو تبي 50 او 60 الف كيلو .
والله واروح قطع غيار تويوتا واشتري العلبة 4 لتر بـ 70 ريال واركبها والحمد لله الأمور تماما والتغييرات الصراحة فرقت معي مدري عشان الزيت جديد او لان النوع ممتاز .
التغيرات صارت اسلس وأحسن .
هذه هي السالفة من طق طق للسلام عليكو ;)
معليش في النهاية للكتابة بالعامية وعلى التطويل
لكني كتبت الموضوع حتى ماينلعب عالأعضاء من سرق محلات تغيير الزيوت النصابين , اللي بيركب لك زيت دمار وبسعر خرافي .
وايضا الوكالة اللي اسعارهم فوق فوق مرة .
طبعا في الختام طلع على تغيير الزيت مع الفتر مع الزيت 195 ريال .
كان الله في عونك
بس الي اعرف واغلب الي هنا ماينصحون بغير زيت هوندا للقير لأن هو الي
لزوجته مناسبه للقير اكثر من غيره ويمكن غيره يسبب لك مشاكل في القير ع المدى البعيد
هلا
مشكور ياغالي
أنا زيك سيارتي بتمشي 100 ألف
وأن شاء الله بغير زيت القير والفلتر الخارجي
أخواني الاعزاء
المهم في زيت القير هو الرقم الموجود بالكتلوج أو الاحرف
وهي درجات اللزوجه
الموصى بها لسيارتك
للأسف عندنا كراون فكتوريا 2008
غيرت زيت القير بنوع m
وفي الكتلوج نوع v
الفورد الجديد
يختلف عن القديم
في نوع زيت القير
بالغلط والجهل طبعاا
ومن بعدها القير تلخبط
فتأكدوا منها عشان لايصير مالايحمد عقباه
يهو انا سيارتي ماشيه 60000 ولا مره غيرت زيت القير على زيت بلدها كيف مشكله ولا عادي الي اعرفو ان زيت القير يطول
اخوي لحق على عمرك
وغير زيت القير بزيت قير هوندا موجود في محلات قطع غيار هوندا الاصلية وسعره 30 ريال للعلبة وانت تحتاج 3 علب..
قير الهوندا حساس .. وكم ناس غيرك غيرت الى زيت ايسي ديلكو ودق عندهم القير
خلك في السليم واستخدم زيت قير هوندا الاصلي
تفكيرك حلو يا غالي ولكن الأفضل تستخدم زيت قير هوندا لأن الأنسب لسيارات هوندا..
اهلن بالشباب على طاري هالموضع عندي مشكله وياليت تفيدوني
انا عندي اكورد 2008 وماشيه 125 الف واخر صيانه 50
والان القير عندي في التغير للسرعات في تغييره تعلق شوي وتفز احيانا بسيط واحد من الشباب قال غير فلتر القير انا مار بالمشكله
فياليت تفيدوني هو ضروري زيت القير مع ان ناس يقولو لاتغير زيت الوكاله حق القير لان مراح تغير مثله بس سو زياده له لانه افضل من اللي عندنا افيدوني
وشكرا:(
ياخوي هل 2005 لها فلتر قير وين ايجي
مواقع النشر (المفضلة)