الموضوع: رابطة مالكي الاكورد من 1998الى 2002

اخواني عندي استفسار انا عندي اكورد 2002 قبل فتره شيكت على المكيف وعبيت فريون وقلت للمهندس شيك على فلتر المكيف قلي انه ها المديل ميجي له فلتر وسالت واحد مهندس في الوكاله قلي نفس الكلام وقبل يومين كنت ابحث في النت وجدت مقطع لمهنس في امريكا يفك الديكور اللي تحت الدرج والدرج اللي في الطبلون لين وصل للثلاجه وقام طلع منها فلترين واستبدلها باثنيين جديده واسف على الاطاله

المشاركة الأصلية كتبت بواسطة mr_3bdullah

ايه نعم اي سي ديلكو ممتاز وينصح فيه خويك خالد >> صاحب الموضوع :d

هو اللي كاتبه هنا بتحصلها في احد الردوود عن زيت القير

بلا وكالة بلا وجع قلب >> اللهم اني صائم :d

مشكووووووووووووور عبدالله

والله أنك صادق الوكالة ماوراهم الا وجع القلب

المشاركة الأصلية كتبت بواسطة Mr_3bdullah

الا ماقلتوا لي

يا فارس وسطام كيف النسافات بالتوقيع .؟! :d

:p

:d

المشاركة الأصلية كتبت بواسطة Mr_3bdullah

الحمد لله تمام

<< شباب بجي للرياض بس مافيه تجمع :d

فليتوها عاد انتوا

>> جاي اشتري اغراض وملابس وارجع ( يعني بلا صدام بلا مساعد بلا خرابيط ) اغراض العيد اهم :p

المهم سطام وفارس مسوين رسم معنا وحنا بزنس >> ابي اعرف اي بزنس ذا اللي برمضان وبالاجازة .؟!!

لا والله ما فيه لا بزنس ولا شي

بس مالي وقت بهالرمضان ما تصفح الا تقريبا الساعة 5 العصر
يعني على المنتدى اسيك على الرابطة وبعض الاقسام ومواقع ثانية على السريع لين يأذن

اما بعد العشا اما يكون دوام والا افضا لنفسي واروح للاستراحة اعوض :d

عبدالله شكلك مستانس على هالاجازة ترا موب انت لحالك مجاز بعضنا للحين ما حس بالاجازة :p

اليوم بروح للورشة بشوف وش سالفة صوت الطقطقه في المكينة وانا احس انها كرسي المكينة الله يستر بس

اهاا يافارس تقول اسواق


طيب كل يوم سوق

وبعدين قبل السحوور خش وناظر الجديد >>

حسيت انك حشرتني :d

وعلى البزنس عادي ترى البزنس بكل وقت مو بس باقات الدوام
بعدين سطام ماهوب معي بالبزنس .. انا بلحالي .. بس ادورلي شركاء :d


بالنسبه للنسافات .. يكفي راي سطام

المشاركة الأصلية كتبت بواسطة Mr_3bdullah

الا تعال اخبارك عزووز وكيف الصيفي عسى عديت المواد كلها .؟

واخبار عبدالله خويك عسى قبلوه معهد الادارة .؟


بشرني عنك وعن صاحبك

هلآ و الله

إبشرك اليوم إول اختبار و الـ

Full measure بإذن الله هع

و بعد بكرهـ اخر اختبار و بعديه إن شاء الله

و عبدالله كرششوه ههههههههه

راح عند عمه وظفه خخخخ

الله يعينه يارجال ههههههه :p

المشاركة الأصلية كتبت بواسطة ابو طارق

اخواني عندي استفسار انا عندي اكورد 2002 قبل فتره شيكت على المكيف وعبيت فريون وقلت للمهندس شيك على فلتر المكيف قلي انه ها المديل ميجي له فلتر وسالت واحد مهندس في الوكاله قلي نفس الكلام وقبل يومين كنت ابحث في النت وجدت مقطع لمهنس في امريكا يفك الديكور اللي تحت الدرج والدرج اللي في الطبلون لين وصل للثلاجه وقام طلع منها فلترين واستبدلها باثنيين جديده واسف على الاطاله

و الله حبيبي إنا سمعت إن لها و مرهـ كنت بنظفه بس قال لي الكهربائي شغلته

بتاخذ سساعه إقل شيء لان نبي نفك الديكور كامل , قلت له لا خلآص مو لازم

و إن شاء الله فيه إأحد يعرف له هنا ..

شكرا اخويا عبدالعزيز على الرد

آلعــفو , بالخدمه يا يالغلآ ..


إأبشركم ركبت زينون الـ 4300 كلفن , و الله طالع على الموتر هبال

خقيت مع سيارتي ههههههههههه

و إن ششاء الله بصصورها بعد الإختبارات و اسدح لي البوم مثلكم هههه

مشكووووووووووووور عبدالله

والله أنك صادق الوكالة ماوراهم الا وجع القلب

الله يسلمك يالغلا

ياخي غاليه اجل المراية بـ 438 لا ولونها اسود لازم ترشها

والاصطب النور الامامي بـ 732 اليسار اغلى من الـ 2009

بالنسبه للنسافات .. يكفي راي سطام

بصراحة ردك قوي يافارس

حسيت انها ولا شيء يعني مخييييييييييسة

Full measure بإذن الله هع

و بعد بكرهـ اخر اختبار و بعديه إن شاء الله

و عبدالله كرششوه ههههههههه

راح عند عمه وظفه خخخخ

الكلمة الانجليزية الثانية غلط :p المفروض تكون mark

الله يوفقك ويعينك

بالنسبة لخويك تقول ضفه عمه يعني دخله للمعهد اهم شيء .؟

الله يعينه ويعينك وسلمني عليه >> مسوي يعرفه

لا يا رجال وظفه هههههههه يعني يشتغل معه

في مؤسسة عقارات و كذا ..

إوكي يووصل هههههه

آهاا حرام والله

اهم شيء ما يتحطم ويروح طمووحه

<< الله يعينه يشتغل ها السنة مع عمه بس يختبر تحصيلي مرة ثانية ويجيب درجات اعلى وباذن الله بيدخل افضل الجامعات


صدقني لو يشتغل مع عمه ويدرس بالليل كتاب رام 2 طول السنة والله بيجيب درجات عاليه في التحصيلي >> تكفى انصحه وقل له يسوي ها الطريقة

يعني تخيل طول السنة يذاكر رام 2 بس >> ياشيخ ان يحفظه :d

بصراحة ردك قوي يافارس

حسيت انها ولا شيء يعني مخييييييييييسة

لا عاد مو لهالدرجه مره
انا اقصد انها بون احلى - مالها لزمه -

صدقني لو يشتغل مع عمه ويدرس بالليل كتاب رام 2 طول السنة والله بيجيب درجات عاليه في التحصيلي >> تكفى انصحه وقل له يسوي ها الطريقة

يعني تخيل طول السنة يذاكر رام 2 بس >> ياشيخ ان يحفظه

اي والله ياعبدالعزيز قله لا يفوت رام 2
اكثر شي ندمت عليه
والا 98 تصير 78 والله حرام

إوكي بكلمه و بقول له ..

و راح يجيب درجه صصح السنه الجايه هع ..

ششو الجديد و التطورات في الاكورد ~> خخخ

تصدقون قاومت اكورد مثل حقتنا و قام علي قومه و خط ~> يا هي 6 v و الا معدل قومتها مو معقوله هع

انا نويت احط مكينه فراري ~> اقول روح كمل مذاكره وراك اختبار بكره خخخخخخخ

و الله طفششش بروح اكمل مذاكره خخخ ( الساعه الان : 15 : 2 ص ) هع

اقول اترك عنك بلا اختبارات بلا هم فلها واستانس الدراسه ياطولها لاحقين عليها >>>>>>>> اقول انضبط انت

هههههههههههه

يالله عديت الإختبار بنجاح و إنتهينا من الهم ههههه

الحمد لله
اله يوفقك دنيا وآخره
وين عبدالله ما ينشاف .. وين اللي قبل السحور ؟

الحمد لله
اله يوفقك دنيا وآخره
وين عبدالله ما ينشاف .. وين اللي قبل السحور ؟

تلووومني يافارس علشان يوم


وبعدين انا قايل في رد سابق اني بجي للرياض اشتري اغراض


وجيت اليوم للرياض وشريت وتقطعت رجلي وجوعان كله علشان ملابس

وتوني راجع الصبح

>> تخيل من المغرب وانا ماشي افطرت ورحت وماكلت شيءالا السحور وصليت الفجر ورجعت والحين بالبيت :d

أولا السلام عليكم ورحمة الله وبركاته

ثانيا عندي كم معلومه احب اضيفها على كم سؤال

اول شي اذا كنت ساكن بمنطقة حاره فنصيحه انك تشيل البلف تطلع الحراره انا قبل ما اشيله كانت الحراره

الطبيعيه النص ويوم شلته طلعت الحراره تحت النص وثاني شي صارت عندي مشكله بالحراره

مالها علاقه بالبلف اللي هي كل ما اوقف ترتفع حرارتها قبل الاتش واذا مشيت تنقص وعلى

هالحال المهم اني فحصتها وصارت من طرنمبة المويه ضعيفه ويوم سعرتها صارت الوكاله ب270

والياباني ب140 وعندي سؤال اللي هو مقابض الابواب من داخل ودي اشوف لها حل جرحت اصابعي

لين شبعت اللي يعرف محل يلبسها اهي واللي على القير النيكل لأن اللي عندي قيرها عادي وهذا

اللي عندي واتمنى اني ماطولت عليكم

ونسيت اقول اللي يعرف لي محل يبيع الاسطبات الامامية من النوع الجيد اللي مسامير الوزنيه جيده

واسعاره معقوله لأن اللي عندي واحد مكسور والثاني وزنيته

خربانه وانا ناوي اركب كلفن 4300 ياليت احد يدلنا على محل سواء بالرياض او الخرج

المشاركة الأصلية كتبت بواسطة ابو طارق

اخواني عندي استفسار انا عندي اكورد 2002 قبل فتره شيكت على المكيف وعبيت فريون وقلت للمهندس شيك على فلتر المكيف قلي انه ها المديل ميجي له فلتر وسالت واحد مهندس في الوكاله قلي نفس الكلام وقبل يومين كنت ابحث في النت وجدت مقطع لمهنس في امريكا يفك الديكور اللي تحت الدرج والدرج اللي في الطبلون لين وصل للثلاجه وقام طلع منها فلترين واستبدلها باثنيين جديده واسف على الاطاله

الاكورد الامريكية الي فيه الفلترين اما الخليجية مافيه
انا شايف المقطع من قبل و اتحمست و فكيت الديكور الين وصلت الى المكان الي المفروض فية
الفلتر لقيته فاضي مافيه فلتر و لاشي لكن اذا تبي تضيف فلتر تستطيع لكن قوة الهواء بتصير ضعيفة
علمن ان الاكورد الخليجية من موديل 05 و نازل ما يجي فيها فلتر من الوكالة

المشاركة الأصلية كتبت بواسطة slooooo7e

أولا السلام عليكم ورحمة الله وبركاته

ثانيا عندي كم معلومه احب اضيفها على كم سؤال

اول شي اذا كنت ساكن بمنطقة حاره فنصيحه انك تشيل البلف تطلع الحراره انا قبل ما اشيله كانت الحراره

الطبيعيه النص ويوم شلته طلعت الحراره تحت النص وثاني شي صارت عندي مشكله بالحراره

مالها علاقه بالبلف اللي هي كل ما اوقف ترتفع حرارتها قبل الاتش واذا مشيت تنقص وعلى

هالحال المهم اني فحصتها وصارت من طرنمبة المويه ضعيفه ويوم سعرتها صارت الوكاله ب270

والياباني ب140 وعندي سؤال اللي هو مقابض الابواب من داخل ودي اشوف لها حل جرحت اصابعي

لين شبعت اللي يعرف محل يلبسها اهي واللي على القير النيكل لأن اللي عندي قيرها عادي وهذا

اللي عندي واتمنى اني ماطولت عليكم

بخصوص اليد الباب من الداخل انا عندي باب الراكب نفس المشكله . وفيه محل مشهور حق تلبيس نياكل و تخشيب اسمه ( الابداع ) انا مخشب عندهم الفرع اللي بصناعية بمرهم وبرد لك ان شاء الله

السلام عليكم ورحمة الله :

للفائده ياشباب اليوم سويت اصلاح علبة دركسون تحت وطلعت القطع بعد الخصم بـ 210

وشغل اليد بـ 200 ريال عند واحد اعرفه من زمان معلم صح يجي منه

بس عندي مشكله اللي هيه لي الدركسون عندي ملحم من الاخير والظاهر انه مع التلحيم صار ضيق

مخرج الزيت وسوالي رجه كرهت السياره منها:( وطلع في منه تجاري بـ 230 ريال اجل كيف الاصلي

ياليت ياشباب اللي يعرف كم سعره في التشاليح يقلي

وسلامتكم
واسف عالاطاله

المشاركة الأصلية كتبت بواسطة الحماد

السلام عليكم ورحمة الله :

للفائده ياشباب اليوم سويت اصلاح علبة دركسون تحت وطلعت القطع بعد الخصم بـ 210

وشغل اليد بـ 200 ريال عند واحد اعرفه من زمان معلم صح يجي منه

بس عندي مشكله اللي هيه لي الدركسون عندي ملحم من الاخير والظاهر انه مع التلحيم صار ضيق

مخرج الزيت وسوالي رجه كرهت السياره منها:( وطلع في منه تجاري بـ 230 ريال اجل كيف الاصلي

ياليت ياشباب اللي يعرف كم سعره في التشاليح يقلي

وسلامتكم
واسف عالاطاله

ابحث عن مستعمل لأن الاصلي غالي اذكر واحد من الشباب كان عنده نفس المشكله وركب مستعمل الله يعينك ويوفقك