الموضوع: رابطة مالكي الاكورد من 1998الى 2002

السلام عليكم ورحمة الله وبركاته
كيف حالكم ياشباب ,, اعذروووووووني انقطعت عنكم فتره طويله لظروووف قويه
انشالله مانسيتوني هههههههههههه
وانشالله انها اخر مره ننقطع فيها يارب
كيف حال فارس وعبدالله والشباب كلهم ,,

حي الله الحماد
كيفك وشخبارك
عسى ماشر ان شاء الله
ما نسيناك بس فقدناك :d

عبود لا تشيل هم ترى ما تسوى تضيق صدرك على اشياء تافهه
ان شاء الله بتضبط وتمشي امورك الين يجيك اللي احسن منها
شفني قبل كنت اشيل هم وكذا بس قسم بالله الحين مريح راسي ولا اهتميت لها ابد والحمد لله مرتاح وافكر باللي جاي وماعلي من شي
وسع صدرك يا الخوي

ياخي مادري وش اقول لك

انا احس اني قلق ومقروش العالم معي :(

انا اليوم وديتها للرياض وانا اسف يالخوي ماكلمتك لكن قسم بالله وقتها كان جوالي مقطوع يوم امس حتى كنت اكلم ريان من جوال اخوي >> جايني للدمام :d

واليوم سددت خمسين بس هع بكلمك فيها وسووووري يالخوي عندك امتحان ترى اذا ماتقدر تاخذها عادي بيجي اخوي الجمعة للرياض بس ماعلينا المهم بكلمك ونتفاهم



فارس >> اخوي عيا يقول مالك الا الجنوب ( الحرامية 9) :p يقول انا ما اثق الا فيهم والله بيصلخونني شكلهم
المشكلة انا عارف ان احسان ارخص وبيضبطها تمامز مثلك بس مو مقتنع ( قلت في تفسي دامه بيدفع خلاص براحته هو يقول الجنوب وبس )

الزبدة فارس ارسل لي رقم حسابك بالبنك الراجحي او حساب مهند علشان احول لك الفلوس علشان يدخلونها يفكونها ويغيرونها اوكيك :o



<< هلا بالقاطع وينك شخبارك يالحماد :(

والله منقطع من زماإأإأإأإأإأن عننا :p

يالله نبي عاد ترجع وبقوة اوكيه :d

ساعدوني بخصوص الجير


في هدا الموضوع عن الاكورد 2001


وشكرااااااااااااااااااااا

سلام عليكم

كيفكم ان شا الله انكم بخير وبعافية

كيفك يا عبود وكيف الجامعة معك وان شا الله تنفك ضيقتك وتتيسر امورك اما السيارة امر تافه فلا تضيق صدرك عليها كلها كم سنه وراح تتخلى عنها ( نفس وضعي انا )

كيفك يا فارس واخبار المزيونه معك وان شا الله البي ام تكون واقفه عند باب بيتكم وبأسمك

واخبار الرابطة كلها والله مشتاق لكم


عيال لو ابيع سيارتي كم بتجيب ظنكم ؟؟

طبعا انتوا عارفين سيارتي موديل 2000 اربعه سلندر فل كامل مخمل فيها مثبت سرعه :d
طبعا التعديلات خفيفه ومنها فيها ( اضافة شكمانين حق السته سلندر + جنوط السته سلندر ) طبعا السته سلندر موديل 2001

يا ليت تفيدوني لاني من زمان عن اسعار المعارض لموديلاتنا

عبود .. انا بستلمها ان شاء الله وبوديها للجنوب
والفلوس خلها الين يجي اخوك
دامه بيجي الجمعه بيجي وهي باقي ماخلصت اصلاً
بتاخذها يومين ثلاث ايام او اربع عندهم

هلا وغلا بسطام
وش اخبارك .. عساك بخير
وين الغيبه .. زمان عنك

بخصوص انك تبي تبيع سيارتك .. تشتري بي ام مثلاً :d >>>>دعابه دعابه
اممممممممم
اهم شي بودي السياره ووقفتها اذا رحت المعارض
ان كان بوديها نظيف اتوقع تجيبلك فوق الـ 20 سلام سلام
واحد من اخوياي يقولي ان خويه شرا وحده بيضا فل الفل قبل اقل من سنه بـ 32
وعبدالعزيز خوينا مكلمه يقولي انسام موتره من معرض في النسبم بـ 28

كيفك يا عبود وكيف الجامعة معك وان شا الله تنفك ضيقتك وتتيسر امورك اما السيارة امر تافه فلا تضيق صدرك عليها كلها كم سنه وراح تتخلى عنها ( نفس وضعي انا )

والله الجامعة تخووف لكن نطقطق فيها وان شاء الله خير :o

وانت صدقت كلها كم سنة ونغير :d

طبعا انتوا عارفين سيارتي موديل 2000 اربعه سلندر فل كامل مخمل فيها مثبت سرعه :d

اهم شيء المثبت هذا بيجيب لك سعر خيالي

الا ان كانك بتفكه وتبيعه لي ترى حاضرين :p >> فكه تكفى :(

يا ليت تفيدوني لاني من زمان عن اسعار المعارض لموديلاتنا

والله شوف ياحبيبي مثل ما قال فارس

لازم ترشها انصحك هع هع اذكر كان اللون طاقته الشمس انت تقوله

رشها والا تلميع وبعدين نزلها المعارض بس لاتنسى تفك المثبت :d

عبود .. انا بستلمها ان شاء الله وبوديها للجنوب
والفلوس خلها الين يجي اخوك
دامه بيجي الجمعه بيجي وهي باقي ماخلصت اصلاً
بتاخذها يومين ثلاث ايام او اربع عندهم

يالبى قلبك يافارس والله انك ماتقصر واحس اني قروشتك لكن تحملني ماحد قال لك تصير صقيقي :d

خلاص ان شاء الله يضبطونها بس وابيها ترجع لي :( >> بمشي بالسكن وما اسرع توووبه :p

^^^^^^^^^^^^
لالالالالالالالالالالالا
كل شي الا الرش
لمعها داخلي وخارجي مع التكييس يمكن تكلفك 600 او 700 انت وشطارتك
بعدها يمكن انت تهون عن بيعتها :d
وروح بالليل خلهم يشوفون الطبلون :d
وتصك الـ 40 - 45 بالراحه :p

عبود .. شدعوه تقروشني
عادي ياصقيقي اهم شي وسع صدرك بس

المشاركة الأصلية كتبت بواسطة Mr_3bdullah

والله شوف ياحبيبي مثل ما قال فارس

لازم ترشها انصحك هع هع اذكر كان اللون طاقته الشمس انت تقوله

رشها والا تلميع وبعدين نزلها المعارض بس لاتنسى تفك المثبت :d

لا اما رش تستهبل كان يطيح سعرها كثير
كلش ولا الرش

اما افك المثبت :d

المشاركة الأصلية كتبت بواسطة FARES__KSA

^^^^^^^^^^^^
لالالالالالالالالالالالا
كل شي الا الرش
لمعها داخلي وخارجي مع التكييس يمكن تكلفك 600 او 700 انت وشطارتك
بعدها يمكن انت تهون عن بيعتها :d
وروح بالليل خلهم يشوفون الطبلون :d
وتصك الـ 40 - 45 بالراحه :p

اي والله كلش ولا الرش

لمعتها قبل ولا نفع معها يبيلها رش بس ماني راش
اما تصك الـ 40 :d اي هين



يا عيال
بس بكم تجيب لي عطوني سعر

عبود .. شدعوه تقروشني
عادي ياصقيقي اهم شي وسع صدرك بس

لبى روحك والله يا فارس

<< كلمتك ;)

اي والله كلش ولا الرش

لمعتها قبل ولا نفع معها يبيلها رش بس ماني راش
اما تصك الـ 40 :d اي هين

اماا اربعين :d

اجل بتبيعها بطقتها وذا اللون المشهب :(

اقول فك المثبت واعقل

السلام عليكم هلا شباب


رجاء ساعدوني بخصوص جير الهونداااااااااااااااا

الله يرحم والديكم

بسم الله الرحمن الرحيم


السلام عليكم و رحمة الله و بركاته


ساعدوني رحم الله والديكم

جير سيارتي الهوندا الاكورد اختررررررررررب

صار ما يمشي االا 60 ادا سخنت السياره

وادا كانت بارده توني مشغلنهاااااااا تمشيء 80 واقل

زيت الجير بدلته بس مررررررره

ووعرفته انه اخترب

من اشياء وهي


الاشاره ادا بتفتح اعرف الاشاره الي قبلها وبس صير برتقاليه وتمشيء تصير حمرا و تفتح الاشاره الي انا فيها

انا امشيء قبل ما تفتح بس تصير الاشاره الي قبلي برتقاليه ووتتغير الى الحمراء امشيء على طول السياره واطبق الطبلون اخلي السرعه صير 80 او 100 و اخليها على 100 او 80

ولا اسرع ازياده

ووديتها قبل فتره الي ورشه في سنه 2010 شهر 6 انجليزي وووو


قال لي الجير خربان لازم يتبدل لانه الكلاشات الي بالجير يستحرو ولا تمشيء الا تقوم تاخر في التبديل من نمره الي نمره

والسياره جير اتوماتيك

والجين خلاص ما تمشيء الا 60 وتقطع وتضغط بريك بروحه لان تنزل نمره وووتخليها

كانها تضغط بريك لان ادا مشيت 60 وابي ازيد السرعه ما اشوفها الا تنزل السرعه وتصير الريس يزيد اقصد rpm يزيد وووو امبير السرعه لا يزيد

---

قبل ما يختر وتصير هالحركه كنت امشي بطريق ابو حدريه قبل التحويل كان تعرفوهااا


مشيت 215 كيلو متر بالساعه

وبغيت اطبق الطبلون بس المشكله ناس ما تتباعد عن السريع ووولاني شلت اللوحات الاماميه والخلفيه و تحديت نظام ساهر ووو ظللت الزجاجه الاماميه

كنت داك اليوم متهور لدرجه انه وصلت السرعه وووانا مبسوط مررررره

الحمد لله ما احد صادني لا امن طرق ولا احد


---

المهم انا الي ابي اقول لكم


قال لي الورشه بغيره لي بجير اكورد ووبياخد القديم بقيمه 2500 ريال


وبيركب لي زيت جير اسمه

Motorcraft Gear Oil






Engine Oil for VTEC Engines

وهدا الزيت حق الهوندا الي المكينه

.....


هو امريكي ما ادري عدل لو مو عدل جيد لو لا

لانه الوكالات الثانيه في الدول الخليج ما يركبو زيت الهوندا الي مكتوب عليه هوندا هدا غير

الوكاله تجيبه ووو تعبيه وتقول انه اصلي وهو لا اصلي ولا شيء اتجيب تانكي كبير مره و تعبيه في علب و محتكرتنه

لانه ما فيه مثله في النت ولا في اي موقع يباني الي سيارات الهوندا لاكورد

وحت زيت المكينه ...




الزيت
مع زيت اسمه موتوركرافت وووهو زيت امريكي حق جير الاكورد

قلت ليش ما تركب زيت هوندا اصلي قال لي لا هدا افضل وادا توظب بتركب زين هونداااااااا الاصلي بس ادا بتبدله تركب زيت اسمه موتور كرافت وهو امريكي الصنع اصلي وعلبته سوداااااااء


وش راييكم مشورتكم بنوع الزيت الله يجزاكم الف خير ساعدوني

وابي اغير الجنزير سير التايمن بلت ووو مع كل اغراضه

وابي اغير بواجي وو فلتر هواء و زيت مكينه و فلترها

وووشنو الاشياء الي تنصحو اسوي لها صيانه لاهنتو

..................................






جير الاكورد موديل 2001

المشاركة الأصلية كتبت بواسطة gallardolover

السلام عليكم هلا شباب


رجاء ساعدوني بخصوص جير الهونداااااااااااااااا

الله يرحم والديكم

بسم الله الرحمن الرحيم


السلام عليكم و رحمة الله و بركاته


ساعدوني رحم الله والديكم

جير سيارتي الهوندا الاكورد اختررررررررررب

صار ما يمشي االا 60 ادا سخنت السياره

وادا كانت بارده توني مشغلنهاااااااا تمشيء 80 واقل

زيت الجير بدلته بس مررررررره

ووعرفته انه اخترب

من اشياء وهي


الاشاره ادا بتفتح اعرف الاشاره الي قبلها وبس صير برتقاليه وتمشيء تصير حمرا و تفتح الاشاره الي انا فيها

انا امشيء قبل ما تفتح بس تصير الاشاره الي قبلي برتقاليه ووتتغير الى الحمراء امشيء على طول السياره واطبق الطبلون اخلي السرعه صير 80 او 100 و اخليها على 100 او 80

ولا اسرع ازياده

ووديتها قبل فتره الي ورشه في سنه 2010 شهر 6 انجليزي وووو


قال لي الجير خربان لازم يتبدل لانه الكلاشات الي بالجير يستحرو ولا تمشيء الا تقوم تاخر في التبديل من نمره الي نمره

والسياره جير اتوماتيك

والجين خلاص ما تمشيء الا 60 وتقطع وتضغط بريك بروحه لان تنزل نمره وووتخليها

كانها تضغط بريك لان ادا مشيت 60 وابي ازيد السرعه ما اشوفها الا تنزل السرعه وتصير الريس يزيد اقصد rpm يزيد وووو امبير السرعه لا يزيد

---

قبل ما يختر وتصير هالحركه كنت امشي بطريق ابو حدريه قبل التحويل كان تعرفوهااا


مشيت 215 كيلو متر بالساعه

وبغيت اطبق الطبلون بس المشكله ناس ما تتباعد عن السريع ووولاني شلت اللوحات الاماميه والخلفيه و تحديت نظام ساهر ووو ظللت الزجاجه الاماميه

كنت داك اليوم متهور لدرجه انه وصلت السرعه وووانا مبسوط مررررره

الحمد لله ما احد صادني لا امن طرق ولا احد


---

المهم انا الي ابي اقول لكم


قال لي الورشه بغيره لي بجير اكورد ووبياخد القديم بقيمه 2500 ريال


وبيركب لي زيت جير اسمه

motorcraft gear oil






engine oil for vtec engines

وهدا الزيت حق الهوندا الي المكينه

.....


هو امريكي ما ادري عدل لو مو عدل جيد لو لا

لانه الوكالات الثانيه في الدول الخليج ما يركبو زيت الهوندا الي مكتوب عليه هوندا هدا غير

الوكاله تجيبه ووو تعبيه وتقول انه اصلي وهو لا اصلي ولا شيء اتجيب تانكي كبير مره و تعبيه في علب و محتكرتنه

لانه ما فيه مثله في النت ولا في اي موقع يباني الي سيارات الهوندا لاكورد

وحت زيت المكينه ...




الزيت
مع زيت اسمه موتوركرافت وووهو زيت امريكي حق جير الاكورد

قلت ليش ما تركب زيت هوندا اصلي قال لي لا هدا افضل وادا توظب بتركب زين هونداااااااا الاصلي بس ادا بتبدله تركب زيت اسمه موتور كرافت وهو امريكي الصنع اصلي وعلبته سوداااااااء


وش راييكم مشورتكم بنوع الزيت الله يجزاكم الف خير ساعدوني

وابي اغير الجنزير سير التايمن بلت ووو مع كل اغراضه

وابي اغير بواجي وو فلتر هواء و زيت مكينه و فلترها

وووشنو الاشياء الي تنصحو اسوي لها صيانه لاهنتو

..................................






جير الاكورد موديل 2001

بالنسبة للقير

مالك إلا توضب أو تاخذ مستعمل ونظيف

والصيانة أضيف على الأغراض اللي قلتها

فلتر البنزين وترى فية أثنين

واحد جنب الكفر من تحت

و واحد داخل التانكي

اخوي قلاردو والله ياليت اقدر افيد ما راح اقصر معاك
بس للاسف ماعندي خلفيه
لكن انا غيرت زيت اي سي ديلكو للجير
بس دام انك عرضتها على ورش وقالولك غيره فهذا حل اصحاب الخبره اكثر مننا
وان شاء الله يفيدونك الشباب

سطام .. انت ساكن بالشفا يعني المعارض بجنبكم .. انقز الله لا يهينك وشف كم تجيب
واتوقع لك فوق العشرين بالراحه
بس ركب جنوط الـ 2002 4 سلندر وورهم نور البطلون .. اقل شي ثلاثه يموتون بعد ما يشوفوها :d
ترى الكحليه اذا تغسلت مع السكن تطلع كلام قااااتل
الا تعال وش طاري البيعه ؟؟

عبوووووووود
شف حوشنا منور بس الصوره بايخه بالجوال

تم تصغير هذه الصورة. لمشاهدة الصورة بحجمها الكامل اضغط على هذا الشريط. الحجم الأصلي 800x600.

وش ذا فارس :(

والله ماتخيلت بيوم بشوفها ببيتكم :d

الله يرجعها بس سالمة

اقول اخوك امس مادري عنه يستهبل او لا

يقول وش سالفة القزاز مكسوووور :( >> بغيت اذبحه هع هع :d


الله يعطيك العافية وماقصرت يالخوي :o

^^^^^^^^^^^^

خلاص كلمنا بعض لليييل

( ماتنكسر قزازتك ياعبود وهي عندي ) >>>
توني مخلص المذاكره
تم حفظ حوالي 250 كلمه وتجهيزها لميدتيرم بكره الظهر

ترى خذيت الليز اللي كان على المرتبه ورا :p


ياهلا والله بابو عبدالعزيز
وش اخبارك .. عساك بخير
تو مانورت الرابطه


ندأإأإأإأإأ ,,,.
وين عزوز الخرج .. لا يكون سحب علينا بس

خلاص كلمنا بعض لليييل

( ماتنكسر قزازتك ياعبود وهي عندي ) >>>
توني مخلص المذاكره
تم حفظ حوالي 250 كلمه وتجهيزها لميدتيرم بكره الظهر

ترى خذيت الليز اللي كان على المرتبه ورا :p

كفووو لبى قليبك فارس :o

الله يوفقك يا فارس يارب يسهل دربك وييسر امورك بكرة

الليز يوووه والله ماشفته اصلا :d

ها الايام طايح لك في طيحة خطيرة هع هع

اول تذكر ايام اندومي :d الحين لا ( ليز جبنه فرنسية وخبز ) >> يجي والله جربها اذكر كنا ناكلها بالليل ايام العيد لما نسهر :p

صامولي واحشرها ليز وتذوق الطعم الخوقاقي >> يعني قتل ( من اللي يقولها ) :d


ايه عزوووز الخرج شفته امس بالمسن وانا كنت ظهور كان متصل بس ماكلمته كنت داخل اضيف ايميل واطلع :p



واخيرا جاء الحبيب محمد بن عبدالعزيز ( المشكلة مثل موديلنا ومسوي ثقيل علينا بالرابطة مايخش )

والا علشان لونك ازرق :d

الله يوفقك يا فارس يارب يسهل دربك وييسر امورك بكرة

الله يوفقنا جميع
اللهم ييسر لنا اجميع يااارب :(

الليز يوووه والله ماشفته اصلا :d

ها الايام طايح لك في طيحة خطيرة هع هع

لا اللي لقيته حار :d

اول تذكر ايام اندومي :d الحين لا ( ليز جبنه فرنسية وخبز ) >> يجي والله جربها اذكر كنا ناكلها بالليل ايام العيد لما نسهر :p

جبنه فرنسيه بس بدون خبز

صامولي واحشرها ليز وتذوق الطعم الخوقاقي >> يعني قتل ( من اللي يقولها ) :d

جووووكم
ياخي عليكم طلعات مدري من وين تجيبونها .. اعتقد مهند اللي بدا فيها
وش اللي خبز وليز
بس اذكر بالثانويه كانوا العيال يجيبون لوزين جبن ويفتحونها ويحشونها ليز .... طيب انواع التعليق والضحك عليهم

يعطيك العـآفيه اخوي والي الآمــآم ..
تســلم يمنـآك يآلغـآلي مـآقصرت ..
تحيتي ..
إْمير ..

لا اللي لقيته حار :d

ايه هذا ريان كان شاريها وجلسنا نطقطق عليه :d

جبنه فرنسيه بس بدون خبز

والله مع الخبز شيء ثاني ;)

جووووكم
ياخي عليكم طلعات مدري من وين تجيبونها .. اعتقد مهند اللي بدا فيها
وش اللي خبز وليز
بس اذكر بالثانويه كانوا العيال يجيبون لوزين جبن ويفتحونها ويحشونها ليز .... طيب انواع التعليق والضحك عليهم

لا الليز ماقلت لريان عنها هذي لحالي بالسكن اسويها وماقلت لحد :p

ايه مهند دايم يقولها الصبح هع هع صباح العسل والقشطة يعني قتل :d

وش اللي جبن :p>> مايحب الجبن

بو عابد ماهنا ثقل ولا شي

اشغال وناخوك هع ... وهالوتر خرابات مشاكل .. ولى زمانه بس ننتظر الفرااااغ علشان نصلحه

وهنا كله سواليف ماشوف احد ينزل تقارير تخص موديلاتكم .. عن اي شي .. والا ماصديقكم الا انتو خخخخخ

الله يعينك عليه اقول محمد ماودك تعطيني اللي معلقه فوق عندك بالسيارة :d

اللي من الامارات >> واضــحة :d

نبغاك انت تعلمني الجديد عن موديلاتنا اي حاجة

فحمات - يايات - مساعدات - مقصات - يعني الزين فيها وزي كيذا :p ومثبت سرعة تعرف تركبه والا لا :d

ماصديقنا الا انا :d >> فاطس ضحككككككككككك :d

يعطيك العـآفيه اخوي والي الآمــآم ..
تســلم يمنـآك يآلغـآلي مـآقصرت ..
تحيتي ..
إْمير ..

واضح ان الوضع تسليك اقوى شيء

اول مشاركة له وشكله يبي يزود مشاركات >> اول نظامي كيذا بالمنتديات :p

وشوو اللي الى الاما وشكرا لمين تقصد يالخوي :d


برب ^_^

انا موجود يشباب ماسحبت ولا حاجة بس انا صاير صديق نفسي اقرا ولا ارد ههههههههههههه .. :d