السلام عليكم ياشباب
الله يعطيكم العافيه معي اكورد 2001 لون فيراني وابي ورشه جيده في صناعية ام الحمام او العروبه (مدينة الرياض طبعا) وتكون مجربه من قبل الاعضاء عشان تكون مضمونه وبعد يعطينا خصم .
المشاكل اللي في السياره الصدام الامامي الجهه اليمنى منفكه ويحتاج رش وكذلك الصدام الخلفي يحتاج رش
غطاء تانكي البنزين يحتاج سمره فيه مخش
باب الراكب الامامي يحتاج رش ، وايضا ما تخلى باقي السياره من بعض حبات الخال
ودي اعرف التكلفه التقريبيه ، وكذلك من وين اطلع ورقة الاصلاح من شمال الرياض
ما ودي اروح لمرورالناصريه .
وتقبلوا فائق احترامي وتقديري والمعذره على الإطاله