السلام عليكم

كيف حالكم ان شاء الله بخير


هذي بعض الأشياء اللي تسبب خرابات ومشاكل بنظام التوجيه ( الدركسون ,,, المقود الآلي )

ممكن تكون عيوب بالأكورد ,,, ولكن ليست هي السبب فقط 100%
فيه أسباب أخرى لها دور كبير , منها :

أول شي / الحوادث ( اللي من قدام وخصوصا مع الجنب ( الرفارف والجنوط ) أو راقي رصيف أو الحوادث القوية ) الله يكفينا الحوادث وشرها ( امين ) وطبعا (( مو شرط )) ان أي حادث تخرب بعض مكونات نظام التوجية
واكثر شي يتأثر بنظام التوجية من وجهة نظري (الدودة والصووف حقتها)

# ان اصبت فمن الله وأن اخطأت فمني والشيطان

* اذا فيه خطأ علي بالنقطه هذي ياليت أحد يصححها

ثاني شي / الزيت ( لازم يكون زيت وكالة أصلي فقط لا غير ) ولا تزود الزيت عن الحد الأعلى ولا تنقصه عن الحد الأدنى
وانتبه تحط زيت أحمر ( قير أوتو )

ثالث شي / السواق ( كيفية قيادته ) منها : كسر الطارة للآخر أو التفحيط

رابع شي / الشوارع السيئة والحفر والمطبات ,,, حاول تتجنبها والمطبات شوي شوي امش عليها لا تاكلها

خامس شي / اذا سيارتك جديده وعلى الضمان يصلحونها الوكالة اذا كان خلل مصنعي ( طقة أو ثقل أو الخ ...) وانتبه لا يصرفونك خلك ناشب لهم

وأي شي نسيته ياليت تذكرونه عشان يستفيد الكل

وتحافظون على أكورداتكم ومايزرفون فلوسكم $$ الورش او الوكالة
وترتاحون من وجع الراس و مشاوير الورش أو الوكالة



ان شاء الله الموضوع مفيد للكل