رد مع اقتباسهل الشاشه تدعم الحساسات (الكميرا فيها حساسات)
بحيث اذا قربت من شيئ تنبهك؟؟؟؟
والله طمنتي و انا بفكر في الشاشة و يمكن أشتريها بعد شهر لكن الي أقصده بالأبعاد هو عمل الحساسات!
لو كان فيه مكان محدد للكاميرا في اللوحة فهذا يعني إنهم دارسين الوضع و مافيه أي مشكلة
انتوا في الرياض عندكم ما شاء الله محلات كثيرة متخصصة في الزينة و الالكترونيات
بس الشرقية للأسف انا ما أعرف محلات كثيرة لا في القطيف و لا الخبر
أنا بصراحة ما عندي خبرة و مرونة في تركيب قطع السيارة و مثل هذي السوالف و أخاف أسوي شي و أخرب الدنيا
انا فعلاً مخطط اشتريها و لكن خايف إني ما أحصل المكان الي يظبطها لي و يركب الشاشة و الكاميرا
و لما تركب وقتها أعرف أتفاهم مع أصحاب اللكزس و الإنفنتي هههههههههههههههههههه
بجد يا شباب دلونا على المحلات المحترمة المحترفة في تركيب هذي السوالف في الشرقية
هل الشاشه تدعم الحساسات (الكميرا فيها حساسات)
بحيث اذا قربت من شيئ تنبهك؟؟؟؟
و الله ما أدري عن النقطه هذي بالظبط لكن فيه خطوط بشكل طولي و إذا وصلت آخر شيء يصير الخط لونه أحمر عندك بالشاشة لكن التنبيه ما أدري لأن الشاشة عندي بدون كام و راح أركب إن شاء الله قريب
.
.
.
.
.
.
.
سلام عليكم
بس سؤال ؟؟
هالشاشه وش أسمها بالضبط ؟
وهل بحصلها في الرياض ؟
وعليكم السلام
كيف وش اسمها ؟
الشركة المنتجه : AutoSoul
و الشاشة حاليا غير متوفره في المحلات ولكن إذا لك رغبه في الشاشة أقدر أطلبها لك من الشركة بدون أدنى فائده ( أنا طالب لي وحده و الحين موجوده عندي )
.
.
.
.
.
.
.
يسلمك ربي
طيب كم سعرها مع الشحن بدون الكام ؟
السلام عليكم ورحمة الله وبركاته ..
أخوي classic design عندي بعض الاستفهامات ، إذا أمكن تجاوب عليها ..
1 - هل الشاشة تمدحونها بعد ما جربتوها ولاّ فيها سلبيات ؟؟
2 - كم سعر الشاشة مع الكاميرا بالشحن وهل عليها ضمان من الشركة وهل الشركة من أمريكا ؟؟
3 - سمعت أن المكيف ما يتوافق مع الشاشة ، ما مدى صحة العبارة ؟؟ علماً أن سيارتي فل 2006
4- على افتراض أني طلبتها اليوم ،، متى توصلني على الأغلب ؟؟
5 - كيف يمكنني أن أركبها ، بمعنى هل هناك محلات تركب الشاشة هذي حتى آخر مرحلة من التركيب ؟؟
:: أشكرك على رحابة صدرك وسعة بالك ::
و عليكم السلام ورحمة الله وبركاته
أولا الكام الخلفيه عباره عن هديه يعني مع كام أو بدون كام السعر ماراح يفرق
نجي للشاشة : الشاشة صراحه ممتازة و منظرها روعه داخل السيارة خصوصا أنوارها باللون الأبيض و فيها بلوتوث ( يعني تكلم من الجوال و تسمع الصوت على سماعات السيارة و أنا بنفسي مجربها)
سلبياتها : الدرج اللي تحت المسجل يركب مع الشاشة بشرط أنك تفك الباب يعني يكون درج فقط بدون باب
و أيضا يعيبها أنها سي دي واحد و بالنسبة لباب الدرج اللي تحت صراحه مع الشاشة ماله داعي لأنه الأسلاك الخارجه من الشاشة جميعها في الأسفل مثل مخرج الـ Ipod علشان كذا وجود الباب من الأساس ما ينفع
سعر الشاشة الواحده 3490 ريال شامل الشحن و الكام و الشركة المصنعه صينيه
المكيف متوافق مع جميع فئات الأكورد سواء الفل كامل ولا السبيشل ولا السياحي و أنا سيارتي فل و شغال تمام
مدة الشحن من 4 إلى 6 أيام بالكثير >> أنا طلبتها يوم الأربعاء وصلتني يوم الاثنين
و بالنسبة للتركيب تبغى محلات يركبونها لك أو حتى أعضاء ثقه من المنتدى يركبوها لك >> أنا بنفسي مركبها عندي بالسيارة و فيه شباب بالرياض إذا أقرب لك يركبونها لك من أول شيء لآخر مسمار في الديكور
خلاصة الموضوع
الشركة صينيه و السعر النهائي للحبه الواحده 3490 ريال و الشاشة عليها ضمان سنة كاملة
العفو أخوي و أي استفسار أنا حاضر بأي وقت
.
.
.
.
.
.
.
معليش لاكن السعر حق الشاشه كم وين الاقيها
بقى سؤال أخير !!
أنا عندي مسجل كاست مكان الدرج السلفي ، هل بيشتغل المسجل مع الشاشة ؟؟ أوجهه إلى أخي goldenAccord وإلى أصحاب المعرفة حول هذا الموضوع
وإذا ما كان يركب ، كيف أخليه بطريقة معينة أنه يركب ؟؟
حبيبي الغالي .. classic design
أنا حاولت أني أرسلك رسالة خاصة قال لا يمكن للمستلم أنه يستقبل رسائل لامتلاء صندوقه ...
المراد ..
أنا أبي الشاشة ، تكرماً منك سأوافيك بجميع معلوماتي على هذا الرقم 0544522566 ، أو ارسلي رقمك على رقمي هذا
:: بانتظارك ::
يعافيك ربي
طيب اذا ركبت الشاشه لازم افك الدرج ولا اخليه مسكر ووبس <<< مشان التخشيبه مع الديكور حق القير
فهمت علي ؟؟
أخوي كاسر الريح أرجو إرسال بياناتك برساله خاصه ( حاول الحين مره ثانييه *_^ ) مع ذكر نوع سيارتك
وبالنسبة للمسجل للأسف و نسيت أقولكم أن الشاشة ما تقبل مسجل الكاسيت :(
أخوي wald n3mh
والله أنا فكيت باب الدرج لأنه ما ركب إلا يوم فكيته لكن إذا قدرت تركب الدرج مع الباب ما راح تقدر تفتح الباب وتسكره بسهوله علشان كذا أنا فكيته وشكله مقبول نوعا ما لأن الشاشة أكبر ( أطول ) على تحت أكثر من مسجل الوكالة الأصلي
.
.
.
.
.
.
.
السلام عليكم ورحمة الله وبركاته
عزيزي /classic design
حابب أسألك انا عندي أكورد 2007 سبيشل
هل تركب عندي الشاشة ؟
ثاني إستفسار
أبي الموقع إلي تطلب منه الشاشه ؟ أنا أخوي يشتغل في السفارة في الصين ويقدر يجيبها لي من دون قيمة الشحن ؟
و عليكم السلام ورحمة الله وبركاته
ايه نعم تشتغل على السبيشل
طيب عادي أي واحد يجيبها لك وتطلع لك أرخص بحكم أنه بيجيبها لك بدون قيمة الشحن
.
.
.
.
.
.
.
أخوي أعطيني الرابط الموقع إلي تطلب منه وأسم الشاشه بضبط أو رقمهاا ...
وأكون لك من الشاكرين ...
هذا عنوان الموقع
www.autosoul.cn
.
.
.
.
.
.
.
تقرير رائع جدا مشكور يالغالي وما قصرت
الشاشه موجوده هنا الان او لازم طلب من امريكا
وكم سعرها
السلام عليكم
هذي صور لتجربة شاشة السبيشل
هذي صوره تبين أن المكيف شغال
وهذا سلك المكيف خلف الشاشة ومبين أنه سلك واحد فقط للسبيشل و السياحي ( الفيش الاسود اللي فوق )
ملاحظة : الشاشة نفسها ما تفرق وهذا باين من الصور ولكن الفرق الوحيد بالتركيب الداخلي للمكيف أنه يقبل المكيف العادي
تحياتي للجميع
.
.
.
.
.
.
.
السلام عليكم ورحمة الله وبركاته
يعطيك الف الف عافية اخوي Classic Design فعلا تقرير متعوب عليه
عندي استفسار لاهنت!
ماجربت تطلب غطاء الدرج اللي تحت الشاشة من هناك اتوقع يركب بما انهم مصنعين الشاشة على نفس مقاس المسجل عندهم
انتظر ردك
ويعطيك العافية مجدداً
وعليكم السلام والرحمه
غطاء الدرج مالهم دخل فيه لانه قطع غيار عن هوندا هناك في الصين وما ادري هو نفسه اللي هنا ولا لا
.
.
.
.
.
.
.
مسجل الكاست يركب مع الشاشة والحمد لله
طبعاً قلت الكلام هذا بعد التجربة
مراحب شباب انا من يومين ركبت شاشه مشابهه لهذي الشاشه على 2007بس فرق بسيط في مكان الحبات كما أن الشاشه مثل النوع والصناعة والشكل بعد الي الشباب عارضينها - طبعا انا من البحرين والمكان في مديننة عيسى - توبلي - واسم المحل ثورة الصوت -بصراحه هي ممتازه بس ما عرفو يشغلون التلفزيون فيها ليش ما ادري -لين في أحد خبير في هالشي يخبرني -سعرها 360دينار قرنتي لمدة 6 شهور. تحياتي..
^^^
كم السعر بالريال ؟؟
هذي المعروضة عليها قرنتي سنة كاملة ( ضمان )
.
.
.
.
.
.
.
بالريال = 3600
^^^^
الشاشة المعروضة بـ 3490 ريال و ضمان سنة كامله
.
.
.
.
.
.
.
ضوابط المشاركة
مواقع النشر (المفضلة)