السلام عليكم اخواني
قدر الله علي وصارلي حادث بالنسبه لي مروع لأن السيارة فرت فيني فر موطبيعي لاكن ستر ربي وما ضربت احد وانا افتر القصه ومافيها اني داخل مخرج 10 في الخدمه متجه شمال سمعت ان في مطعم جديد وقلت لازم اروحه في تمام الساعه 12:45
وللأسف ماكنت ادله عدل واول ما شفته خففت وحاولت اني الف يمين وطالعت وماشفت احد وفجأة يجيني كورلا مقلع ويصدمني بالباب الخلفي الأيمن وتفر السيارة بقوه والشماغ طاح والحاله لله ضربه قويه قويه لاكن بالنسبه لي الأضرار بسيطه والحمدلله الله ستر
ونزلت من الخرعه ارجف والا يطلع لي هندي سواق وانا اقوله اشفيك مقلع ما تشووووف 
المهم ان دقيت على المرور وجاو في وقت قياسي رغم الزحمه الي في الدائري جاو يمكن في 9 دقائق وسيارات واقفه وتتفرج المهم طلع الهندي ما عنده تأمين وقالو لازم ينحجز الا ان يعطيك حقك الي هو 25% من قيمة الأصلاح والباقي اخذه من التأمين ودق علي كفيله ويقولي ان عند وجهك ومادري ايش بس خله يروح وكلمتني زوجته وتقول العيال بالمدرسه ولازم يجيبهم وتقول والله نعطيك حقك وانا اول مره اعيش هالموقف بس تذكرت ناس واجد تنازلو وماخذو شي وقالي كفيله انه راح يعطيني ويكلمني والله يستر مادري
الأضرار:
1- باب خلفي ايمن
2-رفرف خلفي ايمن
3- الي تحت الباب مادري شسمها الخط الأسود
4- الجنط
الباب الراكب مشمخ واكيد في اشياء بس ماعرفتها
وقدر الله ماشاء فعل والحمدلله على كل الحال واهم شي السلامه ولا هذا حديد في حديد مايسوى
جاني شعور بسيط بسيط بكره السياره الله يستر مع اني احبها ورحت بها كل دول الخليج وعزيزه علي مره لاكن شوي كرهتها الأسئلة:
1- الخطأ تسجل 75% علي 25% على الهندي التأمين يغطي تصليحي كامل؟
2-كم تتوقعون التصليح وين تنصحوني بالدمام لأني بصلحها بالدمام؟
3- هل تنصحوني اغير الباب او اسمكره وهل اذا سمكرته يطلع صوت بالمستقبل وعلى فكره الباب ما ينفتح؟
والله ياشباب اني اول ماجيت تغديت وعلى طول كتبت الموضوع لأني احبكم في الله وشكيت همي الا لكم دواسف على الطاله
وعندي سؤال الله لا يهينكم مادري الكفر والذراع هل تئذى او اقدر امشي عليه خطوط لأني بروح الدمام
على فكره انا مأمن تأمين شامل بس مو وكاله
قدر الله علي وسيوت حادث
رد مع اقتباس
مواقع النشر (المفضلة)