ماقصرت ويعطيك العافية ..
لو انك منظف الفيوزات القديمة ومرجعها في نفس الوقت يمكن تظبط معاك ..
لاني قريت في موضوع واحد من الشباب يقول انه لما فك علبة الفيوزات لقى على فيوز النور العالي شحم .. ونظفه .. وظبطت اموره ..
السلام عليكم ورحمة الله وبركاته
مساكم الله بالخير جميعا
راح أدخل بالموضوع
كما هو معروف والمشكله المتداوله عند أكثر الشباب الي هي تعليق النور العالي
أنا صارت لي المشكله تقريبا قبل خمس شهور وبلشت مالقيت أحد يصلحه الموهم فصلت فيوز النور العالي وخليته على ماهو عليه لمده خمس شهور وخلصت إستمارتي فحبيت أجدد الإستماره وأسوي الفحص الدوري وتذكرت إن النور العالي عندي رايح فيها
الحل
رحت لم الوكاله وشريت فيوزين حق النور العالي الي أنا فصلتهم ورميتهم, واحد رقمه 20 والثاني رقمه 15 وركبتهم
في علبة الفيوزات وعلى طول إشتغل معي النور العالي ولا صار يعلق ولا يحزنون, مع العلم إن الحبه الوحده من الفيوز بــ2ريال وشريت حبتين وطلع الحساب 4 ريال يعني ولا شي الصراحه يابلاش على فكره أنا شاري الفيوزات من الوكاله نفسها( أما الي يقولكم لازم تغير علبة الفيوزات قله كيف الحال)
واتمنى إني أفدتكم
ماقصرت ويعطيك العافية ..
لو انك منظف الفيوزات القديمة ومرجعها في نفس الوقت يمكن تظبط معاك ..
لاني قريت في موضوع واحد من الشباب يقول انه لما فك علبة الفيوزات لقى على فيوز النور العالي شحم .. ونظفه .. وظبطت اموره ..
:dصحيح انها 4 ريال ... بس القصد انك تصلحها وانت على باب بيتكم بدون ماتتطلع مشواير
أخوي أنت متأكد من هذا الشي
أنا مرت علي نفس الحاله بس ما طول معاي أخذ يوم أو أقل و رجع زي ما كان
لا و بعد لازم تضغط عليه أكثر من ضغطه عشان ينزل
هذا و أنا مشتري فيوزين أصليه ولا نفع شي
الحال زي ما هو باقي
:(
وش رايكم اني من شفت النور بدى يستهبل ويعلق فصلت امه وريحت نفسي لأني كنت شاك بعصا النور والحين له اكثر من 7 شهور مفصول العالي ولا احتاجه يكفي الزينون في الواطي ماشاء الله
والله صادق بس العالي لازم منه
وبالنسبه للزنون الي عندك وش نوعه إذا ما عليك أمر
بالعكس والله اني اسافر ولا احتاجه بالخط
وبالنسبه لنوع الزنون بصراحه انا من زمان مركبه بس اعرف ان المحولات فليبس لكن الشمعات والله مادري لأني غيرتها اكثر من مره واي خدمه انا حاظر
والله ياخوي هذا الي صار معي , بس انا عندي لك حل أنت أفصل فيوز النور العالي من 3 الى 4 أيام وبعدين أشرلك فيوزين جدد وبعدين رح نضف علبة الفيوزات وإذا نضغته أفصل بطارية السياره خله لمدة ساعه<<< خويي مخليها 24 ساعه:d وإنشاء الله تضبط وإن ماظبطت قلي وإنشاء الله فيه حل ثاني
مشكورين على المرور أخواني
أخوي نفس المشكله
ما تغير شي غيرت الفيوز و نظفتها و فصلت البطاريه زي ما قلت
وش حلك الثاني ؟؟
لاهنت أخوي وش حلك الثاني
شكرا على الموضوع
اللي جمع كل المواضيع تقريبا بموضوع واحد
هلا أخوي حياك ربي الحل الثاني وأنا أخوك الي صار مع ولد خالي عشان يتأكد إن علبة الفيوزات خربانه إلى وهوياطوبل العمر , أنت إفصل فيوز النور العالي وركب بداله فيوز النور الواطي وإن كان إشتغل معك النور العالي فــ علبة الفيوزوات سليمه إنشاء الله وإن ماضبت عاد الشكوى لله
هلا أخوي حياك ربي الحل الثاني وأنا أخوك الي صار مع ولد خالي عشان يتأكد إن علبة الفيوزات خربانه إلى وهوياطوبل العمر , أنت إفصل فيوز النور العالي وركب بداله فيوز النور الواطي وإن كان إشتغل معك النور العالي فــ علبة الفيوزوات سليمه إنشاء الله وإن ماضبت عاد الشكوى لله
يعطيك العافيه اخوي وماقصرت
لازم تتغير علبة الفيوز لانه عيب مصنعي اعترفت بيه الوكالة وانا غيرتها على حساب الوكالة وضمانها عند الوكالة حتى 120 الف كيلو متر اذا تجاوزتها تصلحها على حسابك
أشكرك أخوي على المرور بس الناس الي سيارتهم تعدت الــ 120 ألف وش يسوي ! وهذا الي صار معي في سيارتي القديمه ومع بعض الناس . فا أنا صار معي الشي هذا وضبط الحمدلله وإنشاء الله يضبط مع الأعضاء والي خلاص راحت عليهالشكوى لله ماله إلايشتريها من الوكاله ولا من التشليح
بسم الله الرحمن الرحيم
السلام عليكم ورحمه الله وبركاته
امابعد تحيه طيبه للجميع وشكر عام للمنتدى وللادارة على المجهود الجبار بصراحه هاذي اول مره ادخل على المنتدى وحبيت اسجل للافادة عساني افيدكم بالمقابل كما استفدت من اغلب المواضيع المكتوبه بالمنتدى
اولا اللي مكتوب كلها صح انا حصل قبل فتره هالعطل معي فجئه بدون مقدمات وانا ماشي كبست عالي علق المهم كنت بالهايواي نور عالي وزأعاج معمي العالم سويت اخلاق قلت طف النوروراح يبقى النور العادي لاكن الانوار الخلفيه طافيه المهم اول ماسويته مدري من وين طلع لي امن الطرق بغى يصقني مخالفه لاكن تفهم الموضوع وقال شغل فلشر ومش
المهم من هينا بدت المعاناه من جد عانيات واصل متأخر مافيه ورش ولا شي قلت عادي افصل بطاريه وبكره بتروح فصل البطاريه وطلعت ونمت واصبحا واصبح الملك لله وشبكناها لاكن زي ماهي المهم وينك يالصناعيه وتدري فلسفه ابو يمن لو تجيب طياره يقول اصلحها المهم تشيك ولا فيه عيب .....؟
قالو مالك الا فحص كمبيوتر 150 سويته عندهم الله يرجهم ومنجنبها شكلهم اول مره يشغلونه...؟ قالو مافيها شي
المهم ربي فرجه بواحد من اخوياي قال امش معي وانشاءالله حلها عندي هذا الكلام بعد اسبوع وانا من واحد للواحد وبالليل افصل وبالصباح اشبك لاني امسك خطوط لازم العالي المهم رحت للجار سوى فحص بالكمبيوتر اللي يقولي العلبه حقت الفيوز اللي هي اليونت كامل اللي قدام بالكبوت خربانه وشكلها تخرب كثير بالاكوردات المهم الاخ عارف الحل بس يبي يسوي الفحص علشان 150
قلت طيب وش الحل قال حلين الاول تشتريه 1200 وشوي قلت طيب والثاني
قال افتح الكبوت فتحته عاد يده مربوعه مشاءالله صفقه من فوق شوي الاطفى النور اناظر انا مت من الضحك قلت اجل بالقوه ههههههههههههه المهم قالي اذا علق معك مره ثانيه اصفقه امه اليونت وراح تطفى اذا ابد مانفع فيحتاج تغيرر للينوت حق الفيوزات كامل وسلامتكم وانشاءالله نفيدكم بمواضيع اكثر وتقبلو مروري
مواقع النشر (المفضلة)