شيك ع الكفرات امكن تكون محبله
السلام عليكم ورحمة الله وبركاتة
شحالكم شباب
من قبل كم يوم طاحت امطار عندنا الحمدلله على النعمة
وعساها امطار خير وبركة
والكل يعرف وقت الامطار = طلعات للبر
المهم
اليوم رجت بسيارتي للرملة:d
طبعا ما ادخل امكان الطعوس
بس اكون على حافه الرملة
يعني ما اتهور
طلعت ونزلت ورحت هني وهناك وانبسطت وكيفت
لكن يا فرحة ما كملت
وانا راد عالبيت حسيت ف رجه بالسيارة ما اعرف من وين طلعتلي
الرجه تبدا بعد 80 وكل ما ازيد السرعة تقوى الرجه وما اقدر اسيطر ع السيارة
اتمنى الي حد عنده خلفية على ه الموضوع يخبرني
لاني ان شاء الله بودي السيارة الوكاله بعد يومين
وجزاكم الله خير
شيك ع الكفرات امكن تكون محبله
امرك بسيييييط لا تشيل هم
رح لاقرب بنشري قله يسويلك ترصيص للكفرات
وانشاء الله ترووح,,,
1- نظف الهوبات بغسيل الكفر ... يمكن علق التراب فيها
إذا ما راح
2- سوي ترصيص كفر
إذا ما راح
3- خرط هوبات
والله يوفقكـ ويعينكـ ... وهنيا لكم الأمـــــــــــــــــــطــــــــــار ,,,
اشكركم يا اخوان
اليوم رحت للمغسلة وخليتهم يرفعونها وشفت الفضايح><
كله رمل من تحت
يعني الرمل كان عالق فالتواير الاربع
والحين الرجه رااحت
تووبه ادخلها الرملة مرة ثانية
مشكووورين على تفاعلكم
مع انه شوي لكن يمشي
مواقع النشر (المفضلة)