ضرووري يا اخوان رجه ف السيارة

**ظبياني 9656** · 02-03-2010, 01:19 PM

السلام عليكم ورحمة الله وبركاتة

شحالكم شباب

من قبل كم يوم طاحت امطار عندنا الحمدلله على النعمة
وعساها امطار خير وبركة

والكل يعرف وقت الامطار = طلعات للبر

المهم
اليوم رجت بسيارتي للرملة:d
طبعا ما ادخل امكان الطعوس
بس اكون على حافه الرملة
يعني ما اتهور
طلعت ونزلت ورحت هني وهناك وانبسطت وكيفت

لكن يا فرحة ما كملت
وانا راد عالبيت حسيت ف رجه بالسيارة ما اعرف من وين طلعتلي

الرجه تبدا بعد 80 وكل ما ازيد السرعة تقوى الرجه وما اقدر اسيطر ع السيارة

اتمنى الي حد عنده خلفية على ه الموضوع يخبرني
لاني ان شاء الله بودي السيارة الوكاله بعد يومين

وجزاكم الله خير

**silver boy** · 02-03-2010, 02:22 PM

شيك ع الكفرات امكن تكون محبله

**مجنونك فدى عيونك H** · 02-03-2010, 02:27 PM

امرك بسيييييط لا تشيل هم

رح لاقرب بنشري قله يسويلك ترصيص للكفرات

وانشاء الله ترووح,,,

**أغـار يا هـوندا** · 02-03-2010, 03:07 PM

1- نظف الهوبات بغسيل الكفر ... يمكن علق التراب فيها
إذا ما راح
2- سوي ترصيص كفر
إذا ما راح
3- خرط هوبات
والله يوفقكـ ويعينكـ ... وهنيا لكم الأمـــــــــــــــــــطــــــــــار ,,,

**ظبياني 9656** · 03-03-2010, 04:51 PM

اشكركم يا اخوان

اليوم رحت للمغسلة وخليتهم يرفعونها وشفت الفضايح><

كله رمل من تحت
يعني الرمل كان عالق فالتواير الاربع

والحين الرجه رااحت
تووبه ادخلها الرملة مرة ثانية

مشكووورين على تفاعلكم

مع انه شوي لكن يمشي