!!! صوت غريب من جهة الكفرات !!!

**اتحادي** · 05-03-2010, 11:05 AM

بسم الله الرحمن الرحيم

.
.
.
.

كيفكم اخواني مشرفين و اعضاء منتدانا الغالي

ندخل في الموضوع على طول

طلع صوت امس و انا ماشي يا شباب من عند الكفر الامامي كأنه حديد بيحك في بعضه و انا ماشي

رحت للبنشري

و اعطيتها للبنشري قلت له شيك عليها قلي الصوت من الهوبات قلي الهوبات تحتاج خرط فقط لانها نظيفه و ما تحتاج تغير قلت له اوكي اللي تشوفه

كم حسابك قلي 120 قلت لا 100 ريال كفايه

حطيت السياره عنده و جيته في الليل

و اخذ السياره في الليل و ما مشيت من عنده شويتين الا الصوت يطلع نفس اول

رجعت لقيته قفل

صوت و انا ماشي مو وقت الفرمله يطلع كأنه حديد بيحتك في بعضه صوت مزعج للغايه لدرجه اي واحد ماشي في الشارع عيونه مصوبه على السياره من الازعاج

مني عارف صوت ايه دا هل هي الاقمشه تحتاج تغير او الهوبات تحتاج تغير ولا الصوت من شي ثاني

و اسف على الاطاله

في رعاية الله

**kakashi-san** · 05-03-2010, 11:34 AM

السلام عليكم ..

الصوت هذا موجود حالياً في سيارتي ..

لكن المشكلة قطع الغيار اللي عندنا ، ما عندها فحمات خلفية لا اصلي ولا نيشن !

فانتظر وصولها عشان اركبها ،

اتوقع انه يبي لك تغيير الفحمات + خرط الهوبات ..

شسمه ، خرط الهوبات عندنا مع تركيب الفحمات = 80 ريال كله كاامل ..

**اتحادي** · 05-03-2010, 12:30 PM

مشكور اخوي يوسف على ردك

الرجال خرط الهوبات يعني بس ان شاءالله احتاج الى تغير الفحمات

مع العلم انه سيارتي ماشيه 32

**gogo** · 05-03-2010, 12:57 PM

بسمه تعالى :

أعانك الله على حل مشكلتك أخي اتحادي ....هنالك عدة إحتمالات لحدوث تلك المشكلة و منها ما قاله أخينا كاكاشي سان و إنشاء الله تحل بأسرع وقت ...و لكن هنالك إحتمال وارد إذا كانت سيارتك مزودة بنظام vsa ..هل تم فحص النظام لأنه بالعادة يقوم بحك القماش بقوة على أطراف الإسطوانة و كأنها حديد يضرب بعضه بعضآ .... أتمنى بأن تكون المشكلة سهلة و لها حل و بالتوفيق.

**lotocoupe** · 05-03-2010, 01:01 PM

^^^
آ’خوي آ’تـوقع مشـكلتك تـغير الفحمات وتصير تمام التمام .. لانه هالصوت كان طالع عندي بس غيرت القماشات وآ’مـوري ميـه ميـه

الصوت يطلع من احتكاك الحديده الا تجي ماسكه في في نهايت القماش من فوق .. ف يخلص القماش ويبقى منه القليل .. تحتك الحديده ذي في الهب ويطلع معك الصوت..

بـدل القماشات وان شاء الله امورك طيبه ..
واتـوقع الصوت من القماشات الي ورا .. رح اقرب ورشه وخله يكشف عليهم .,

ان شاء الله اكون افدتك .. تحياتي

**متصفح** · 05-03-2010, 01:01 PM

نوع الفحمات المستخدمه اصلي ولا نيسن...؟

**اتحادي** · 05-03-2010, 01:34 PM

شاكر ردودكم اخواني الاعزاء

و ما قصرتو و بيض الله وجوهكم و الحمدالله انه الامر بسيط انا كنت متوقع انه فيه شي كبير بس الحمدالله اذا جات على فحمات

و بالنسبه لإستفسارك اخوي gogo لا ما عندي نظام vsa

و اخوي متصفح بالنسبه لإستفسارك الفحمات الاصليه لاني ما غيرتها من يوم شريت السياره

و جمعه مباركه على الجميع

**مجوووودي** · 05-03-2010, 01:38 PM

غيرها عدنان الفحمات قبل تخرب عليك الهوب ..

وبكذا تنجبر تغير الهوب كامل

**اتحادي** · 05-03-2010, 01:42 PM

ان شاءالله بغيرها اليوم بس مني عارف اركب النيشن او الاصليه افضل ؟؟

و المشكله اليوم جمعه اكثر محلات قطع الغيار قافلين و الوكاله كذالك

يا ريت نصايحكم في الفحمات

**مجوووودي** · 05-03-2010, 01:45 PM

ركب نيشن

في كلتا الحالتين مو خسران حاجة .. وسعرها اقل من الوكاله ..

**اتحادي** · 05-03-2010, 01:46 PM

سلمت اخوي ماجد على ردك السريع

و ان شاءالله بس القاها في المدينه اهم شي

**kakashi-san** · 05-03-2010, 02:31 PM

هلا عدنان ..

تبي نصيحتي ..

ركب لك نيشن ،

انا مركبها للكفرات الامامية ، وبصراحة مرتاح وياها ..

سعرها مناسب ، وغير كِذا اكتشفت انها تدوم اكثر من حقت الوكالة !!

يعني بالعقل ، فحمات هوندا اللحين تنباع على 250 ريال ،

وفحمات نشين على 90 - 120 ريال ..

خويي معه لكزس بانوراما ويشتري الفحمات على 190 ريال ،،

والله وتطورتي يا هوندا في اسعار قطع الغيـار ..

**lotocoupe** · 05-03-2010, 02:37 PM

^^^
وازيدك يا خوي كاكاشي في فحمات خلفيه للاكورد 2008 .. هنديه الصنـع بـ 50 ريال :d

**اتحادي** · 05-03-2010, 03:17 PM

جزاكم الله خير بس ان شاءالله القى الفحمات في المدينة

اليوم بدور عليها و الف محلات قطع الغيار لاني ان شاءالله بكره بسافر على جده و لازم اركبها قبل السفر