مساعدة للزيت القير والفلتر الخارجي والصيانه 80,000

**ahmed_alhawi** · 05-03-2010, 08:54 PM

السلام عليكم ياخواني
انا عندي اكورد 2008 سبيشل واشتريتها مستعمل من واحد نظيف والحمدلله توفقت في شرائها وصارلها معي فوق 3 اشهر واللحين باقيلها شوي وتكمل 80,000 كيلو وكان صاحبها الاول محافظ عليها بالصيانه الكامله وانا ايضا محافظ عليها بالصيانه وتغير الزيت بالوكالة.(هرجت واجد صح)

سامحوني
المهم انا شفت موضوع على تغير زيت القير واللفلتر الخارجي, في صيانه 80,000 هم تلقائي راحوا يغيروا زيت القير ولا لازم اقلهم غيروه؟؟ ادري انهم مايغيرو الفلتر الخارجي , طيب كيف اغيره يعني اذا قلنا ببدل الفلتر برا في ورشة بعدين اغير الزيت بالوكاله راح يتوصخ الفلتر الجديد بالزيت القير القديم والعكس مثله:(:( والصراحة انا الاشياء الحساسة مثل القير مااحب غير الوكاله اللي تشيك عليها (اللحين يزعلوا علينا اللي يكرهون الوكالة):p:p:p
اتمنى من احد اللي غيروا زيت القير مع الفلتر يعطونا طريقه او وش نقول للوكاله؟؟
وياريت تقولولي بالظبط ايش راح يشيكوا عليه بالصيانه 80,000 (دورت بالبحث والله كلها الموديلات الشكل اللي اقدم من هذا )
ومشكور جدا يااخواني

**اكوِرد** · 05-03-2010, 10:25 PM

بما انك كتبت الموضوع .. حتى انا سيارتي قربت تمشي الـ 50000 كيلو وماادري وش اقول للوكالة (علشان اسوي نفسي فاهم عندهم :d) وكم تقعد السيارة عندهم مع العلم اني مع خارج الرياض وماعندي بالديرة وكالة لهوندا لذالك مضطر افحص السيارة وارجع بنفس اليوم وماادري كم تقعد عندهم علشان اخذ حساب الوقت والانتظار ,,,

**مجوووودي** · 05-03-2010, 10:34 PM

قولو نبي نغير زيت القير مع الفلتر

اذا قالو مومن ظمن الضمان الفلتر ومايتغيير قولو مو مشكلة اهم شي غيروهـ

وسعرهـ مايتعدى 100 ريال

**ahmed_alhawi** · 05-03-2010, 10:58 PM

المشاركة الأصلية كتبت بواسطة مجوووودي

قولو نبي نغير زيت القير مع الفلتر

اذا قالو مومن ظمن الضمان الفلتر ومايتغيير قولو مو مشكلة اهم شي غيروهـ

وسعرهـ مايتعدى 100 ريال

شكرا لك اخوي مجوووودي
بس القصة مو على سعر الفلتر او سعر الزيت بس اللي نبغاه انهم يغيروه عندهم وانشالله يرضوا وانا احتمال نهاية الاسبوع هذا ادخلها او الاسبوع اللي بعده

ولي عنده اقتراحات مايبخل علينا

**مجوووودي** · 05-03-2010, 11:02 PM

انا بكرة ان شاءالله بروح اغير الزيت واغير زيت القير مع الفلتر بالوكاله ..

واقولكم وش يصير معي

**A C C O R D 0 8** · 05-03-2010, 11:03 PM

للموديل الجديد .. صيانه الـ ٦٠ الف هي اللي يتم فيها تغيير زيت القير ..

اما الـ ٨٠ الف مايتم فيها الا التشييك للسياره وتغير فلتر البنزين فقط ..

وهي من الصيانات الغير ضروريه مالم يكن في سيارتك مشكله معينه ..

لان قيمه الصيانه ٨٠٠ ومافيها شي يستاهل ..

اللهم بس فلتر البنزين وتغيره برا بشغل يد ١٠٠ -١٥٠ ريال بس ..

مع قيمه الفلتر بالوكاله حدود الـ ٢٥٠ ريال ..

لكن صيانه الـ ٦٠ هي اللي فيها تغير زيت القير ..

ظبعا كلامي للموديل الاخير ..

يامجودي انت موديل موترك الشكل السابق عشان كذا ماراح تنفع تجربتك :p

**A C C O R D 0 8** · 05-03-2010, 11:04 PM

عشان كذا اذا كان صاحبها مواظب على صيانات الوكاله ودخلها صيانه الـ ٦٠ الف فزيت القير

تغير وانتهى موضوعه .. الحين عليك بفلتر البنزين .. لكن رااي الشخصي انك ماتدخلها لان

حرام ٨٠٠ على شي مايسوى ..

لكن طبعا كل شخص ورايهـ ..

**مجوووودي** · 05-03-2010, 11:07 PM

لا انا اقصد ياريان ردهم يعني استفسر منهم واشوف وش يقولون لي :d

**ahmed_alhawi** · 05-03-2010, 11:11 PM

اخوي جووودي
شكرا لك بس مو غلط انا نستفيد من تجربتك راح يوافقوا الوكاله على تغير الزيت القير مع الفلتر ولا كيف ؟؟
واذا بغيت فزعه علمني بس انا شغلي قريب جدا من وكاله هوندا طريق خريص بس عطني الوو تلاقيني فوقهم ومعي فلاتر انطلها بوجيهم:d

اخوي ريان يعطيك العافيه يارب, بس انا بدخلها صيانه لانو عندي اشياء ابغاهم يسولي اياها ولا كلامك صادق والله لو مافي غير فلتر البنزبن شكلي بخليها للصيان 90,000

**مجوووودي** · 05-03-2010, 11:15 PM

والله ماطرالي اروح لفرع خووريص زحمة .. :d

الخالدية ارحم شوي

بكرة ان شاءالله اروح وويصير خير باذن الله

**الـمـسـافـر** · 05-03-2010, 11:57 PM

فلتر القير تقدر تطلبه منهم يغيرونه بس بيعابطون معك ويقولك ما يتغير ومن هالكلام

ممكن تشتريه من قطع الغيار وتركبه برا

قيمته 92 ريال والتركيب بالوكاله 96 ريال وبرا الوكاله بـ 50 ريال

اذا تبي رايي خلها على صيانه الـ 100 الف افضل تغير كل شي

**مجوووودي** · 06-03-2010, 10:58 AM

قبل قليل تم تغير فلتر القير

قال المصري مايتغير .. قلت لا يتغير الفلتر الخارجي قال مايتغير لازم كلووو مع بعض تقريبا بـ1000 ريال

قلت يارجال الفلتر لحاله غيرهـ بحدود ال95 ريال وفعلاً سعرهـ سئلت عنه بقطع الغيار طلع بـ95

المهم غيروهـ لي وحطيت القديم بالشنطة

وغيرت معه زيت المكينة

**ahmed_alhawi** · 06-03-2010, 01:21 PM

اخوووي مجودي مشكور ماقصرت
طيب انت غيرت الفلتر لحاله من غير ماتغير زيت القير معه؟؟
طيب وش المصري اللي يقولك عليه لازم كله يتغير ب 1000 ريال سلامات وش بغير معه؟؟؟

**مجوووودي** · 06-03-2010, 07:40 PM

اكيد غيرته مع الزيت ..

هو يبي يقنعني انه مايتغير الفلتر ..

بس شافني حشرته وذكرت له السعر وقعدت اتفلسف عليه .. صرف الموضوع وقال اهـ تقصد صفاية .. سلكت له وقلت ايه :d

لكن قال لي موديلات 2008 وفوق مالها فلتر مثل الـ2007 تقدر تغيرهـ

هذا كلامه ماادري عاد .. باقي الاخوان يفيدونك بالموضوع هذا ..

فترهـ الشغل استغرق ساعه بالتمام ..

**متصفح** · 06-03-2010, 07:53 PM

الفلتر موجود في الجيل الجديد 2008-2010 وفي نفس المكان ماتغير

http://www.hondaarabia.com/club/showthread.php?t=31295

راجع الموضوع

**FiRe || TeaR** · 07-03-2010, 03:03 AM

الوكالة دائماً يغيرون زيت القير والفلتر لأول مرهـ عند 60 ألف

فاتوقع اللي قـبلك مغيرهـ على 60 ألف عند الوكالة

تقدر تعرف اذا مغيرها في الوكالة , روح لهم وقلهم يشيكون في الكمبيوتر على نفس رقم هيكل السيارة أو على لوحة السيارة (( اذا ماغيرت اللوحة ))

اذا ماطلع تغيير زيت مكينة وفلتر في الكمبيوتر عندهم , احتمال يكون مغير زيت القير برى

واذا طلع عندهم انه مغير زيت القير في صيانة 60 ألف , يعني ماتحتاج تغيرهـ , وغيرهـ على 100 ألف الجايه

وعلى هالحال كل 40 ألف كيلو

مـوفق