اكيد الاكورد افضل
من الشكل و من الاداء
و حتى القطع
و يكفي انها ياباني
اما الفورد امريكي الله يكون بعونك معه هع هع
و مشكور يالخوي على المقارنه
سيارات,مقارنة بين هوندا اكورد v6 و فورد تورس ( فورد 500 )
السلام عليكم ورحمة الله وبركاته
بسم الله الرحمن الرحيم
اليوم أحبتي الاعضاء اقدم اليكم مقارنة جميلة بين
الهوندا اكورد سته سلندر
و
فورد تايروس ( فورد 500 )
اليكم صورتين للسيارات اثناء المقارنة
اولا نبدا بالمنافس الياباني
Honda Accord EX-L-Navi V6
السعر 31 الف دولار الذي يعادل 116 الف ريال
اولا لنبدأ بالاداء
تنطلق من 0-100كم/س : 7.2 ثواني
سرعتها القصوى: 250 كم/س تقريبا
و اما الان اليكم معلومات عن المحرك
حجم المكينة: 6 سلندر
سعة المكينة: 3.5 لتر =3471 سي سي
عدد الاحصنة: 271 عند 6200 ار بي ام
قوة السحب(التورك): 254 قدم/رطل عند 5000 ار بي ام
و الان و معلومات عامه اخرى
نوع ناقل الحركة: 5 نسب اوتوماتيك
نوع الكبرسور: بدون
الدفع:امامي
نوع البودي : مصنوعة من الفولاذ الوحدوي
صورها
و اما الان مع المنافس الامريكي
Ford Taurus ( فورد 500 )
السعر 32 الف دولار الذي يعادل 120 الف ريال
اولا لنبدأ بالاداء
تنطلق من 0-100كم/س : 7.8 ثواني
سرعتها القصوى: 250 كم/س تقريبا
و اما الان اليكم معلومات عن المحرك
حجم المكينة: 6 سلندر
سعة المكينة: 3.5 لتر =3496 سي سي
عدد الاحصنة: 263 عند 6250 ار بي ام
قوة السحب(التورك): 249 قدم/رطل عند 4500 ار بي ام
و الان و معلومات عامه اخرى
نوع ناقل الحركة: 6 نسب اوتوماتيك
نوع الكبرسور: بدون
الدفع:امامي
نوع البودي : مصنوعة من الفولاذ الوحدوي
صورها
هذه المقارنة قامة بها مجلة ادموندز العالمية مع تفوق الهوندا اكورد على التايروس ( فورد 500 )
الاسباب الرئيسية لتفوق الاكورد هي
1. الاكورد اسرع
2. افضل في المنعطفات
3. ارخص
4. اوسع من الداخل
5. صندوق امتعة اوسع
اتمنى الموضوع ينال على اعجابكم
م0 ن
اكيد الاكورد افضل
من الشكل و من الاداء
و حتى القطع
و يكفي انها ياباني
اما الفورد امريكي الله يكون بعونك معه هع هع
و مشكور يالخوي على المقارنه
تحلمون والله
الفورد فوق يالغالي
وش جاب الثرا للثريا :o
الأكورد أرخص ولكن مافيها 5% من مواصفات التوروس
يكفيك ان فيها إمكانية برمجة السيارة على سرعة محدده لاتتجاوزها عند إعطاء السيارة للغير
بالله تقارن هالداخليه بداخليه الاكورد الي ما فيها الا سيدي :p
تدفئه المراتب الخلفيه < تحلم هوندا تحطها الا بعد 200 سنه :p
يعطيك العافيه يالغالي
وتصويتي للفورد حتى لو هي سياحي
التعديل الأخير تم بواسطة @اكورد وبس@ ; 06-03-2010 الساعة 08:21 PM
اما من رأيي انه لو تقارن الاكورد الامريكيه نفس الي بالموضوع
راح تتفوق الاكورد حتى بالمواصفات
اما لو قارنا الاكورد الخليجيه مع الفورد ذي راح تتفوق الفورد بالمواصفات
اصوت للاكورد الامريكيه
^
دام الفورد احسن من الاكورد بالخليج أجل كيف بأمريكا ؟
والاكورد الامريكيه ما فيها شئ بس ملاحه :p
مشكله أهل الهوندا ماخذين مقلب بالاكورد :d < مو كلهم بعضهم
يمكن يفيد هذا المقطع ويوضح المواصفات
[ame]http://www.youtube.com/watch?v=bOI05wF8DM8[/ame]
حبيبي ترا الاكورد الامريكية تجي بتدفئة المراتب وشاشة
وترا هالفورد والله بايخة لا شكل ولا داخلية ولا شي
حتى المعروف عن الامريكي بققوة المكينة بس هذي السيارة اقل من الاكورد في التسارع؟؟
يازينك يالاكورد بس
معليش بالمواصفات تستريح الاكورد الامريكيه و غير الامريكيه
فيها تقنيات السياره و قارنوها بــ bmw و لكزس من حيث المواصفات
و انا كتبت موضوع قبل كدا عن التورس و تلقاه فيه رابط ادخل و حتشوف العجب
!!! اكــــــــورد عندما تعشق التـــــــميز !!!
يا عالم صادقين تقارنون الاكورد بالتوروس ؟
حتى السعر فرق التوروس حول 150 الف والاكورد 120 ولا تستاهل هالسعر أبد أبد
وما شاء الله صارت الاكورد تقارن بالبي ام ؟؟ < يحلون مشكله القماشات بعدين يتكلمون :p
^^^
هد أعصابك ., ولا تخلي الموضوع يتقفل .,!!
وشسمه ,’ دامها اب 150 الف ., في سيارات ., أحسن منها .,
من رايي ., شكلنا الاكورد .,
الموصفات ., التروس .,!
*&&&&&&&&&*
~!~
مع إحترآمي ...
التوروس المذكورة هنآ بالموضوع ؛ لم يتم ذِكِر حتى 10% من مواصفاتهآ ..
وثانياً كيف تقارن هوندا أكورد فل كامل بـ توروس أقل من الفل ؟؟!!
ومع أن الفئة أقل من الفل ؛ إلآ أنها مازالت أفضل من الأكورد بمليون مره ؛ وهذي بعض مواصفاتها اللي إنت ماذكرتها
أو ممكن تعمّدت ماتذكرها ؛ عشان ترجيح كفة الأكورد لأي سبب كان ؛ مع إن المفروض في عالم السيارات
لايتم طرح إلآ الحقائق و التقييم يكون متاح للمستخدم و المجرّب فقط ..!! ؛ والقوي يفرض نفسه في المقارنه
أترك إحدى مواصفات التوروس ؛ إلقي عليها نظرة بس و إحكم بعقلك و ليس بقلبك :
* رآدآر للسرعه في أسفل الصدام الأمامي ( في فئة النص فل )
* الدخول بأرقام سرية باللمس موجودة على الباب ( فئة النصف فل )
* بشاشة نافيقيشن ويتوفر بها مشغل DVD وأيضا تمتاز بـ هارديسك داخلي سعته 40 جيـجا( لفئة النص فل )
* يتوفر بالسيارة نظام (سينك) من شركة مايكروسوفت وهو نظام أوامر صوتيه يستطيع الشخص طلب مايريده من الأوامر سواء الراديو أو التكييف أو الشاشة ( في فئة النص فل )
* تميّز الداخلية بإضاءه خافته بالإمكان تغيير لونها - بين الأحمر و الأزرق و الأخضر - ( فئة النص فل )
* تبريد و تدفئة أسيات أماميه و خلفيه ( فئة النص فل )
* إمكانية برمجة السيارة على سرعة محدده لاتتجاوزها عند إعطاء السيارة للغير (فئة الص فل )
* الزجاج الثقيل ويتكون من طبقتين ولذلك لضمان جودة العزل وكذلك الزجاج به عازل للحرارة شفاف لبقاء البروده داخل المقصوره.
* العزل أكثر من ممتاز بسبب جودة المواد المستخدمه
* نظام صوتي مميز وبه 12 سماعه كبيره من شركة سوني
* مميزات محرك فئة SHO أنه يولد 365 حصان تضاهي أقوى محركات الـ8 سلندر وذلك بفضل وجود 2 شاحن تيربو مع تقنية اقتصاد الوقود
* والسعّر للفل كامل ؛ 159 ألف ريال فقط #
إن كانت الأكورد في أعلى فئاتها تحتوي على 10% من هذه المواصفات
فإعتبرها فائزة في هذه المقارنه .. :p ..!!
( لم يتم ذكر كافة مواصفات السيارة ؛ تم ذكر بعض المواصفات الذكيّة و المتميّزة فقط )
لا والله ان التوروس مهي صاحيه
ولا تصف جمبها الاكورد في المواصفات
في المواصفات ما شاء الله على التورس >> مثل البي ام وممكن افضل واكثر بعد
ولكن شكلها خارجيا مره بايخ لو يضبطون شكلها بس كان تطلع خقاق
وعلى هالمواصفات تستحق اعلى من سعرها بكثييييييييييييير ولكن شكل خارجي معليش
يعطيك العافية اخوي ملك السوناتا على الرد والتوضيح
التورس أفضل من جميع النواحي
والمجلة تقول ان الاكورد اثبت من المنعطفات اقولها استريحي بس ..
يابن الحلال كل موضوع فيه اراء ينقز هالعضو ويسوي مشكله على الفورد
انا اشوف الاكورد احلى سياره انت وش مزعلك
بلا فورد بلا وجع رأس
فيه منتدى للفور رح امدح فيه لين ماتطفش
خافوا الله ياناس ..
متاكد إن تقارن أكورد بتورس ..
عجب والله ..
يالحبيــب التورس هذي عالم ثاني ..
لاتقول لاني عاشق للفورد ..
لكن الحقيقة ..
الاكورد حتى ماتجي ربع من التورس ..
ليس إستهزاء بالاكورد ..
لكن حقيقة التورس تتندمج مع أفـخم السيارات من فئتها مثل الكابريس الرويال والكادليك CTS والنوع السبور من الكابريس SS من رغم غنها أفخم بكثير منها ..
روح للوكالة الجزيرة وأطلب تجـربة السيارة وبعدين قارن ..
يالحبيــب نـص موصفات التورس ماتلاقيها من فئات اليكزس ( أفخم شركة يابانيـة ) الا في ليكزس ls
من مساج للمقاعد ونظام النقطة العميتاء والرادار اللي الوكالة مافرته هنـا وعد وأغلط من الموصفات ..
اللي لو كانت تابعه الفورد للوكالة عبداللطيف وا عبدالله باهاشم لنلاقي الاستاندر بـ 150 الف ..
الاكورد الستة سلندر من مقارناتها الفيوجن 6 سلندر كامري 6 سلندر وليس اوريون وسوناتا والابيكا وميلان ..
علما بانه الفيوجــن الافــضل من هذه السيارات لانه النسخـة طبق الاصل لسيارة الفخمة لينكون MKZ ..
وبعديــن الفورد ومشتقاتها مظلومـة بشكل كبيـر وخاصتا السيارات السيدان والصالون من فئتها من تقاراي وإختبارت الشركات العالميـة
ولزت أؤكد بانه التقرير هذا غلط كبيـر ..
وإذا تبوا تقارنون السيارة من فورد قارنوها عىل حسـب فئتها وهيا الفيوجن والميلان لكن من دون لينوكن MKZ
هيــا ســلآم ...!!!
ابدااااااااااااع التورس
اول مره تصنع فورد سياره لها شكل خارجي وداخلي مضبوط
يعطيك العافيه ع الموضوع
وين ياعالم التوريييس شنيعة بحكم تجربه ولد خالي معه توريس قسسم بالله اذا ركبت سيارته وركبت سيارتي احس اني راكب ددسن انت
المميزات الي شفتها بسيارته ,,
شاشة ملاحه بالصورت التوجيه
المقاعد فيها تدفئه وتبريد
في الليل الانوارفي السيارة تقول كأنك في مقهى ليلى والعياذ بالله :d
الشاشة الاماميه تعتيم اتوماتيكي يعني لما يجي واحد يكبس لك وهو مواجه لك تعتم القزازه اتوماتيكي
واذا ركبت السيارة كأنك راكب طياره ماتسمع اي صوت للي خارج السيارة
المقاعد مرييحه مررره
في ميزه مدري ذكروها الاخوان اهي لمااا تكون في زحمة سيارات تقدر تخلي السيارة تسوق نفسها بنفسهااا يعني تهدي وتدعس على حسب السياراة الامامية طبعاً كل هذي بوجود حساسات اماميه وانا مجربها بنفسي
بالمجمل السيااااارة ماتقارن بالاكورد مع احترامي للأكورد
والتقرير فيه غلللط التوريس عدد الاحصنه 350 حصان تقريباً
بعدين ياناس اتركوا التعصب ترا كلها كراتبين مجمعه يعني لا ابوك مصنعها وعمك كلهم اجانب فوسعوا صدوركم شوي وانصفوووا السيارات ...
والسلام عليكم
شكرا على الموضوع الذي لقى إثارة من خلال الردود
بس كلمة حق تقال في الامريكي إنه ما يخليك تشعر بالمطابات بخلاف الياباني
وكلمة حق تقال في الياباني بأنه وخاصة الهوندا جامدة في المنعطفات
تحية للجميع
مواقع النشر (المفضلة)